NDA Invasion: Fr Mbaka ní bí Buhari kò bá yíwà padà, díẹ̀ ní ìṣẹ̀lẹ̀ Afghanistan yóò jẹ́
Oríṣun àwòrán, State House Abuja
Alufa ijọ Adoration Ministry Enugu Nigeria, AMEN, Ẹniọwọ Ejike Mbaka ti ọpọlọpọ mọ si Fada Mbaka sọrọ lori ikọlu to waye si ileẹkọṣẹ agba fawọn ọmọogun ni Naijiria, NDA.
Ojisẹ Ọlọrun naa wa sapejuwe ikọlu ọhun bii ibẹrẹ pẹpẹ awọn ohun ajalu to n bọ lọna fun orilẹede Naijiria.
O ni bi aarẹ Buhari ko ba tete yi ọna rẹ pada tabi ki Ọlọrun tubọ dasi ọrọ Naijiria, nkan yoo yan lorilẹede Naijiria, koda kekere ni ikọlu naa.
Àwọn iròyin tì ẹ leè ní ìfẹ̀ síí:
- Ẹ̀yin olùwọ́de Yoruba Nation, Arewa ń fẹ́ kẹ jáwọ́ àmọ́... - Àgbàgbà Yoruba
- Sunday Igboho tún dá Malami mọ́lẹ̀ fún ìgbà kejì nílé ẹjọ́
- DSS tú mẹ́jọ sílẹ̀ nínú àwọn ọmọlẹyìn Igboho, mẹ́rin ṣì wà ní àhámọ́
- Alálẹ̀ ló fi èmi àti Sunday Igboho pamọ́ sí àhámọ́ kí ewu le ré wa kọjá - Oba Ogboni
- Mo ní ẹ̀rí tó dájú pé àwọn Fulani fẹ́ gba gbogbo ilẹ̀ Nàìjíríà - Ortom
- Ilé Ife tako èrò Alaafin lórí ìfoyè dánilọ́lá nílẹ̀ Yorùbá
- Rotimi Ameachi sọ̀rọ̀ lórí bóyá lóòtọ́ ni àjọsọ wà láàrin Tinubu àti Buhari
- Ṣé lóòtọ́ ni tírélà ti gba ààrin Laide Bakare àti Kemi Afolabi nítorí ọkunrìn?
- "Ọkàn mi gbọgbẹ́ lórí aya, ọmọ àti ẹbí mi márùn ún tí agbébọn pa lọ́jọ́ kan"
Fada Mbaka to sọrọ yii lasiko isin ni ileejọsin naa, tun ṣekilọ pe bi awọn adari ko ba tete gbe igbesẹ to yẹ fun atunṣe, bintin ni ohun to ṣẹlẹ lorilẹede Afghanistan yoo jẹ lẹgbẹ eti ti yoo ṣẹlẹ si NAijiria lọjọ iwaju.
Iranṣẹ Ọlọrun naa tun pe fun itusilẹ awọn eekan aṣiwaju ẹgbẹ ajijagbara fun idasilẹ orilẹede Biafra, IPOB, Nnamdi Kanu kuro ninu ahamọ.
O fi kun un pe o han gbangba pe iṣoro to n koju Naijiria kọja ọrọ Nnamdi Kanu, ati pe awọn to kọlu ile ẹkọṣẹ agba fawọn ologun naa kii saa n ṣe Kanu.
"Gẹgẹ bi mo ṣe sọ fun yin loṣu meji sẹyin, pe ohun ti ẹ n ri bayii ibẹrẹ wahala to n bọ ni, ojulowo wahala ṣi n bọ lọna.
Ifaara lasan leyi ti wọn n kọlu ileẹkọṣẹ agba fawọn ọmọogun ni Naijiria, NDA yii, apa keji n bọ"
