 |  | | O Rydywaun i Wlad Pwyl
Tachwedd 2006
Wrth i weddill myfyrwyr chweched dosbarth ysgolion Rhydywaun, Ystalyfera, y Fro, Gwynllyw, a Glantaf fwynhau diwedd eu gwyliau haf, bu grŵp o Urddaholics lleol ar daith i Wlad Pwyl ar brofiad gwaith gwirfoddol. | | |
| Dros y flwyddyn ddiwethaf bu'r disgyblion yn brysur yn codi arian - fan leiaf £500 yr un - er mwyn mynd ar brosiect sy'n digwydd bob yn ail flwyddyn, sef ymweld â chartrefi plant yng Ngwlad Pwyl. Y tro hwn ymwelwyd â Legnica a Swidnica. Nod y daith oedd gwella safonau byw y plant drwy brynu anrhegion iddynt ac addurno eu hystafelloedd, yn ogystal â chanu llawer o ganeuon Cymraeg a mwynhau dawns Mistar Urdd! Mae'r arian a gasglodd y myfyrwyr, drwy gig yng Nghaerdydd a llawer o gerdded, dawnsio a nofio noddedig hefyd yn bwriadu mynd tuag at gynnal taith i'r plant hyn yn y cartrefi i Langrannog yn haf 2007. Roedd y daith yn un hynod lwyddiannus, gydag ambell daith i IKEA i chwilio am ddeunyddiau addurno a dodrefnu, ac fe welwyd newid arbennig o bositif yn Legnica a Swidnica. Roedd yn anodd ffarwelio â Phwyl ar ôl cael cymaint o groeso am yr wythnos, ac rwy'n gwybod fod yr Urddaholics yn edrych ymlaen at yr haf nesaf yn barod a'r wythnos yn Llangrannog! Hoffwn ddiolch yn fawr i bawb a gyfrannodd at y daith, ac a alluogodd i ni wneud gwahaniaeth bychan i fywydau plant amddifad yng Ngwlad Pwyl.
Elinor Davies Blwyddyn 13Helpu yng Ngwlad Pwyl - Erthygl Bethan Rowe, Blwyddyn 13, Ysgol Gyfun Bro Morgannwg
| | | |
 | | Cyfrannwch i'r dudalen hon! | | |
|
|
