Nigeria Accident: Ènìyàn 17 kú nínú ìjàmbá ọkọ̀ mẹ́ta tó ṣẹlẹ̀ ní Osun, òpópónà Ibadan sí Eko àti Delta

Eniyan mẹtadinlogun lo ku, ti ọgọọrọ eniyan si farapa ninu ijamba ọkọ to waye ni awọn opopona ni ipinlẹ Osun, Ogun, Delta ati ipinlẹ Eko.

Iroyin ni eniyan mẹsan an ni ẹmi wọn ba ijamba ọkọ laarin ọpọlọpọ ọkọ to waye ni ipinlẹ Osun.

Eniyan mẹrin ku ninu ijamba ọkọ to waye nipinlẹ Ogun, pẹlu eniyan meji si sọ ẹmi wọn nu ninu ijamba ọkọ to waye nipinlẹ Delta ati ilu Eko.

Agbegbe Igbelajawa, Erin Ijesa ni ọkọ nla meji ti kọlu ara wọn nipinlẹ Osun.

Awọn ọkọ meji to k lu ara wọn ni opopona Ilesha-Akure naa lo gbina ti ọkọ mẹsan an si jona raurau.

Ijamba ọkọ naa fa sunkẹrẹ-fakẹrẹ ọkọ titi de Ipetu/Eti Oni/ Iperindo/ Ilesha road, eleyii si mu ki ọpọlọpọ ọkọ ha si oju kan naa fun ọpọlọpọ wakati ti Ajọ FRSC, ọlọpaa ati Ajọ panapana fi ṣiṣẹ lati la ọna fun awọn eniyan lati ṣiṣẹ.

Gomina ipinlẹ Osun, Adegboyega Oyetola ba awọn ẹbi ati ara awọn eniyan to sọ ẹmi awọn eniyan wọn daro.

Nipinlẹ Ogun, ijamba ọkọ to waye naa ṣẹlẹ ni ori afara Saapade, to lọ si opopona Ibadan si Eko.

Ajo FRSC to fidi iṣẹlẹ naa mulẹ sọ wi pe aṣiwa ọkọ lo fa a iṣẹlẹ naa ni idaji ọjọ Aje naa, ti ẹmi eniyan mẹfa si lọ si iṣẹlẹ naa.

Ni ilu Eko, ijamba ọkọ to waye lori afara Third Mainland Bridge, ti wọn n lọ si Iyana Oworo naa mu ẹmi eniyan meji lọ.

Bakan naa ni ilu Delta, eniyan meji sọ ẹmi wọn nu ni opopona Ughelli-Warri ni aarọ Ọjọ Aiku, ti awọn mẹfa si farapa.

Ilé alájà mẹ́ta wó pa èèyan méje, èèyàn 20 farapa ní Obalende, Eko

Eeyan méje ti jẹ Ọlọrun nipe nibi ile alaja mẹta to wo ni ipinlẹ Eko lọjọ Aiku, ọjọ kọkanla, oṣu Kẹwaa, ọdun 2020.

Kii ṣe ajoji mọ bi ile ṣe n wo lọtun losi ni ipinlẹ Eko ti o si maa n mu ẹmi awọn eeyan lọ tabi ki wọn farapa nigba ti wọn yoo fi doola wọn.Ile naa ti wọn n kọ lọwọ lo wa ni adugbo Odo, Obalende, nijba ibilẹ Eti-Osa ni ilu Eko.

Pato ohun to fa a to fi wo ko tii ye ẹnikẹni ṣugbọn ajọ to n ri si iṣẹlẹ pajawiri ni Eko, LASEMA atawọn ajọ adoola mii ni awọn ti ri ogun eeyan doola laaye wọn si ti gbe wọn lọ si ileewosan kiakia.

Bakan naa ni ajọ naa sọ pe ajọ to n risi ọrọ ile kikọ nipinlẹ Eko, LASBCA, ti titi ile naa pa tẹlẹ ṣaaju iṣẹlẹ buruku yii.

