| Ar nos Sadwrn, 4 Hydref bu parti pen-blwydd Ken Pritchard yn un o westai canol dinas Lerpwl a daeth aelodau o'i deulu a chyfeillion a'i ffrindiau o blith Cymry Lerpwl ynghyd i'r dathlu.
Roedd y parti hwn yn gyfle hefyd i ddymuno yn dda i Ken ar gyfer ei ymddeoliad a diolch iddo am ei holl gefnogaeth i fywyd Cymraeg dinas Lerpwl dros y blynyddoedd. Ni fu ei ffyddlonach. Bu ei dad, Mr R.P. Pritchard, Broadgreen yn weithgar gyda'r Angor yn y blynyddoedd cynnar, a chofir am ei fam a fu môr ofalus o Ken. Gwelid y ddau gyda'i gilydd yn y cyfarfodydd a'r cymdeithasu. Aelodau yng Nghapel Cymraeg y Bedyddwyr yn Edge Lane oeddynt fel teulu. Mae bywyd Ken yn dal i droi o amgylch y sefydliadau Cymraeg.
Gwelir ef ar fore Sul yng amgylch y sefydliadau Cymraeg. Gwelir ef ar fore Sul yng
Nghapel Bethel, Heathfield Road pan fydd cyfle ganddo er mai aelod ydyw yng nghapel yr Annibynwyr Cymraeg yn Woolton Road.
Ar nos Lun daw i Gymdeithas Lenyddol Bethel ger Penny Lane ac ar nos Fawrth, ni chyll y Gymdeithas Gymraeg yn Neuadd y Crynwyr. Mae'n adnabod Lerpwl ar bysiau ar gledr ei law.
Dymunir yn dda iddo i'r dyfodol gan ddiolch am ei deyrngarwch i ni ddoe a heddiw.
 | 
