Yoruba Film: Wo àwọn òṣèré tíátà Yorùbá mẹ́fà tó bẹ̀rẹ̀ eré ṣíṣe láti kékéré
Bí eré bí àwàdà, gbogbo àwọn ọmọ kekere aná ninu isẹ tiata lede Yoruba ti wá dàgbà bayìí, àgbà bọ̀ wọ́n ni, ibi ti àgbà bá wà, ibẹ̀ náà ni ọmọde yoo ti dàgbà báa níbẹ̀.
Báyìí ni ọ̀rọ̀ àwọn ọmọ kéékèké tó ti di gbájúgbajà ìlúmọ̀ọ̀ká, òṣèré Nollywood báyìí ri, ti wọn bẹrẹ ere sise ni majesin amọ ti wọn ti di agba ọjẹ bayii.
- Ọkọ Funke Akindele kó eléré àti òṣìṣẹ́ jọ fi ṣe "Surprise Pato" fún un lọ́jọ́ ìbí rẹ̀
- Wo àwọn òṣèré tíátà Yorùbá tó bí ìbejì
- Òṣèré méjì yìí ń fi ẹ̀wọ̀n runmú tóríi fíìmù "Ife" táwọn obìnrin ń bá ara wọn lòpọ̀
- Ìdúnnú ṣubú layọ̀ fún Funke Akindele àti ọkọ rẹ, ìjọba Eko fún wọn ní ìdáríjì
- Wumi Toriọla ti sọ̀rọ̀ sóke láti fi idí rẹ̀ múlẹ̀ pé òun àti ọ̀rẹ́ òun níjà
- Wọ àwòrán àwọn ẹbí òṣèré Nollywood yii!
- Bidemi Kosọkọ di ìyá ìkókó
- Àwọn fíìmù Nollywood ń mú kí òògùn owó àti ìjínigbé gbilẹ̀ síi - Fashola
Ní àsìkò kan tàbí òmíràn, àwọn ọmọdé òṣèré yìí ló kúrò lójú ìwòràn tí wọ́n sì lọ gbájúmọ́ ètò ẹ̀kọ́ wọn ki wọ́n tó tún padà wa sinu ere.
Ki a ba le ni yin niran nipa wọn, ni BBC Yoruba fi ṣe àgbéyẹ̀wò mẹfa nínú àwọn òṣèré tí wọn bẹ̀rẹ̀ iṣẹ́ àṣejẹ wọ́n yìí láti ọmọde piniṣin.
1. Funke Akindele Bello (Jenifa):
Bó tilẹ̀ jẹ́ pé ọdún 1998 ni Funke Akindele ti bẹ̀rẹ̀ sí ni ṣe eré orí ìtàgé, síbẹ̀, ọdún 2002 ni ó tó di ìlúmọ̀ọ́ká òṣèré lásìkò tó kópa nínú síníma tí àjọ ìsọ̀kan àgbáyé lórí ìkàniyan sagbátéru rẹ̀ (UNPF) ti wọn pe àkọ́lé rẹ ni ‘I Need to Know’.
Ní àsìkò yìí tó kópa nínú eré "I need to Know", Funke Akindele ti kawe gboye imọ ijinlẹ nínú òfin lọ́dún 1998.
Láti ọdún 2002 ní orúkọ rẹ ti di pàtàkì igun ilé nínú eré orí ìtàgé.
Funke Akindele Bello ti ṣe ọpọlọpọ eré tiata, lára rẹ ni orúkọ ti ọ̀pọ̀ ènìyàn ń pè é, eyiun Jẹnifa kẹn, Aiyetoro kén.
Amọ nibayii, ere Jenifa (Jenifa Diary) ti di ere agbelewo lori tẹlifisan, eyi to n waye lati igbadegba.
Ní báyìí, Funke Akindele ti di Òǹkọ̀tàn, òṣèré ati olùdarí eré, to si ti tun gbe ọ̀pọ̀ sinima jade pẹlu.
2. Opemipo Bamigbopa:
Opemipo ti gbogbo ènìyàn mọ si Maradona, bẹ̀rẹ̀ si ni ṣe sinima láti igba to ti wa ni ọmọ ọdún mẹfa.
Sùgbọ́n nígbà tó ṣe díẹ̀, ó kúrò láti lọ mójú tó ẹkọ́ rẹ̀, sùgbọ́n ní báyìí, ó ti pada sí idí sinimá.
O lọ si Fasiti ilú Eko nibi to ti kẹkọọ gboye imọ nípa ètò ìrìnà
O ti kópa nínú eré agbéléwò "One Love", Opa, ati bẹẹ bẹẹ lọ.
Opemipo, nínu ifọrọwanilẹnuwo kan to ṣe, lo ti salaye pe, nítori pe oun maa n tẹ̀lẹ́ ìyá òun lọ si ibi àyéwò lati kópa fun eré ni wọ̀n ti fa òun sínú eré tíátà.
Ní báyìí ó ti pada sí idí sínimá lẹ́yìn to pari ètò ẹkọ rẹ̀.
