ENDSARS Protest: Akẹ́kọ̀ọ́ àti ọ̀gá iléèwé ń kérora torí ìdánwò NECO tó ṣún síwájú

Awọn akẹẹkọ ati ọga ileewe to n kopa ninu idanwo NECO, ti ke gbajare sí ijọba lati wa ojutu si ọrọ iwọde ENDSARS to gbòde.

Ẹbẹ yii ko sẹyin bi ajọ onidanwo NECO ṣe sun ọjọ idanwo to n lọ lọwọ siwaju nitori iwọde ENDSARS.

Lọjọ Abamẹta ni NECO kede pe, idanwo Kọmputa to yẹ kó waye ni ọjọ Aje oni, ni ko le waye mọ, wọn si sun siwaju di ọjọ kẹrindinlogun oṣù Kọkànlá.

Àwọn iròyin tì ẹ leè ní ìfẹ̀ síí:

Ẹbẹ ni ki ẹ ba wa bẹ ijọba:

Olukọ ati oludari ile ẹkọ girama kan nilu Ibadan, ti BBC Yoruba ba sọrọ lori iṣẹlẹ yii, Ọmọwe Ayoyinka Babatunde ni awọn ko le da awọn oluwọde lẹbi.

Ọmọwe Babatunde ni nitori ki ọjọ iwaju awọn akẹkọọ to n kọ idanwo lọwọ, baa le dara, ni wọn ṣe n se iwọde.

" Awọn to n ṣe iwọde ni ohun ti n won fi sun, ko si ohun to da ti ko ni idakeji nitori naa, ẹ ba wa bẹ ijọba ki wọn yanju ọrọ yii"

Amọ o wa woye pe isunsiwaju gbogbo igba yii ti mu irẹwẹsi ba ọkan olukọ ati akẹkọọ.

" Ijọba ko sọrọ, awọn oluwọde ko sọrọ nitori naa eleyi n ṣe ipalara nla fun idanwo NECO, ipalara nla ni iwọde n ṣe fun idanwo NECO"

O ni adura ati ọrọ iyanju láwọn n ṣe fawọn akẹkọọ nitori o ti ṣu ọpọ ninu wọn.

Ninu oro tirẹ, akẹkọọ kan Yinusa Mutiat, to jẹ akẹkọọ ile ẹkọ De Ayo International college Ibadan, ni ki ijọba ṣe aanu fawọn, ki wọn ba le ṣe idanwo asejade lasiko.

Mutiat ni o ti ṣu oun lati maa reti ọjọ ti awọn yoo le kọ idanwo.

"Mo ti kawe kawe, o ti ṣu mi. Ẹ ba wa bẹ ijọba ki wọn dá àwọn oluwọde lohun"

Jakejado Naijiria ni iwọde ENDSARS ti n ṣe idiwọ fun lilọ bíbọ ọkọ nitori bi wọn ti ṣe di gbogbo oju ọna.

Nítorí iwọde yii, NECO ni awọn ko ribi ko iwe idanwo lọ bá awọn akẹkọọ to fẹ kọ idanwo naa.

Ṣaaju ni ajakalẹ arun Coronavirus ti ṣe akoba fun idanwo awọn akẹkọọ jade gírámà, ti wọn si sun lati oṣù kẹfà di oṣù Kẹwa.

Wo ohun tí ìwọ́de ENDSARS ṣé fáwọn akẹ́kọ̀ọ́ tó fẹ́ ṣèdánwò NECO

Ajọ idanwo aṣekagba ẹkọ girama lorilẹede Naijiria, NECO ti sun idanwo, rẹ siwaju nitori iwọde awọn ọdọ kaakiri orilẹede Naijiria to n lọ lọwọ.

Atẹjade kan ti alukoro ajọ naa, Azeez Sani fi sita lọjọ Aiku ṣalaye pe niwọn igba ti lilọ bibọ ọkọ ti n fara gba ninu iwọde to n lọ kaakiri naa o ti ṣe idiwọ pẹlu fun awọn igbesẹ lati ko awọn ohun elo idanwo kaakiri lọ si ibi gbogbo to yẹ.

O fi kun un pe wọn ti sun idanwo ẹkọ nipa kọmputer to yẹ ko waye ni ọjọ Aje ọjọ kọkandinlogun oṣu kẹwa si ọjọ kẹrindinlogun oṣu kọkanla.

Ìjọba Nàìjíríà ti kéde pé kí ilé ìtura ṣí padà, kí ìlé ìwé máa palẹ̀mọ́ ìwọlé àwọn akẹ́kọ̀ọ́

Ijọba orilẹ-ede Naijiria ti fi ọjọ kun isede coronavirus jakejado Naijiria.

Ẹ wo àwọn ilànà tuntun tí ìjọba Nàìjíríà kéde lẹ́yìn tó fi kún ìséde Covid-19

Ni bayii, dipo aago mẹwa alẹ si mẹrin idaji, aago mejila oru si mẹrin idaji ni isede yoo fi ma wa.

Ọgbọn ọjọ, oṣu Kẹta, ọdun 2020 ni aarẹ kọkọ kede isede ni ipinlẹ Eko, Ogun ati ilu Abuja, nibi ti coronavirus ti kọkọ n gbilẹ.

Alaga igbimọ amuṣẹya fun amojuto coronavirus ni Naijiria, Sani Mustapha, lo kede aṣẹ tuntun yii lọjọbọ.

O ṣalaye pe anfaani ti wa fun awọn ile sinima, ibudo ti wọn ti n sẹ ere idaraya, ati awọn ibudo faaji to ku, lati bẹrẹ isẹ pada.

Bakan naa lo sọ pe awọn ileewe le ma a mura silẹ fun wiwọle pada.

Musatpha sọ pe kọkọrọ kan to ba eyin aja jẹ ni awọn ti ko tẹle ilana ijọba fun aarun Covid-19.

Ẹ wo àwọn ilànà tuntun tí ìjọba Nàìjíríà kéde lẹ́yìn tó fi kún ìséde Covid-19

Awọn nkan to tun wa ninu aṣẹ tuntun ti ijọba kede

Bàbá ẹni ọgọ́ta ọdún dèrò ilé ẹjọ́ nítorí ó wọ inú oko Obasanjo láì gba àṣẹ

Mi ò fẹ́ ìrànwọ́ ẹgbẹ́ òṣèré, àwọn kọ́ ló kóbá mi- Chief Kanran

Mi ò fẹ́ ìrànwọ́ ẹgbẹ́ òṣèré, àwọn kọ́ ló kóbá mi- Chief Kanran

Kí ló wá nínú àbádòfin pínpín omi àti àwọn ǹkan inú omi tó ń mú awuyewuye wa?

Wo ohun tó ń fa àfikún epo lóòrèkóòrè ní Nàìjíríà