LASTMA: Àwọn awakọ̀ fí ẹ̀sùn kan awọn Taskforce, LASTMA pé wọ́n n gba owó gọbọi lọwọ wọn
Oríṣun àwòrán, LASTMA
Ileeṣẹ to n risi ọrọ oju popo nipinlẹ Eko, LASTMA ti ni awọn ko ni nkankan ṣe pẹlu ẹsun gbigba owo lọna aitọ lọwọ awọn awakọ nipinlẹ Eko.
Adari eto irina ni ileeṣẹ LASTMA, Bolaji Oreagba lo sọ bẹẹ lẹyin ti awọn awakọ da iṣẹ silẹ ni Ọjọ Aje kaakiri ipinlẹ Eko.
Oreagba lasiko to n ba BBC Yoruba sọrọ ni, ọrọ ko ri bẹẹ nitori awọn ko gba owo lọna aitọ lọwọ awọn awakọ, iṣẹ awọn ni awọn n ṣe.
Àwọn iròyin tì ẹ leè ní ìfẹ̀ síí:
- Kò sí ‘Constitution’ tuntun, kò sí ìbò ní Nàíjíríà ní 2023 - Afenifere
- Afurasí ajínigbé dèrò ọrun, òmíràn kó sí pańpẹ́ ọlọ́pàá ní l’Ogun
- Ọ̀pọ̀ ẹgbẹ́ agbábọ́ọ́lù mójú lọ sọ́jà, bí kátàkárà agbábọ́ọ́lù ṣe dópin
- Ṣe ìgbọ̀nsẹ̀ sí gbangba òde, kóo rugi oyin lábẹ́ òfin tuntun
- Wàláhà ń bọ̀, tíjọba bá ní ká gba abẹ́rẹ́ Covid-19 ní tipá - NMA, JOHESU
- Àṣírí tú lórí ìdí tí DSS kò ṣe fi mẹ́rin sílẹ̀ nínú amúgbálẹ́gbẹ̀ẹ́ Sunday Igboho - Amòfin Olajengbesi
- Akeredolu buwọ́lu òfín máfi ẹran jẹko láàrín ìgboro l'Ondo
- Ìmáàmú àgbà kan ní Abuja ti fi ìbínú sọ̀rọ̀ sí Buhari torí ìkọlù agbébọn
- O kò ní wọ ṣọ́ọ̀ṣì àti mọ́ṣáláṣí tó ò bá gba abẹ́rẹ́ Covid-19 - Ìjọba Ondo
- Owó ilẹ̀ òkèèrè ta yá, orí pípé la fi ya - Mínísítà
- Sunday Igboho fi ọ̀rọ̀ ìyànjú ránṣẹ́ sáwọn olólùfẹ́ rẹ̀ láti Cotonou
O ni LASTMA ko ni nnkan ṣe pẹlu wọn, awọn Ajọ Taskforce nipinlẹ Eko to n gba owo ode lọwọ awọn awakọ, ni wọn koju ija si.
''Lootọ ni awọn awakọ da iṣẹ silẹ nipinlẹ Eko nitori ẹsun pe awọn taskforce n gba owo gọbọi lọwọ wọn ni ojoojumọ, amọ kii ṣe awọn LASTMA ni wọn fi ẹsun kan.''
Oríṣun àwòrán, OTHERS
''A ti kilọ fun awọn awakọ ati Taskforce ki wọn ma da omi alaafia ipinlẹ Eko ru, nitori naa ni a ṣe dasi ọrọ wọn kii ṣe pe awa ni wọn fi ẹsun kan.''
Ohun ti awọn awakọ ati arinrinajo sọ nipa idaṣẹsilẹ awọn awakọ nipinlẹ Eko
Awọn arinrinajo ni agbegbe Ikorodu nipinlẹ Eko fi ẹṣẹ rin ọpọlọpọ mile ni Ọjọ Aje lẹyin ti awọn awakọ daṣẹ silẹ, ti wọn si wa ọkọ wọn gunlẹ ni ipinlẹ Eko.
Ẹsun ti awakọ fi kan awọn Taskforce to n gba owo ode nipinlẹ Eko ati LASTMA ni pe owo ti wọn n gba ni ọwọ wọn ti poju ni ojoojumọ, lai tilẹ ro ipalara ti awọn eniyan n la kọja.
Iroyin ni awọn eniyan rin ọna jinjin bii Jibowu, Maryland, Ikeja nitori ko si ọkọ ti awọn eniyan yoo wọ, nitori awọn awakọ naa wa ọkọ gunlẹ, ti wọn ko si jẹ ki awọn awakọ akẹgbẹ wọn kankan ṣiṣẹ.
Wọn fi ẹsun kan LASTMA pe awọn ofin oju popo ti ohun pin awọn awakọ lẹmi ni wọn ma n pa laṣẹ fun wọn ni oju popo.