3.Kabirat Kafidipe:
Ọdun 1999, ni Kabirat bẹ̀rẹ̀ si ni ṣeré tíátà, èyí ti àkọ́lé rẹ̀ ń jẹ " The Handkerchief‘ ti Bayo Adebowale ṣe, ti Tunde Kelani si dari rẹ̀.
Sùgbọ́n inú fiimu Saworo Ide gan ní ogo rẹ̀ ti jáde lọ́dún 1999.
Fasiti Olabisi Onabanjo ni Kabirat ti kawe gboye ninu ìmọ̀ ìròyìn.
Àwọn iròyin tì ẹ leè ní ìfẹ̀ síí:
- ''Aláàfin kìí ṣe ọkùnrin tí wàá jẹ lásán, tó sì wá sálọ - Aráàlú fèsì fún Olorì Anu
- Ilé ẹjọ́ tú ìgbéyàwó ọdún mọ́kànlá ká nítórí pé ìyàwó fí ìbálòpọ̀ dun ọkọ rẹ̀
- Ta ni olóògbé Jerry Rawlings, tí wọ́n fún ní àlàjẹ́ 'Junior Jesus'
- Gbogbo ìgbésẹ̀ Aláàfin láti jí mi gbé ló já sí pàbó, n kò le panumọ́ - Olori Anu
- Sé ọlọ́pàá tasẹ̀ àgẹ̀rẹ̀ tàbí fìyà jẹ ọ́ láìtọ́, wo bó ṣe fi ẹjọ́ rẹ̀ ṣùn l‘Eko
Laipẹ yìí ló ṣe ọjọ́ ìbí ogójì ọdún, fún ọ̀pọ̀ ọdún ló fi kúro lójú iworan síníma, sùgban ó ṣe eé agbélewo kan to pe akọle rẹ̀ ni Bintu.
Ó ti kópa nínú onírúurú àwọn eré míràn pàápàá jùlọ èyí ti Tunde Kelani ba ṣe.
Samuel Olasehinde
Samuel Olasehinde ti gbogbo ènìyàn mọ si ọmọ Ajirebi, bẹ̀rẹ̀e ré tíátà lásìkò to wà ni ọmọ ọdún márùn.
Arowolo ni fíìmù àkọ́kọ́ ti Samuel ṣe, èyí si lo mu gba àmi ẹyẹ.
O ti ṣe oníruuru àwọn eré títà, bíi ìgè àdùbí, Oshodi Oke, Narrow Path, ìjà ọmọde.
Nínú ọdún 2018, Samuel lọ sìnrú ilú gẹ́gẹ́ bi agunbanirọ, tí ó sì n pinnu láti pada sínú eré.
Ọmọ òṣèré ni, baba rẹ̀ si ni gbogbo ènìyàn mọ si Pa Ajirebi.
Azeez Ijaduade:
Ọmọ òṣèré tíátà Yoruba ni Azeez jẹ́, Waheed Ijaduade, tawọn eeyan mọ si Dimeji si ni baba rẹ, ti ó si ti bẹ̀rẹ̀ eré tíátà láti ìgbà tí ó ti wà ni ọmọ ọdún méje.
Oun ló ṣe ere Iru Ẹsín, Jensinmi, Ọmọ Nla eyi tí òkíkí rẹ̀ gbà ilú kan, ní bi ọgbọ̀n ọdún sẹyin.
Títí di àsìkò yìí, ó sí wà nínú eré tíátà tí ó sì ti ṣe ọ̀pọ̀ eré, bakan náà lo n dari ere, tó sì tún ń kọ itan pẹlu.
Gabriel Afolayan:
Gabriel Afolayan jẹ ọmọ gbajúgbaja òṣèré, Adeyemi Afolayan ti gbogbo ènìyàn mọ sí Ade Love.
Gabriel Afolayan bẹ̀rẹ̀ eré tíátà kí ó tó pé ọmọ ọdún mẹ́wàá sùgbọ́n òkíkí rẹ kò kan títí ìgbà tó fi fàrahàn nínú eré agbéléwò ‘Madam Dearest’, ti Tade Ogidan ṣe lọdun 2006.
Ó ti farahan nínú eré agbeléwò Wale Adenuga, (Super Story).
O ṣe Fopawọn ni ọdún 1990 ati àwọn eré yìí:
Glitterati - 2013
The Antique - 2014
Ojujo - 2014
7 Inch Curve - 2015
Okafor's Law - 2016
A Love Like This - 2016
King Invincible - 2017
Tatu - 2017
Something Wicked - 2017
Alakada Reloaded - 2017
Hanatu - 2017
Kasala - 2018
Power of 1 - 2018
Philander - 2018
Gold Statue - 2019
Lugard, The Movie - 2019
For Maria - 2019
Oracles Online - 2019
Coming from Insanity - 2019
Alubarika - 2019
Codewilo - 2019
Latana 1 and 2 - 2019
Sharo - 2019
Say Mama - 2019
Ilú Eko ni wọn bi Gariel Afolayan sí, sùgbọ́n ọmọ ilú Agbamu ní ìpínlẹ̀ Kwara ni.
