Ondo Government: Gbogbo olùgbé ìpínlẹ̀ yìí gbọ́dọ̀ gbabẹ́rẹ́ àjẹsára Covid-19 láàrín ọ̀sẹ̀ méjì
Ijọba ipinlẹ Ondo ti sọ pe oun yoo fofin de ẹnikẹni to ba kọ lati gba abẹrẹ ajẹsara Covid-19 lati wọ awọn ileeṣẹ ijọba, ile itaja, ibi idokowo atawọn ile ijọsin lẹyin ọsẹ meji.
Kọmiṣọna fun ọrọ iroyin, Donald Ojogo lọ fi ọrọ naa lede.
O ni ijọba ipinlẹ naa ti pinnu lati ri daju pe gbogbo awọn eeyan ipinlẹ ọhun ni yoo gba abẹrẹ ajẹsara Covid-19.
Àwọn iròyin tì ẹ leè ní ìfẹ̀ síí:
- Sunday Igboho fi ọ̀rọ̀ ìyànjú ránṣẹ́ sáwọn olólùfẹ́ rẹ̀ láti Cotonou
- Eégún ń tọpinpin kónílé ó gbélé nílẹ̀ Igbo, nǹkan yan
- Ẹ̀yin olùwọ́de Yoruba Nation, Arewa ń fẹ́ kẹ jáwọ́ àmọ́... - Àgbàgbà Yoruba
- Sunday Igboho, Nnamdi Kanu tó ń dàámú wa ti kó sẹ́wọ̀n, Ọlọ́run wa kò sùn - Miyetti Allah
- Ajínigbé kọlu ìjọ David Oyedepo, wọ́n jí èèyàn mẹ́ta gbé lọ
- Àjàlú ńlá ń bọ̀ Buhari múra, màrìwò eégún lásán lo rí ní NDA - Fr Mbaka
- Sunday Igboho tún dá Malami mọ́lẹ̀ fún ìgbà kejì nílé ẹjọ́
- DSS tú mẹ́jọ sílẹ̀ nínú àwọn ọmọlẹyìn Igboho, mẹ́rin ṣì wà ní àhámọ́
- Alálẹ̀ ló fi èmi àti Sunday Igboho pamọ́ sí àhámọ́ kí ewu le ré wa kọjá - Oba Ogboni
Kọmiṣona ọhun ni awọn gbe igbesẹ yii ki ajakalẹ arun naa le di ohun igbagbe nipinlẹ Ondo, paapaa ẹda rẹ tuntun ti wọn n pe ni Delta Variant.
Ojogo sọ pe "Yatọ si awọn alakalẹ to ti wa nilẹ tẹlẹ, gbogbo awọn olugbe ipinlẹ Ondo gbọdọ gba abẹrẹ ajẹsara Covid-19 laarin ọsẹ meji si asiko yii."
"Lẹyin ọsẹ meji naa, awọn eeyan naa ni lati fi ẹri han pe awọn ti gba abẹrẹ ajẹsara ọhun ki wọn to le lanfaani lati awọn ile ijọsin bii ṣọọṣi ati mọṣalaṣi to fi mọ awọn gbọngan mii ti ọpọ ero n korajọ si."
Kọmiṣọna naa fi kun pe, olori awọn oṣiṣẹ ipinlẹ naa ti gba aṣẹ lati daju pe awọn eeyan tẹle aṣẹ tuntun ọhun.
Ẹwẹ, aṣẹ tuntun ti ijọba ipinlẹ Ondo pa lori Covid-19 yii ko kan awọn ọmọde.
Bi ẹ ko ba gbagbe, lara awọn to ti ba Covid-19 lọ ni Naijiria ni kọmiṣọna fun eto ilera ipinlẹ naa ana, dọkita Wahab Adegbenro.
Adegbenro ku sile iwosan ijọba apapọ, FMC, niluu Owo, lọjọ keji, oṣu Keje, ọdun 2020.
Bẹẹ naa ni gomina ipinlẹ ọhun, Arakunrin Rotimi Akeredolu ti figba kan ba arun naa finra, ṣugbọn o moribọ.
