APC news in Ondo State: Yahaya Bello ni alága ìgbìmọ ìdìbò abẹ́lé gónìnà ìpińlẹ̀ Ondo

Egbẹ́ òṣèlú APC nípìnlẹ̀ Ondo ti yan Gómìnà Kogi Yahaya Bello gẹ́gẹ́ bi alága ìgbìmọ̀ ìdìbò abẹ́lé fún àwọn olùdíje fun ipo gómìnà nípìnlẹ̀ Ondo.

Èyí jẹyọ nínú àtẹ̀jáde kan ti àkọlé rẹ̀ ni "Gómìnà Yahaya Bello gẹ́gẹ́ bi alága ìdìbò abẹ́lé ìpínnlẹ̀ Ondo" tí ìgbákejì akọ̀wé ìpolongo apapọ̀ ẹgbẹ́ buwọ́lù, Yekini Nabena nílùú Abuja lọ́jọ́rú.

Nínú àtẹ̀jáde náà ni wọ́n ti kọọ́ wí pé, ṣaájú ìdìbò abẹ́lé ẹgbẹ́ òṣèlú All Progressives Congress ti yóò wáye ni ìpińlẹ̀ Ondo ní ogúnjọ oṣù kèje, ọdún 2020, lábẹ́ gómìnà ìpínlẹ̀ Yobe Mai Mala Buni tó ń jẹ́ adelé alága ètò àti ìpètù sááwọ̀ ẹgbẹ́.

Gómìnà ìpińlẹ̀ Kogi, Yahaya Bello ni yóò jẹ́ alága ìgbìmọ̀ ìdìbò abẹ́lé, nígbà ti Emperor Chris Baywood Ibe yóò jẹ́ alága ìgbìmọ̀ to ń pètù sí ààwọ̀ ìdìbò abẹ́lé.

"Àwọn ọmọ ìgbìmọ̀ ìdìbò abẹ́lé ìpińlẹ̀ Ondo"

1. H.E. Yahaya Bello - Alága

2. Olorogun o'tega Emerhor OON - Akọ̀wé

3. Alwan Hassan - Ọmọ ẹgbẹ́

4. Chief Samuel Sambo - Ọmọ ẹgbẹ́

5. Hajiya Binta Salihu - Ọmọ ẹgbẹ́

6. Mr. Emma Andy - Ọmọ ẹgbẹ́

7. Dr. Adebayo Adelabu - Ọmọ ẹgbẹ́

8. Abdullahi Aliyu - Ọmọ ẹgbẹ́

9. Mrs. Margret Ngozi Igwe - Ọmọ ẹgbẹ́

Àtẹ̀jáde ọ̀hún náà tún dárúkọ àwọn ọmọ ìgbìmọ̀ tí yóò pẹ̀tù sááwọ̀ to bá súyọ lẹ́yìn ìdìbò abẹ́lé

1. Emperor Chris Baywood Ibe - Alága

2. Arch. Abdulmimuni Okara - Akọ̀wé

3. Mr. Festus Fientes - Ọmọ ẹgbẹ́

4. Mr. Okon Owoefiak - Ọmọ ẹgbẹ́

5. Mr. ABBA Isah - Ọmọ ẹgbẹ́

6. Alh. Umar Duhu -Ọmọ ẹgbẹ́

7. Hon. Sani El-katuzu - Ọmọ ẹgbẹ́

8. Mrs. Osuere Eunice - Ọmọ ẹgbẹ́

9. Emeka Agaba - Ọmọ ẹgbẹ́

O ní adelé alága APC yóò maa ṣàfilọ́lẹ̀ àwọn ọmọ ìgbìmọ̀ méjèèjì ní olú ilé ]ẹgbẹ́ ni ilú Abuja ní aago mẹta ọ̀sán ọjọ́ Ẹti, ọjọ́ kẹtàdinlógun, oṣù keje, ọdun 2020

Mi ò tíì gba ìwé ìfitónilétí pé wọ́n fẹ́ yọ mí nípò- Igbákejì gómìnà ìpínlẹ̀ Ondo

Igbakeji gomina ipinlẹ Ondo, Agboola Ajayi ti sọ pe oun ko tii gba iwe ifitonileti pe ile igbimọ aṣofin ipinlẹ ọhun fẹ yọ oun nipo.

