Nothern Coalition Group: Àpapọ̀ ẹgbẹ́ ní Ariwa Naijiria sọ pé kí Buhari má gbìyànjú láti tú Kanu sílẹ̀
Oríṣun àwòrán, Nnamdi kanu
Agbarijọpọ awọn ẹlẹgbẹjẹgbẹ to wa ni Ariwa Naijiria, The Coalition of Nothern Groups (CNG) ti sọ fun Aarẹ Muhammadu Buhari pe ko gbọdọ gbe igbesẹ lati tu Nnamdi Kanu, olori ẹgbẹ to n ja fun idasilẹ Biafra silẹ.
Opin ọsẹ to kọja ni iroyin sọ pe Aarẹ Buhari ni oun yoo ronu nipa itusilẹ Kanu, lasiko ti awọn agbaagba kan lati ilẹ Igbo ṣe abẹwo si nitori ọrọ rẹ.
Lọwọlọwọ, Nnamdi Kanu wa ni ahamọ ajọ ọtẹlẹmuyẹ DSS nilu Abuja.
Nibi ipade akọroyin kan ti wọn se lọjọ Aje, agbẹnusọ ẹgbẹ CNG, Abdulazeez Suleiman, sọ pe awọn eniyan Ariwa yoo di ẹbi "ẹjẹ awọn alaiṣẹ ti iṣẹ ọwọ Kanu sọ di ero ọrun" ru Buhari.
Àwọn iròyin tì ẹ leè ní ìfẹ̀ síí:
- Buhari ní òun á gbé ìtúsílẹ̀ Nnamdi Kanu yẹ̀wò
- Ẹ̀yin ọmọ Yoruba ẹ darapọ̀ mọ́ wa látí tako ìjọba Naijiria lórí àtìmọ́lé Nnamdi Kanu - IPOB
- Bí Buhari bá fi Sunday Igboho sílẹ̀, ìṣọ̀kan yóò padà sí Naijiria - Oluwo
- "Àgbà Yorùbá dalẹ̀ Sunday Igboho, wọ́n fi sílẹ̀ bíi ọmọ òrukàn"
- "Buhari, Sanwo-Olu, ẹ kọ̀wé fipò sílẹ̀ torí àwọn ọ̀dọ́ tó kú lásìkò ìwọ́de EndSARS"
- Ọ̀pọ̀ òṣèré tíátà ń ṣèdárò Baba Suwe tó jáde láyé
- Ìjọba Eko fi ọwọ́ ọlà gbá ìyá Jumoke lójú ní ₦1m àti ilé tó hááyà fún - Agbẹjọ́rò
- ''Ó burú jáì pé Ramon Adedoyin tí akẹ́kọ̀ọ́ kú sílé ìtura rẹ̀ tún ń sọ̀rọ̀ lákàtà ọlọ́pàá''
- "Davido kò ran èmi gbajúmọ̀ lọ́wọ́, ọmọ òrukàn ló fẹ́ kó ₦250 fún"
- Ìjọba fẹ́ pa mí torí àbọ̀ ìwádìí ìkú olùwọ́de EndSARS ní Lekki - Adegboruwa figbe ta
Suleiman ni laarin ọdun 2017 si 2020, Kanu ṣe agbatẹru pipa eeyan to le ni ẹgbẹfa, ti wọn wa lati ẹkun Ariwa ṣugbọn ti wọn n gbe ni ilẹ Igbo, ti wọn si tun ba awọn dukia wọn to jẹ olowo iyebiye jẹ.
Bakan naa lo sọ p,e ko din ni irinwo oṣiṣẹ alaabo ti Kanu ati ẹgbẹ IPOB ti pa.
"Ti Buhari ba fi le gbiyanju lati tu Kanu silