EndSARS protest Update: Afẹnifẹre ní ara ti kan àwọn èèyàn, ìjọba sì ló fà á

Ẹgbẹ afẹnifẹre ti sọ pe atunto ni ọna abayọ kan ṣoṣo si iṣoro.

Akọwe ẹgbẹ naa, Yinka Odumakin lo sọ bẹẹ ninu ifọrọwerọ rẹ pẹlu BBC Yoruba.

Odumakin sọ pe, ohun to n ṣẹlẹ lọwọ pẹlu iwọde EndSARS kii ṣe ọrọ ẹlẹyamẹya, ṣugbọn o ti pẹ ti ara ti n kan awọn eeyan.

Àwọn iròyin tì ẹ leè ní ìfẹ̀ síí:

O ni "awa ko fi ọwọ si pe ija ti awọn eeyan n ja jẹ ti ẹlẹyamẹya, ṣugbọn ara n ni awọn eeyan naa, ni wọn fi ṣe ohun ti wọn n ṣe."

Akọwe Afenifere naa ni ohun to yẹ ki ijọba ṣe ni ko wa ọna lati yanju iṣoro to wa nilẹ dipo ko maa yinbọn pa awọn eeyan ilu.

Odumakin wa gba ijọba ni imọran pe o yẹ ko dahun ohun ti awọn eeyan n beere.

O ni "lọna kinni, o yẹ ki ijọba ṣe ohun ti awọn eeyan n bere, lẹyin naa, o yẹ ki a bẹrẹ atunto ilu yii ni kiakia.

Ọmọ ẹgbẹ Afenifere ọhun sọ pe iya n jẹ awọn eeyan, nitori naa o yẹ ki ijọba wa gbogbo ọna lati tan ijiya wọn dipo ko maa ṣina ibọn bo wọn.

ShopRite, SPAR, Cash 'N' Carry àtàwọn dúkìá míì tí jàǹdùkú jó níná

Lati igba ti iṣẹlẹ isekupani awọn oluwọde End SARS ti waye ni Lekki, ni awọn janduku ti bẹrẹ si n da ilu ru ni ipinlẹ Eko.

Bi wọn ṣe n jo agọ ọlọpaa, ni wọn n ṣe wọn leṣe, ti wọn si tun n kọju ija si araalu, ọba alaye atawọn ileesẹ ijọba pẹlu ti aladani.

Alukoro ileeṣẹ ọlọpaa ipinlẹ Eko, Muyiwa Adejobi sọ fun BBC Yoruba pe, awọn janduku ti jo ọọfisi ọlọpaa marundinlogun lapapọ.Ọ̀rọ̀ Nàíjíríà kúrò ní sinimá àwòrẹ́rìn-ìn, Buhari gbé ìgbésẹ̀ bíi òbí àti olórí - Obasanjo gbarata

Adejobi ni bi awọn oluwọde ṣe n sọ oko si awọn oṣiṣẹ wọn naa, ni wọn n yinbọn si wọn lati pa wọn tabi se wọn leṣe.

O fidi rẹ mulẹ pe, ko din ni ọlọpaa meji toun lee fidi rẹ mulẹ pe wọn dagbere faye lati ipasẹ awọn ikọlu to waye yika ilu Eko naa.

Yatọ si awọn ọọfisi ileeṣẹ ọlọpaa ti wọn dana sun, tun wo diẹ lara awọn ileeṣẹ miran ti awọn janduku ọhun tun ti ṣọṣẹ l'Eko.

Olùwọ́de 12 kú ni Lekki, 38 lapapọ kú lọ́jọ́ Isẹ́gun, 56 ni àròpọ̀ àwọn tó bá ìwọ́de lọ - Amnesty International

Saaju la ti sọ fun yin pe gudugbẹ ọrọ ti jabọ lati ẹnu ẹgbẹ ajafẹtọ ẹni lagbaye, Amnesty International, ẹka ti orilẹede Naijiria lori iwa ipaniyan to waye ni Lekki lọjọ Isẹgun.

Atẹjade kan ti ẹgbẹ Amnesty naa fi soju opo rẹ lori Twitter, lo pe akọle rẹ "Ẹ se iwadii bawọn ologun se pa awọn oluwọde EndSARS".

Atẹjade naa ni salaye pe awọn oluwọde mejila ni awọn agbofinro yinbọn pa ni Lekki lọjọ Isẹgun.

Àwọn iròyin tì ẹ leè ní ìfẹ̀ síí:

Bakan naa lo ni iwa isekupani ọhun tun waye ni Alausa, tawọn osisẹ sọja ati ọlọpaa to pa wọn si gbe oku wọn pamọ, gẹgẹ bi wọn ti maa n se.

Bakan naa ni ẹgbẹ ajafẹtọ ẹni ọhun tun sisọ loju rẹ pe lati igba ti iwọde EndSARS ti bẹrẹ, eeyan mẹrindinlọgọta lo ti ba isẹlẹ naa lọ.

O ni lọjọ Isẹgun nikan, eeyan mejidinlogoji lapapọ lo jade laye lasiko iwọde ọhun yika orilẹede wa.

Ẹgbẹ Amnesty ni iwadii oun lori isẹlẹ naa lati ipasẹ awọn fidio to jade, ọrọ awọn ti isẹlẹ naa soju wọn ati abẹwo sile iwosan lo fidi isẹlẹ naa mulẹ.

O ni awọn ẹri yii fihan pe awọn sọja yinbọn mọ awọn oluwọde lootọ ni Lekki laarin aago meje ku isẹju mẹẹdogun si mẹsan alẹ.

Ẹgbẹ ajafẹtọ ẹni naa wa koro oju si iwa ika naa pẹlu afikun pe iwa kikọju ibọn sawọn oluwọde jẹ ara titẹ ẹtọ wọnsi ipejọpọ, isọrọ sita ati igbe aye loju.

Bakan naa lo bu ẹnu atẹ lu iwadii kan to ni awọn osisẹ ijọba yọ ẹrọ ayaworan to n ka isẹlẹ silẹ, CCTV to wa ni bode Lekki nibi tawọn oluwọde naa wa lati ọsẹ meji sẹyin.