Ajayi lo fi ọrọ naa lede nigba to ba BBC Yoruba sọrọ lori aago.

O ni "Wọn ko tii fun mi ni iwe ifitonileti kankan o, mi o tii gba iwe kankan."

Ṣaaju ni iroyin kan ti kọkọ jade pe akọwe ile naa, Adeyelu Bode sọ pe ile ọhun ti fun Agboola Ajayi ni iwe ifitonileti naa.

Iroyin naa ṣalaye pe lara ẹsun ti awọn aṣofin naa fi kan igbakeji gomina ọhun ni iwa aṣemaṣe lẹnu iṣẹ, ṣiṣowo ilu baṣubaṣu, aṣilo ipo, eyii to lee da oju ijọba bolẹ, atawọn ẹsun miran.

Ṣugbọn igbakeji gomina naa fidi rẹ mulẹ fun BBC Yoruba pe ọrọ ko ri bẹ nitori ohun ko tii ri iwe kankan gba.

Wahala bẹ silẹ laarin gomina ipinlẹ Ondo, Rotimi Akeredolu ati igbakeji rẹ lẹyin ti Ajayi fi ẹgbẹ oṣelu APC silẹ lọ darapọ mọ ẹgbẹ PDP.

Ko pẹ to gbe igbesẹ yii ti awuyeweuye iyọnipo naa bẹrẹ, ti mẹrinla lara awọn aṣofin ile si gbe igbesẹ lati yọ igbakeji gomina ọhun nipo, ṣugbọn mẹsan an lara wọn ni wọn ko ni lọwọ sii.

Ki lo ti ṣẹlẹ sẹyin?

Ondo Crisis: Ẹ̀ṣùn kan ṣoṣo tí ilé aṣòfin fi le yọ igbákejì gómìnà ní tó bá tàpá ṣófin ilẹ̀ wa

Ile asofin ipinlẹ Ondo ti bẹrẹ igbesẹ lati yọ igbakeji gomina ipinlẹ naa, Agboola Ajayi nipo rẹ.

Kii ṣe iroyin tuntun mọ pe aarin Gomina Ipinlẹ Ondo, Oluwarotimi Akeredolu ati Igbakeji rẹ, ko dan mọran mọ.

Eyi ko si sẹyin bi igbakeji rẹ se kuro ni ẹgbẹ oṣelu APC lọ si PDP, lati dije du ipo Gomina ninu eto idibo ti yoo waye ni Oṣu Kẹwa, ọdun yii.

Awọn iròyin tì ẹ leè ní ìfẹ̀ síí:

Lọwọ-lọwọ bayii, awọn aṣofin mẹrinla ninu mẹtalelogun ti buwọlu yiyọ Igbakeji Gomina ipinlẹ Ondo, Agboola Ajayi ni ipo.

Sugbọn ki igbesẹ yii to lee waye, ofin wa ti awọn asofin naa gbọdọ tẹle, nitori wọn ko le dede yọ Igbakeji Gomina ni ipo.

Labẹ ofin orilẹede Naijiria, ẹsun kan ti Ile Igbimọ Aṣofin Ipinlẹ le fi kan Igbakeji Gomina lati yọ ni ipo, ni ti tapa si ofin orilẹede Naijiria.

Nibayii, ẹ jẹ ka wọ awọn igbesẹ ti Ile Aṣofin Ipinlẹ Ondo gbọdọ tẹle lati yọ Agboola Ajayi ni ipo, gẹgẹ bi ofin Naijiria se laa kalẹ.

