Ginimbi Genius Kadungure: Ẹ wo àwọn ọkọ̀ bọ̀gìnì tí ọ̀dọ́mọdé olówó kó jọ lẹ́ni ọdún 36

Ọpọlọpọ awuyewuye lo ti suyọ lẹyin iku ọdọmọde olowo ati gbajugbaja oniṣowo, Genius Kadungure alias Ginimbi, to ku ni Ọjọ Kẹjọ, Oṣu Kọkanla, ọdun 2020.

Lara awọn ọrọ to suyọ lori ẹrọ ayelujara nii ṣe pẹlu isalẹ ọrọ rẹ, ti wọn ni ko mọ.

Bi awọn kan ṣe n sọ wi pe ejo lo n pọ owo fun un ni igba aye rẹ, ni awọn miran sọ wi pe isalẹ ọrọ rẹ lẹgbin lọna mii.

Lara awọn to n sọrọ lori ẹrọ ayelujara ni, awọn mọ daju wi pe inu yara ibusun rẹ ni ejo ohun wa, ti o ti n pọ owo fun un.

Kini awọn orẹ Ginimbi sọ lori ejo to n pọ owo fun Ginimbi?

Awọn ọrẹ Ginimbi ti jade lati sọ wi pe, ko si otitọ kankan ninu ọrọ pe ejo lo n pọ owo fun Ginibi ati wi pe, ki wọn fi oloogbe naa silẹ ki o sun ire.

Ronald Muzambe, to jẹ ọkan lara awọn ọrẹ timọtimọ rẹ, sọ pe ahẹsọ ọrọ lasan ni ati wi pe ki lo de ti awọn eniyan ko ṣewadii ọrọ Ginimbi lasiko to wa laye.

''Gbogbo eniyan to wa laye lo ni anfaani fun ọdun mẹrindinlogoji lati ṣe iwadii ọrọ Ginimbi, amọ wọn ko ṣe e''

''Ti ko ba ti si ẹni to wadii ọrọ rẹ kulẹkulẹ nigba ti o wa laye, nitori naa ki wọn jawo lati ma sọ ọrọ rẹ laida lẹyin to papoda.''

Muzambe ni ki wọn fi oku orun silẹ ko sun ni alaafia.

O si rọ awọn eniyan lati lo oju aanu ti wọn ni lati fi kẹdun pẹlu ẹbi ati ara to fi silẹ, ki wọn si ṣelede lẹyin ẹni to doloogbe.

Ẹ wo awọn ọkọ bogini ti Ginimbi Genius Kadungure ni ko to jade laye

Ẹni ọdun mẹrindinlọgbọn ni Ginimbi nigba ti o di ilumọọka kaakiri orilẹede Zimbabwe nigba ti o bẹrẹ idokowo epo rọọbi ati afẹfẹ gaasi liquefied petroleum (LP).

Igba naa lo ti si bẹrẹ si ni ṣe ayẹyẹ diẹdiẹ, ko to wa di gbajugbaja lawujọ.

Laarin awọn ọdun wọnyii ni Ginimbi ra awọn ọkọ bogini nla nla, ti yoo si fi si oju opo rẹ lori ayelujara ti ọkọ tuntun ba de.

Ki o to ku, o ṣẹṣẹ ra ọkọ Lamborghini Aventador, to ṣe apejuwe rẹ gẹgẹ bi ohun amuṣere tuntun.

Bi o tilẹ jẹpe ileeṣe BBC ko le e fi idi iroyin naa mulẹ, amọ Ileeṣẹ iroyin Times Live fi awọn ọkọ to ni silẹ ko to ku lede bayii;

Awọn ọkọ bogini ti wọn ṣe akọsilẹ rẹ wọnyii ko mọ ọkọ bọgini BMW loriṣiriṣi, to di mọ Jaguar ati Lexus.

Wo ọ̀pọ̀ ìgbà tí Ginimbi ọ̀dọ́mọdé olówó ti ṣe àríyá aláṣọ funfun kó tó kú

Ginimbi Genius Kandungure ni ọpọ eeyan mọ si ọdọmọde olowo to maa n se ọpọ ayẹyẹ olowo nla loore koore, ko to dagbere faye.

Ni ọdun 2010, Ginimbi se apejẹ alagbara kan fun ayẹyẹ ọjọ ibi rẹ, to si ni dandan ni kawọn alejo ti oun pe wọ asọ funfun wa sibi ayẹyẹ ọjọ ibi rẹ naa.

Ilu Harare, ni orilẹede Zimbabwe si lo ti se ayẹyẹ ọhun, lati igba naa si ni o ti di eewọ fun ẹnikẹni lati wọ asọ to yatọ si asọ funfun lọ sibi ayẹyẹ ti Ginimbi ba se.

