| Bu Rhian Williams, merch Margaret Anwyl ac Alan Williams, Allerton ar grwydyr yn yr India, is-gyfandir sydd mor arbennig. Un arall a fentrodd i bellafoedd y byd yw Gareth Roberts, mab hynaf Mair a Idris Roberts, Allerton. Rhoddodd ef ei fryd ar deithio i'r Wladfa a Phatagonia, rhan o'r byd sydd â diddordeb anghyffredin i ni'r Cymru. Hoff gennyf bennill Richard Jenkins, mab yr arwr Aaron Jenkins, o'i gerdd Y Cymry ar Llannau Canwy. Roedd gwledda ar gig a mate
Ar swper yn gytun
A chlymu bawb ei geffyl
Yn ddiogel bob yr un,
I orffwys aent yn dawel
A chysgu hyd y wawr
Heb ofni'r llew newynog
Hen deyrn y peithder mawr. Un arall sydd allan ar hyn o bryd yw Mrs Elan Jones, Mossley Hill. Un o'r Wladfa yw Elan, ac yn ddolen-gyswllt bwysig gyda Patagonia a chymdeithas Ariannin yng Nghymru. Edrychwn ymlaen i'w gweld hi yn dychwelyd atom ar ôl treulio rhai wythnosau gyda'i theulu. Rhwng Elan a Gareth mae'n siwr y cawn glywed mwy yn fuan am y Gaiman, dolafon, Trelew, Rawson, Madryn, Las Plumas a Comodoro Riivadaria.
 | 