Igbesẹ Kinni:

Igbesẹ Keji:

Igbesẹ Kẹta:

Igbesẹ Kẹrin:

Igbesẹ Karun:

Igbesẹ Kẹfa:

Igbesẹ Keje:

Igbesẹ Kẹjọ:

Ilé aṣòfin Ondo bẹ̀rẹ̀ ìgbésẹ̀ láti yọ igbákejì gómìnà nípò

Ile asofin nipinlẹ Ondo ti pasẹ pe ki wọn fun igbakeji gomina nipinlẹ naa, Agboola Ajayi ni iwe ifitonileti pe awọn fẹ rọ ọ loye.

Olori ile, Bamidele Oleyelogun lo pasẹ bẹẹ lasiko ijoko ile to waye lọsan ọjọ Isẹgun.

Bakan naa lo sisọ loju rẹ pe awọn asofin mẹrinla lo fi ọwọ siwe pe ki wọn rọ igbakeji gomina naa loye, ninu asofin mẹrindinlọgbọn to wa nibẹ.

Àwọn iròyin tì ẹ leè ní ìfẹ̀ síí:

Ọrọ iyọnipo igbakeji gomina naa si lo lewaju ijiroro ile asofin naa, to pada wọle lẹyin isisnmi ranpẹ ti wọn lọ fun.

Lasiko ijokoo ile naa, asofin mẹsan lo fọwọsi iwe pe awọn ko fara mọ iyọnipo igbakeji gomina naa.

Lẹyin ti ile se agbeyẹwo abala ofin to yẹ nipa igbesẹ rẹ ọhun lo wa pasẹ pe ki wọn lọ fun igbakeji gomina, Agboola Ajayi ni iwe ifitonileti pe wọn fẹ rọ ọ loye.

Nigba to n ba BBC Yoruba sọrọ lẹyin ijoko ile, Asofin Gbenga Omole, tii se alaga igbimọ ile feto iroyin kede pe ile ko tii gba irufẹ iwe ikede bẹẹ.

Omole ni ọla Ọjọru ni wọn yoo mọ bi ohun gbogbo yoo se lọ lori ọrọ iyọnipo naa.

Ẹwẹ, awọn asofin to jẹ ọmọ ẹgbẹ oselu to kere julọ nile asofin naa, ti kọ lati fi ọwọ si iwe iyọnipo igbakeji gomina.

Awọn asofin naa lo n fi apa janu pe ile ko fun awọn ni aaye lati gbọ aroye awọn.

Bẹẹ ba gbagbe, laipẹ yii ni igbakeji gomina nipinlẹ Ondo kuro ninu ẹgbẹ oselu APC, to si dara pọ mọ ẹgbẹ oselu alatako, PDP.

Bi o tilẹ jẹ pe agbẹnusọ fun ijọba ipinlẹ Ondo sọ fun awọn akọroyin pe, wọn ko ni yọ igbakeji gomina naa nipo nitori pe o fi ẹgbẹ oselu APC silẹ.

Amọ aarọ ọjọ Isẹgun ni igbakeji gomina naa lọ sile ẹjọ lati beere pe ki ile ẹjọ da ile asofin ipinlẹ Ondo lọwọ kọ, lati mase yẹ aga mọ oun nidi.

Akeredolu, tó ò bá fa àkóso Ondo lé mi lọ́wọ́ láàrin ọjọ́ 21, o tàpá sófin - Igbákejì gómìnà

Ọrọ ti n ba ọrọ bọ nipinlẹ Ondo lori bi ajọsepọ to wa laarin gomina Rotimi Akeredolu ati igbakeji rẹ.

Idi ni pe igbakeji gomina, Agboola Ajayi ti kede pe ki Akeredolu tete fa akoso ipinlẹ naa le oun lọwọ laarin ọjọ mọkanlelogun nibayii to to wa ni iyasọtọ nitori arun Coronavirus to lugbadi rẹ.

Bẹẹ ba gbagbe, igbakeji gomina naa lo ti kuro ninu ẹgbẹ oselu APC lọ si PDP, ti ọrọ si ti n lọ kaakiri pe o seese ko gbe igba ibo gomina bii oludije fun ẹgbẹ oselu PDP naa.

