| Dechreuodd y cyflenwad o ddanteithion gyrraedd nos Wener ac erbyn prynhawn Sadwrn, Hydref y 3ydd, roedd pob bwrdd dan ei sang gyda amrywiaeth o deisennau, brechdanau, ac ati.
Natalie James,merch y perchnogion Beryl a Keith, oedd yn gyfrifol am newid bwydlen arferol y Llew Coch. Codi arian dros elusen Canser y Fron oedd y cymhelliad y tu ôl i'r digwyddiad arbennig hwn. Nid dyma'r tro cyntaf i Natalie gefnogi achos da. Mae hi wedi codi llawer iawn o arian dros elusennau yn y gorffennol. Y tro yma, llwyddodd y Te Parti Mefus i godi dros £315 at elusen Canser y Fron.
Cyfrannodd sawl un o ffrindiau'r Llew Coch bob math o deisennau a pharhaodd y te parti drwy'r prynhawn. Daeth mwy na 50 o gefnogwyr at ei gilydd i fwynhau'r parti a chynhaliwyd cystadleuaeth
am y deisen orau, enwi'r arth, a raffl.
Bydd trigoliorn hŷn y pentref yn cofio te parti enwog arall, sef 'Te Parti'r Foel' (gw. Clochdar Gorffennaf 2009). Ys gwn i a fydd parti teisennau Y Llew Coch yn dod yn rhan o draddodiad Penderyn?
Mae'r Llew Coch yn bendant wedi llwyddo ennill enw da gyda ymwelwyr o bedwar ban y byd.
Joyce Morgan
 | 
