Llongyfarchiadau i Siân Moran, hyfforddwraig Ysgol Tang Soo Do Aberdâr. Mae Tang Soo Do yn math o garate o Korea sy'n debyg i Tae Kwon Do. Enillodd dwy fedal aur ac un arian ym mhencampwriaeth rhyngwladol Tang Soo Do 2008 a gynhaliwyd yng Nghaerdydd ar Fai 10.

Ar ôl cystadlu yn erbyn nifer o gystadleuwyr gwregys du o Gymru a'r Unol Daleithiau enillodd Siân y gystadleuaeth patrymau (Hyung/Kata) a'r arfau cyn dod yn ail wrth chwalu byrddau pren. Aeth ymlaen i dderbyn yr anrhydedd uchaf wrth ennill tlws pencampwraig mawreddog y menywod.

Llongyfarchiadau hefyd i'w disgyblion sydd wedi bod yn ymarfer yn galed dros yr wythnosau diwethaf. Enillodd Morgan Abraham sy'n 10 oed fedal aur yn yr ymladd i fechgyn 9-11 oed gwregys gwyrdd, a medal efydd yn yr hyung (kata). Bu ei frawd Gareth sy'n 12 oed yr un mor llwyddiannus wrth ennill medal aur yn yr ymladd i fechgyn 12-14 gwregys gwyrdd, tra yr enillodd Richard Morgan sy'n 13 oed fedal aur yn yr Hyung yn yr un categori.

Mae Siân yn gobeithio y bydd hi yr un mor llwyddiannus ym Mhencampwriaeth Tang Soo Do'r byd. Bydd y gystadleuaeth yn cael ei chynnal yn Orlando, Florida ar Awst 1-3. Am ragor o fanylion am Tang Soo ewch i weld Siân yng nghanolfan gymunedol Penywaun, Stryd Gwladys, Penywaun unrhyw nos Fercher am 7- 8.30yh neu brynhawn Sul am 4.30-7.30yh neu ffoniwch 01639 710595.