Àwọn iròyin tì ẹ leè ní ìfẹ̀ síí:

Ninu atẹjade kan ti akọwe iroyin igbakeji gomina ọhun, Allen Sowore fisita, Ajayi tọkasi abala ofin ilẹ wa tọdun 1999, ori ọgọsan, ẹsẹ keji, eyi to laa kalẹ pe, o yẹ ki Akeredolu fa akoso ipinlẹ naa le oun lọwọ ni.

O fikun pe "Bi gomina ba wa kọ lati fa akoso le emi igbakeji rẹ lọwọ lasiko to wa ni iyasọtọ yii, a jẹ pe o tapa si ofin ilẹ wa ni, to si foju tẹnbẹlu awọn eeyan ati ofin ilẹ wa to jẹjẹ lati tẹle."

Bakan naa lo ni "ipinnu Akeredolu lati mase jẹ ki isejọba tẹsiwaju lasiko to wa ni iyasọtọ yii nitori arun Coronavirus fihan pe, ẹnu lasan lo fi n gbogun ti arun Covid-19 to n ja rain nilẹ."

Mi ò mọ ohunkóhun nípa "Aketi Whyski" - Akeredolu ké gbàjarì

Saaju la ti mu iroyin wa fun yin pe gomina ipinlẹ Ondo, Rotimi Akeredolu ti ke gbajari sita pe, oun ko mọ ohunkohun nipa ọti lile kan ti wọn kọ akọle "Aketi" si lara.

Akeredolu lo sọ bẹẹ ninu atẹjade ti oluranlọwọ pataki rẹ lori ọrọ to n lọ, Ojo Oyewamide fi lede.

Igbeṣẹ yii lo n waye lẹyin ti fidio kan gbode lori ayelujara, eyi to ṣafihan igo ọti ọhun ti wọn kọ orukọ ipinlẹ ipinlẹ Ondo si lara pẹlu orukọ ti ọpọ eeyan mọ gomina ọhun si, iyẹn Aketi.

Akeredolu ni oun ko nilo lati kọ orukọ oun si ara igo ọti kankan ki awọn eeyan ipinlẹ Ondo to dibo fun oun ninu eto idibo sipo gomina to n bọ.

O ni "Awọn to ṣe iru nnkan bayii yii n fẹ ki awọn eeyan ro pe owo ipinlẹ Ondo ni a fi n po ọti"

Atẹjade naa tẹsiwaju pe "Yatọ si eyi, a ṣi n reti ki awọn eeyan to wa nidi igo ọti naa ṣe awọn nnkan miran, ṣugbọn gomina ti gbe igbesẹ lati ṣawari awọn to wa nidi iṣẹlẹ ọhun."

Lẹyin naa lo ni ki awọn eeyan ma ṣe kọbi ara si fidio ọhun.

Ṣé lóòótọ́ ní pé ìyàwó Gómìnà Ìpínlẹ̀ Ondo tí lugbadi Covid-19?

Bi iyawo Gomina Rotomi Akeredolu ba ni Covid-19, wọn yoo kede gẹgẹ bi ọkọ wọn naa se sọ faraye.

Esi ree ti agbẹnusọ Gomina ipinlẹ Ondo, Olusegun Ajiboye fọ nigba ti ileesẹ BBC Yoruba beere lọwọ rẹ pe, se lootọ ni arabinrin Betty Anyanwu iyawo Gomina Akeredolu ti lugbadi Covid-19.

Ajiboye sọ pe ''nigba ti Gomina Akeredolu lugbadi Covid-19, wọn kede fun ara wọn, ti iyawo wọn naa ba ni Coronavirus, ko si awo kankan nibẹ, wọn yoo kede rẹ.''

Lọjọbọ ni iroyin kan gbode pe, iyawo Gomina ti ko arun Covid -19, ti atẹjisẹ kan ti awọn eeyan n pin kaakiri si sọ pe, ki gbogbo awọn eeyan to kopa nibi eto ti iyawo Gomina se ni Idanre ati Odigbo, tara lọ se ayẹwo.

