Yno fe ddaeth yr holl waith caled ynghyd. Defnyddiwyd y dechnoleg theatr ddiweddara a set a adeiladwyd yn broffesiynol i ddod â phersbectif newydd i'r clasur theatrig hwn.

Ar y nos Fercher a'r nos lau fe adawodd y gynulleidfa wedi eu gwefreiddio gan broffesiynoldeb a thalent y bobl ifanc ar y llwyfan, yn y band a'r rhai oedd yn gweithio gefn llwyfan. Cafwyd perfformiadau cofiadwy a thrawiadol gan y prif gymeriadau a gwaith egnïol a phwerus gan y Corws.

Hoffai'r athrawon oedd ynghlwm â'r broses ddiolch o galon i'r disgyblion am eu hymroddiad, eu hamser a'u hiwmor. Maent oll yn esiampl o'r hyn sydd yn bwysig yma yn Rhydywaun ac eisoes yn paratoi ar gyfer eu perfformiadau nesaf yn Eisteddfod yr Urdd. Llongyfarchiadau mawr iddynt!