LASEMA: Àwa àti panápaná ń ṣiṣẹ́ kára láti dènà ìjàmbá iná

Ajọ oṣiṣẹ pajawiri nipinlẹ Eko, LASEMA ni awọn ti le awọn eniyan kuro nibi ti iṣẹlẹ ọkọ agbepo to danu ti waye ni ilu Eko.

Adari Ajọ LASEMA, Damilola Oke-Osanyintolu lo fi atẹjade naa lede fun awọn eniyan.

Osanyintolu ni iṣẹlẹ naa waye ni agbegbe Aso-Odo, Badagry ni ipinlẹ Eko ni Ọjọ Iṣẹgun.

Nibayii, awọn oṣiṣẹ pajawiri ti wa nibẹ lati ri wi pe ọkọ naa ko gbina, lẹyin ti wọn le awọn eniyan kuro ni agbegbe naa.

Bakan naa ni wọn rọ awọn eniyan lati maṣe daba lati ma a ko epo bẹntirolu to danu naa, ki ijamba miran ma ba a waye.

'' A tii bẹrẹ si ni gbọn epo naa kuro nibi to da si, ki ijamba ina ma ba a waye.

Agbegbe naa ti a ko jẹ ki awọn eniyan gba kọja, ti fa sunkẹrẹ fakẹrẹ ọkọ ni oju ọna naa.''

LASEMA naa wa rọ awọn eniyan lati ṣe suru fun awọn, ki ijamba miran ma ba tun waye ni agbegbe naa.

Bakan naa ni wọn fi lede pe awọn yoo ma fito awọn araalu leti bi o ba ṣe n lọ.

Kí ló mú kí ọkọ̀ kan tó jóná ráùráú lórí afárá Ojuelegba?

Ọkọ kan ti jona rauru lori afara Ojuelegba nilu Eko.

Iṣẹlẹ naa to waye lalẹ ọjọ Abameta ko mu ẹmi kankan lọ ṣugbọn o ṣe idiwọ fun lilọ bibọ ọkọ lori afara naa.

Ninu atẹjade kan ti ọga agba ileesẹ pajawiri nilu Eko LASEMA, Olufemi Osanyintolu fi sọwọ si BBC, awọn eleto aabo ati panapana ni wọn jijọ pa ina to jo ọkọ naa.

Àwọn iròyin tì ẹ leè ní ìfẹ̀ síí:

Osanyintolu ṣalaye pe awọn ti lo irinsẹ agbe ọkọ lati fi gbe ajoku ọkọ naa kuro ti lilọ bibọ ọkọ si ti n lọ geere.

Ìbúgbàmù gbogbo ìgbà nílù ú Èkó, kí ló ń ṣokùnfà rẹ̀?

Bi ajalu ba waye ni igba akọkọ, a le sọ pe amuwa Ọlọrun nii ṣe.

Amọ to ba ti wa di nkan to n ṣẹlẹ lemọlemọ, kini ka ti ṣe eyi si?

Ibeere re to gbẹnu awọn ọmọ Naijiria paapa julọ awọn olugbe ilu Eko lori iṣẹlẹ ibugbamu to n waye leralera.

Niwọn igba ti a ko ba ti ribi le dahun ibeere yi lẹkunrẹrẹ, BBC Yoruba yoo gbiyanju lati gbe akọsilẹ jade nipa iye igba tawọn ibugbamu waye ni Eko lọdun 2020.

Isẹlẹ Ibugbamu gaasi ni Abule Ado

Ọjọ kẹẹdọgun ọsu kẹta ọdun yii jẹ ọjọ manigbagbe fun awọ́n olugbe adugbo Abule Ado nibi ti iṣẹlẹ ibugbamu ọpa gaasi ti ṣẹlẹ niluu Eko.

Awọn eeyan marundinlọgbọn lo farapa ninu ijamba ọhun.

Ninu iṣẹlẹ taa n wi yi, o kere tan eeyan mẹtadinlogun lo padanu ẹmi wọn.

Bẹẹ naa ni ọpọ ile ati dukia farakasa iṣẹlẹ yi ti ọp si di alainile lori.

Ọjọ Kẹtadinlọgbọn Osu Kẹrin, Iṣẹlẹ ibugbamu ile epo NNPC

Adugbo Yaya Abatan ni Ogba nilu Eko ti oun naa wa labẹ ijọba ibilẹ Ifako Ijaiye ni ibugbamu taa n sọ yi ti waye.

Adugbo yi jẹ ibi tawọn eeyan pọ si ti aaye tawọn kan ti n ta ọkọ si farako pupọ ninu ibugbamu yi.

Bi eeyan ba jẹ ori ahun, to ba ri iru ijamba to waye nibẹ, yoo kanu awọn eeyan.

Ohun to jẹ idunnu ni pe kii ṣe igba tawọn eeyan pọ nita nitori Covid-19. Bibẹ kọ, ọtọ lohun taa baa maa sọ.

Oṣu Kẹjọ 2020, eeyan kan ku ni Alakia

Ibugbamu gaasi naa ni eleyi to waye ni ibudo iwọkọ Alakia ni orile Iganm,u nilu Eko.

Awọn eeyan mẹrin farapa ninu iṣẹlẹ yi.

Iṣẹlẹ to waye laipẹ yi ni Iju Ishaga

Ọjọ buruku ẹsu gbomimu ni Ọjọru ọjọ Kẹrinlelogun oṣu Kẹsan jẹ fun awọn eniyan agbegbe Balogun, Iju Ishaga nipinlẹ Eko.

Lọjọ yi, ọkọ nla to n gbe afẹfẹ gaasi gbina to si jo ile mẹtalelogun, ọja, ọkọ marundinlogun, ti eniyan ọgbọn si farapa ninu iṣẹlẹ naa.

Ajọ Lasema loju opo ikansiraẹni Twitter wọn ni awọn ọkọ nla to gbina naa gbe afẹfẹ gaasi wa si agbegbe naa ni ki o to gbina.

Ki lara ilu le ṣe?

Loore koore ni awọn ajọ pajawiri n kilọ pe ki awọn eeyan sọrọ tita afẹfẹ gaasi ni itosi ibi tawọn eeyan n gbe.

Nilu Eko to ṣe pe ọpọ eeyan lo n lo afẹfẹ gaasi yi fun idana ati iṣowo, o di dandan ki ijọba wa wọrọkọ fi ṣada lọna ati dẹkun ibugbamu ni gbogbo igba.

Ni igba ti ibugbamu ti Abule Ado waye, alaga ijọba ibilẹ Ifakọ Ijaiye to fi mọ awọn ọmọ ile aṣofin to n ṣoju agbegbe naa mẹnu ba fifi ofin lelẹ eyi ti yoo kọdi tita afẹfẹ gaasi letile.

Titi di ba ti ṣe n sọrọ yi, ofin naa ko ti di amuṣẹ.