Àwọn iròyin tì ẹ leè ní ìfẹ̀ síí:

Ni ọdun meji lẹyin eyi, eyiun lọdun 2012, Ginimbi tun se ayẹyẹ ọjọ ibi olowo nla miran, amọ orilẹede Boswana lo lọ nigba naa.

Ko tan sibẹ o, lọdun 2013, Ginimbi tun se ayẹyẹ ọlọjọ mẹta ninu ile rẹ to kọ si abule rẹ , Domboshava, eyi to fi n wẹ ile awodamiẹnu to kọ si agbegbe naa.

Bakan naa lọjọ kẹwaa osu kẹwaa ọdun taa wa yi, ọdun 2020, ọdọmọde olokoowo naa tun sami ọjọ ibi rẹ, to si tun fi iwe ipe sita lati pe ọpọ alejo ni janti rẹrẹ.

Nibẹ lo tun ti kede pe apejẹ alasọ funfun ni ayẹyẹ ọjọ ibi oun naa, ẹnikẹni ko si gbọdọ wọ asọ miran wa sibi inawo oun yatọ si asọ funfun.

Ayẹyẹ naa, to pe osu kan ati ọjọ mẹta gbako lonii, lo jẹ ohun ti ọpọ eeyan si n sọrọ lori rẹ nipa bo se larinrin to, amọ ọlọjọ ibi naa, Ginimbi ti jade laye.

O wa se ni laanu pe iku ijamba ọkọ lo da ẹmi ọdọmọde olowo, to nifẹ asọ funfun naa legbodo lati ipasẹ ijamba ọkọ kan to se agbako rẹ ninu ọsẹ yii.

Ọ̀dọ́mọdé olówó, ẹni ọdún 36 sọ̀rọ̀ sílẹ̀ pé aṣọ funfun ni káwọn èèyàn wọ̀ wá síbi òkú òun

Ọlọla to gbajumọ lorilẹede Zimbabwe, Ginimbi Genius Kadungure ti sọ fun awọn ebi rẹ, bo ṣe fẹ ki wọn ṣin oku rẹ ki o to papoda.

Awọn mọlẹbi rẹ lo fi lede pe, ki o to papoda ni o ti fi ọrọ ikẹyin silẹ lori bi o ṣe fẹ ki wọn sin oku rẹ.

Ọjọ Kẹjọ, Oṣu Kọkanla, ọdun 2020 ni Ginimbi Genius Kadungure papoda ninu ijamba ọkọ to waye ninu ọkọ bọgini rẹ.

Àwọn iròyin tì ẹ leè ní ìfẹ̀ síí:

Ginimbi Genius Kadungure sọ fun awọn ẹbi rẹ wi pe aṣọ funfun ni ki gbogbo eniyan to ba fẹ wa si ibi isinku oun wo.

Eyi ko ṣẹyin bi gbajumọ naa ṣe ma n wọ aṣọ funfun nigba to wa laye.

Awọn ẹbi rẹ ni ile nla rẹ ni wọn yoo sin Ginimbi Genius Kadungure si ni Ọjọ Satide , ọsẹ yii

Bakan naa ni ẹgbọn rẹ obinrin, Abilẹkọ Juliet fi lede pe, aburo oun ti ma n sọ wi pe ohun fẹ ki aye gbọ ki ọrun mọ nigba ti o ba kuro laye, ti wọn ba fẹ sin oku oun.

O ni ki wọn ma fi waduwadu sin oku oun, ki wọn ṣe e ni ṣiṣẹ n tẹle.

Bakan naa lo ni Ginimbi Genius Kadungure fi oun silẹ pe, awọn ọrẹ oun to wani oke okun gbọdọ peju pesẹ si ibi isinku oun.

'O ni gbogbo eniyan gbọdọ wọ aṣọ funfun naa ni ọjọ gan an ti wọn ba fẹ sin oku oun, ki wọn si fun awọn eniyan laaye lati peju pese sibẹ.'

Nibayii, Juliet ni awọn ti ta atibaba nla meji si iwaju ita ile baba awọn nibi ti isinku naa yoo ti waye, ki wọn to lọ si itẹ rẹ ninu ile nla rẹ ni Ọjọ Satide.

Bakan naa lo fikun wi pe awọn elere lorisirisi lo ti wa ni kalẹ , lati fi orin aladun tẹ awọn ololufẹ Ginimbi Genius Kadungure lọrun, lati ṣe idaro ẹni ire to lọ.

Ti ẹ ko bamọ, Ginimbi Genius Kadungure to doloogbe naa, dabi olowo Hushpuppi ni Naijiria.

Ohun to yẹ ki ẹ mọ nipa Ginimbi Genius Kadungure to doloogbe: