Nigeria School resumption Update: Bí àwọn akẹ́kọ̀ọ́ ṣe ń wọlé, wo bí o ṣe lè dáàbò bo ọmọ rẹ níléèwé

Awon omo ile iwe

Oríṣun àwòrán, @Pite

Awọn ipinlẹ kan lorilẹ-ede Naijiria ti buwọlu ipadasi ileewe f'awon akẹkọọ loṣu kẹsan an lẹyin ti ijọba ti ti awọn ileewe pa losu kẹta nitori ajakalẹ arun COVID-19.

Opo awọn ijọba lo ti fowo si ki awọn ileewe alakọbẹrẹ, girama ati ileewe giga o pada si ẹnu iṣẹ ẹkọ.

Bi eyi si ti n waye naa ni ajo idagbasoke awọn ọmọde lagbaye UNICEF ti gbe awọn imọran kan kalẹ fawọn obi lori bi wọn ṣe le bori ipaya tawon ọmọ wọn lee fẹ ni nipa iwọle naa ati ajakalearun ọhun.

Bakan naa ni ajọ UNICEF tun dahun awọn ibeere kan to n jẹyọ lọkan awọn obi nipa iwole naa.

Àkọlé fídíò, Toyin Atoyebi mechanic: Ẹ wo Toyin, ọmọbinrin ọdún 16 tó ń tún skadà àti gẹnẹrátọ̀ ṣe ní

Bi o se lee fi ọkan ọmọ rẹ balẹ lori iwọle:

  • Ba omo rẹ sọrọ, gbọ ẹdun rẹ ati idi ti o fi n bẹru ki o si jẹko di mimọ fun pe ko si idi fun ifoya nitori o ti ṣe diẹ to wọ kilaasi ileewe k'ẹyin.
  • Awọn ọmọ lee maa fẹ pada mọ nitori o to ọjọ mẹta, paapaajulọ awọn to ti n kọ ẹkọ ori ayelujara lati ile.
  • Je tko di ye e pe ko nilo ki oun atawọ ọrẹ rẹ o sunmọra wọn pẹkipẹki, ohun ti wọn nilo ni lati wa awon ona mira lati maa ṣe pọ.

Eyi ṣe pataki nitoripe igbesẹ itakete sira ẹni ṣi lee ṣe ajeji si wọn.

Imọran miran fun Obi ati Alagbatọ:

Salaye fun wọn nipa awọn igbesẹ idaabobo ti yoo mu ki awon akekọọ ati oluhkọo wa ni alaafia lai si ewu.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Ma si ṣe gbagbe ati maa tẹẹ mọ wọn leti lati fọ ọwọ wọn pẹlu ọṣẹ ati omi loorekoore.

Wiwọle awọn akẹkọọ

Oríṣun àwòrán, @ACHS

Bi wọn ba fẹ hukọ, ki wọn lo inu igunpa wọn.

Si tun ran wọn leti awọn nkan ayọ to wa nibẹ bi wọn ba lọ si ileewe, bi riri awọn ọrẹ wọn, awọn olukọ wọn at'awọnohun tuntun ti wọn yoo lanfani ati kọ nipa rẹ.

Ọrọ ideyesi naa yoo jẹyọ, nitorinaa, o ṣeese ki awọn adigboluja akẹkọọ kan o maa dide ogun sawọn akẹgbẹ wọn nitori awọn ohun ti wọn ti gbọ nipa COVID-19.

O nilo lati salaye fun un pe ajakalẹ arun yii ko mọ ẹnikẹni. Bi ẹnikẹni ba lu wọn nileewe, ki wọn fi to awọn olukọ wọn leti.

Ọwọ fifọ loorekoore jẹ ọna kan pataki fun didẹkun arun yii ati ririi daju pe alafia to awọn ọmọ wa.

O lee kọ lorin akosori, ijo tabi ọna miran to lee mu ko dun mọ awọn ọmọ naa lati fẹ gbọ.

Jẹ ki won mọ pe wọn ko lee fi oju ri awọn kokoro arun wọnyi nitori naa ki wọn mojuto imọtito ara wọn.