EndSARS Protest Update: Ìjọba ìpínlẹ̀ Eko ní àwọn ń wádìí èèyàn 229 lọ́wọ́ lórí làásìgbò tó wáyé l'Eko

Ijọba ipinlẹ Eko ni eeyan igba o le mọkandinlọgbọn lọwọ tẹ fun lilo anfani iwọde #EndSARS lati fi jale ni ipinlẹ Eko

Ileeṣẹ eto idajọ ni ipinlẹ Eko ni ijọba ti n yẹ iwe ẹsun ọkọọkan wọn wo bayii.

O ni ọwọ ọlọpaa tẹ awọn afunrasi naa fun oniruuru ẹsun iwa ọdaran bii ile jijo, ipaniyan, ole jija biba dukia onidukia jẹ ati ikọlu ṣaaju ati lẹyin ofin konile o gbele ti gomina Babajide Sanwo-Olu kede lati mu alaafia bọ sipo.

O ni lẹyin ti wọn ba gbe faili ẹsun ọkọọkan wọn yẹ wo tan, awọn to ba lẹjọ lati jẹ ninu wọn yoo kọri si ile ẹjọ lọjọ Aje.

Sanwo-Olu kéde ìlànà ìséde tuntun l'Eko

Gomina Babajide Sanwo-Olu ti dẹ okun konile o gbele ọlọjọyipo to fi sita silẹ bayii.

Nibi ikede to ba awọn oniroyin sọ nileejọba ipinlẹ Eko, gomina Sanwo-Olu ni bẹrẹ lati ọjọ Satide, agogo mẹjọ owurọ si mẹfa irọlẹ ni konile o gbele naa yoo maa wa bayii.

Ará Eko, ẹ pariwo ó tó gẹ́ẹ́ lórí làásìgbò tó gbòde torí ìwọ́de EndSARS - Sanwo-Olu

Gomina ipinlẹ Eko, Babajide Sanwo-Olu ti sọ pe ibanujẹ lo jẹ fun oun, bí àwọn janduku ṣe ja iwọde ipolongo #ENDSARS gba.

O ni lati ibẹrẹ pẹpẹ iwọde naa ni oun ti fi ara mọ, sugbọn o ni o kọni lomiinu bi awọn janduku ti ko nifẹ ijọba ati araalu, ṣe bẹrẹ si ni ba dukia ijọba jẹ.

O ni bakan naa ni wọn n jo ile, fọ sọọbu, ti wọn si tun pa ọlọpaa eyi to mu ki awọn ọlọpaa naa bẹrẹ si ni gbe ìbọn kaakiri ilu.

Àwọn iròyin tì ẹ leè ní ìfẹ̀ síí:

"Iṣẹlẹ to waye ni Lekki lọjọ Iṣẹgun ba ni lọkan jẹ, gbogbo wa si ti fẹnu kò pe iru iṣẹlẹ naa ko tun ni waye mọ."

Gomina Sanwo-Olu sọ pe ko si ẹni to fun awọn sọja to yinbọn mọ awọn oluwọde ni Lekki nipinlẹ Eko ni àṣẹ lati ṣe bẹ ẹ.

"Gbogbo nnkan to ṣẹlẹ yii la fi ọwọ wa tun ṣe, mo ṣe tan lati sisẹ, sugbọn mo nilo iranlọwọ yin. "

O fi kun ọrọ rẹ pe, ijọba yoo gbe igbimọ kalẹ lati ṣe iwadii àwọn nkan to fa awọn wahala to waye ọhun.

Gomina ipinlẹ Eko wa rawọ ẹbẹ si awọn obi lati ba awọn ọmọ wọn sọrọ pe, ki wọn ma ṣe darapọ mọ awọn janduku to n ba dukia ijọba jẹ.

"Ẹ kilọ fawọn ọmọ yin lati gba alaafia laaye, ẹ pariwo o to gẹẹ lori laasigbo to n lọ lọwọ yika ipinlẹ Eko lati ipasẹ iwọde EndSARS."

Bakan lo kesi awọn ọba, baalẹ ati awọn olori ẹṣin musulumi, Kristẹni ati ẹṣin ibilẹ lati fi ọwọ sowọpọ pẹlu ijọba, ki opin le ba rogbodiyan to n waye nipinlẹ Eko.