Ninu ahesọ ọrọ to gbode yii, ni wọn ti sọ pe awọn aṣofin mẹfa, ninu awọn to kọwọrin pẹlu Gomina Akeredolu lati lọ gba fọọmu idibo Gomina, ni wọn ti lugbadi Covid-19.

Lọjọbọ yii kan naa ni awọn agbẹnusọ fawọn asofin ti sọ fun BBC Yoruba pe, awọn yoo mọ boya awọn lugbadi Covid-19 laipẹ.

Amọ Olusegun Ajiboye ni iroyin naa ko ri bẹẹ rara.

Bẹẹ ba gbagbe, laipẹ yii Gomina Akeredolu kede ninu fọnran fidio kan pe, ohun ti lugbadi Covid-19.

O ni ohun ko foju apẹrẹ arun naa han ṣugbọn ohun ti bẹrẹ iyasọtọ ati itọju.

Yatọ si Akeredolu, Gomina Ifeanyi Okowa ipinlẹ Delta atiiyawo rẹ naa kede pe awọn lugbadi arun yi.

Kọmisana feto ilera nipinlẹ Ondo naa, Dokita Wahab Adegbenro la tun gbọ pe o ṣalaisi si ibudo ti wọn ti n tọju awọn alarun Coronavirus nilu Akure.

Ọjọ́bọ̀ la ó mọ̀ bóyá a ní Coronavirus - Aṣòfin Ondo

Agbẹnusọ awọn asofin nipinlẹ Ondo, Gbenga Omole lo fi idi ọrọ naa mulẹ fun BBC Yoruba.

Omole ni awọn asofin ogun to tẹlẹ Gomina Akeredolu naa ni yoo lọ ṣe ayẹwo fun aarun Coronavirus ni Ọjọ Keji, Osu Keje, ọdun 2020.

Bakan naa ni agbẹnusọ awọn asofin nipinlẹ Ondo naa ni oun ko ya ara oun sọtọ nitori pe oun ko ni arun Coronavirus.

'Kilo de ti ma a fi ya ara mii sọtọ nigba ti mi o ni arun Coronavirus?'

Ọgbọnjọ, Oṣu Kẹfa ni Gomina ipinlẹ Ondo kede pe oun ti ko arun Coronavirus, ti oun si ti ya ara oun sọtọ.

Amọ, iroyin fi lede wi pe ọpọlọpọ awọn eniyan ni Gomina Akeredolu ti farakan to fi mọ Aarẹ Buhari, awọn lọbalọba ati awọn aṣofin naa.

Awọn asofin to ba Gomina ipinlẹ Ondo, Oluwarotimi Akeredolu lọ si Abuja lati lọ gba sabuke lati dije dupo ninu idibo abẹlẹ saaju idibo sipo gomina ni ipinlẹ Ondo.

Mo ti lùgbàdì àrùn Coronavirus - Akeredolu figbe ta

Gomina Rotimi Akeredolu ti ipinlẹ Ondo ti kede pe oun ti ni arun Coronavirus.

Gomina Akeredolu ẹni to kede bẹẹ loju opo Facebook rẹ ninu fidio kan to fisita nibẹ fikun pe laarọ ọjọ Isẹgun ni oun gba esi ayẹwo oun.

Gomina ipinlẹ Ondo ni apẹẹrẹ ami Covid-19 na ko jẹ jade lara oun, ti oun ko si saisan lati fihan pe oun ni arun naa.

Àwọn iròyin tì ẹ leè ní ìfẹ̀ síí:

O wa kede pe oun ti ya ara oun sọtọ bayii fun itọju, ti awọn osisẹ eleto ilera fun arun Coronavirus yoo si maa tọju oun nile.

Akeredolu wa rọ gbogbo eeyan lati ri daju pe wọn wa ni alaafia, ki ara wọn si da.

Bẹẹ ba gbagbe, ọsẹ meji sẹyin ree ti gomina Akeredolu lọ silu Abuja lati lọ kede pe oun fẹ dije fun saa keji lori aleefa, ọpọ eeyan si lo di mọ lati ya aworan.