Bydd darllenwyr y papur yn siŵr o adnabod y teulu! Mae Rhian ei chwaer yn diwtor ym Mhrifysgol Morgannwg, ei nyth Sali yn athrawes yn Ysgol Glyn Nedd a'i nai Rhys yn hyfforddwr golff proffesiynol. Maent i gyd yn byw yn y Cwm ac yn ymfalchïo yn eu gwreiddiau a'u Cymreictod.

Derbyniodd Huw ei addysg yn Ynyslwyd, Rhydfelen ac yna ym Mhrifysgol Cymru, Aberystwyth cyn dechrau ar ei yrfa fel athro Cymraeg. Y mae eisoes yn bennaeth llwyddiannus yn Ysgol Gymunedol Cwrt Sart yng Nghastell Nedd er 2005.

Mewn sgwrs a Clochdar dywedodd iddo ymgeisio am y swydd yn Aberpennar am fod ganddo awydd cryf i gyfrannu at ddatblygiad pellach addysg yn ei fro enedigol. Ychwanegodd fod Ysgol Aberpennar ar flaen y gad gyda'i chanlyniadau a'i phwyslais cymunedol, a'r her nawr oedd datblygu'r ysgol nes ei bod yn rhagori ym mhob un agwedd o'i gwaith.

Mae ganddo lu o syniadau newydd gan gynnwys creu academi chwaraeon,, a chryfhau dwyieithrwydd yr ysgol. Dywedodd ei fod yn edrych ymlaen yn fawr iawn at y sialens newydd a'i fod yn teimlo'n gyffrous o fedru gweithio yn y cwm am y tro cyntaf yn ei yrfa. Bydd Huw yn dechrau ar y gwaith yn ystod tymor yr haf eleni.

Dymunwn yn dda iddo a dwi'n siŵr y caiff Clochdar glywed mwy oddi wrth Ysgol Aberpennar yn ystod ei gyfnod fel Pennaeth! Braf gweld Cymro Cymraeg yn ymgymryd â'r her yn ein hysgolion cyfrwng Saesneg!