Trac Yr Wythnos: Ani Glass - Ffôl

Roedd Ani'n aelod o'r grwp The Pipettes gyda'i chwaer Gwenno Saunders, cyn ffurfio'r grwp pop The Lovely Wars.

Erbyn hyn, mae The Lovely Wars wedi dod i ben, ac Ani yn recordio fel artist unigol o dan yr enw "Ani Glass".

Mae hi'n disgrifio ei cherddoriaeth fel "pop rhyngwladol Cymreig!"

Mae ganddi ddwy gân newydd, Ffôl, a chân ddwyieithog arall o'r enw Little Things.

Bydd y ddwy'n cael eu rhyddhau fel sengl ddigidol ar ddydd Llun 20/07/15.

Gallwch wrando ar y ddwy ar ei gwefan soundcloud (soundcloud.com/aniglass) neu brynu'r sengl o aniglass.bandcamp.com

Mae Ani hefyd yn ffotograffydd o fri, ac mae ganddi arddangosfa o'i ffotograffau yn "Arteas", Caerdydd tan ddiwedd Awst.

Dilynwch Ani ar Twitter - @anisaunders