Wo ohun táwọn jàǹdùkú ṣe sí ilé ẹjọ́ Igboṣere l'Eko

Kò sáyè iwọ́de mọ́ l'Eko ẹ lọ tọwọ́ yín bọṣọ - Ọlọ́pàá

Ileeṣẹ ọlọpaa ti fi ikilọ sita pe ko saye iwọde mọ ni ipinlẹ Eko bẹrẹ lati agogo mẹrin ọjọ Iṣẹgun Ogunjọ oṣu kẹwaa ọdun 2020.

Ileeṣẹ ọlọpaa ipinlẹ Eko lo kede bẹẹ ninu Atẹjade kan ti alukoro ileeṣẹ ọlọpaa naa, Muyiwa Adejobi fi sita lọjọ Iṣẹgun.

O ṣalaye pe lẹyin agbeyẹwo awọn ikọlu to waye lasiko iwọde naa lawọn ibikan nipinlẹ Eko ni wn se ipinnu ọhun.

Àwọn iròyin tì ẹ leè ní ìfẹ̀ síí:

Adejobi ni awọn ikọlu yii lo nii se pẹlu kikọlu awọn ọlọpaa ati ileeṣẹ ọlọpaa pẹlu awọn araalu.

O ni eyi fihan pe awọn janduku ti sa asawọ wọnu iwọde naa, wọn si ti n lo anfani iwọde ọhun lati fi dana iwa laabi kaakiri ipinẹ Eko.

O ni pẹlu bi gomina Babajide Sanwo-Olu si ti kede ofin konile o gbele bayii, ileeṣẹ ọlọpaa ti ko awọn ọlọpaa kogberegbe da sigboro lati lati rii daju pe aṣẹ koni o gbele ọlọjọyipo naa fidi mulẹ daadaa.

Ni owurọ ọjọ Iṣẹgun lawọn janduku kan nibi iwọde ENDSARS l'Eko kọlu agọ ọlọpaa kan lagbegbe Orile ti wọn si dana sun un.

Bí o bá fẹ́ darapọ̀ mọ́ ikọ̀ ọlọ́pàá SWAT tí yóò rọ́pò SARS, wo àmúyẹ tí o gbọ́dọ̀ ní

Lẹyin ti ọga ọlọpaa patapata lorilẹede Naijiria wọgile ikọ SARS gẹgẹ bi ara ipe awọn ọdọ to n wọde fun fifi opin si iwa aṣemaṣe ikọ naa ati ileeṣẹ ọlọpaa lapapọ, ikọ tuntun ti wọn fẹ da silẹ yoo bẹrẹ igbaradi ni ọjọ Aje.

Eyi ni awọn amuyẹ ti ileeṣẹ ọlọpaa ni yoo wa fun awọn ọlọpaa ti yoo darapọ mọ ikọ naa.

Ọga agba patapata nileeṣẹ ọlọpaa Naijiria, Muhammed Adamu ṣalaye ni ọjọ Aiku pe awọn ọlọpaa ti yoo darapọ mọ ikọ kogberegbe ti wọn fẹ fi rọpo SARS naa gbọdọ ni awọn amuyẹ wọnyii.

Ọga ọlọpaa Adamu ṣalaye pe awọn ọlọpaa ti oun yan si ikọ naa

1.Wọn jẹ ọdọ ẹlẹjẹtutu

2.Wọn ni okun ati agbara.

3.Wọn ti lo ọdun meje tabi jubẹẹ lọ lẹnu iṣẹ ọlọpaa

4.Wọn ko ni abawọn lẹnu iṣẹ wọn

5.Wọn ko ni ẹsun iwa ibajẹ kankan lẹnu i'sẹ

6.Wọn ko ni ẹsun titẹ ẹtọ araalu mọlẹ tabi ṣi ibọn lo.

7.Wọn sangun lati farada eto idanilẹkọ ati igbaradi ikọ SWAT

Ọga ọlọpaa Adamu ṣeleri pe awọn ọlọpaa iks naa yoo ṣe iṣẹ wọn bi iṣẹ bi o ti tọ ati bi o ti tọna.