Amọ ẹni to ni ile naa pada gba ọna alumọkọrọyi bẹrẹ iṣẹ nibẹ ni owurọ ọjọ Aiku.

Ọga Agba ajọ LASEMA, Olufemi Oke-Osanyintolu sọ ninu atẹjade kan pe aigbọran si ofin lo pada yọri si bi ile naa ṣe wo, to si mu ẹmi awọn eeyan kan lọ.

Ṣugbọn, ọkunrin mẹfa, obinrin kan lo ba iṣẹlẹ naa rin ti wọn si ti gbe wọn lọ sile igbokusi.

Ẹwẹ, alukoro ajọ LASEMA, Nosa Okubor ni igbiyanju ṣi n lọ lọwọ lati doola awọn eeyan toripe wọn o mọ iye eeyan ti ile naa wo lu nigba ti a fi n ko iroyin yii jọ.

Ẹni méjì kú, ọ̀pọ̀ dèrò ilé ìwòsàn níbi ìjàmbá ọkọ̀ tó ṣẹlẹ̀ ní Okokomaiko nípínlẹ̀ Eko

Ajọ to n mojuto iṣẹlẹ pajawiri ni ipinlẹ Eko, iyẹn, Lagos State Emergency Management Agency, LASEMA ti fidi iṣẹlẹ ijamba ọkọ naa mulẹ nipinlẹ Eko pe ẹmi meji ba iṣẹlẹ naa rin.

Ogbeni Nosa Okunbor to jẹ agbẹnusọ ajọ LASEMA fi atẹjade naa sita lọjọ Aiku pe agbegbe Okokomaiko si Iyana Isashi ni ijamba ọkọ naa ti ṣẹlẹ.

O ni ajọ LASEMA ti ko awọn to ṣeṣe ni Oke afa ninu ejigbo naa lọ sile iwosan.

O ni didide kia si amojuto iṣẹlẹ naa lo tun jẹ ki iku to wa nibẹ mọ niwọnba bẹẹ nitori bi wọn se de ibẹ ni wọn doola ẹmi awọn to ha sinu ọkọ naa ati awakọ ti wọn pe ni Olasupo Adedeji to n gbe ni Asenuga ni ibudokọ Ile iwe ni Ikotun.

Ogbeni Nosa ni pe: " bi ajọ LRT se rii pe awakọ bọọsi akero kekere naa ti kọlu ọkọ akero miran to si wọ ọ lọ kọlu okọ ajagbe ti wọn wa soju kan nibẹ.

Lori ere ni ọkọ naa kọlu ọkọ ajagbe naa ti awọn eeyan si ha si abẹ rẹ.

Ati pe awọn meji miran tun farapa ni Okokomaiko loru ọjọ Ẹti.

Wọn ti pese itọju to yẹ fun awọn to farapa niwọnba ti wọn si ko awọn to ku lọ si Trauma Centre".

LASEMA salaye pe loju ẹsẹ ni awakọ kan ati ero kan dagbere faye ni Okokomaiko si Iyana Isashi lopopona Badagry.

Ọkọ ajagbe to ni nọmba AAA 95 XX lo bajẹ loju ọna pẹlu ẹru irin to ko ni eyi to fi jẹ ki sunkéré fakéré o pọ lọna.

Bakan naa ni ọkọ ajagbe akẹru miran to ni nọmba GDD 962 ZT to kọ awọn pali ohun mimu ni awakọ rẹ gbagbe sunlọ ti o si ja le ọkọ bọọsi akero ti nomba rẹ jẹ SMK 343 YA ati LSD 818 XX ti awọn naa wa ninu sunkẹrẹ fakéré ọkọ nibẹ.

LASEMA ni wọn ti palẹmọ oku awọn to doloogbe lọ si Lagos State Environmental Health Monitoring Unit Officials.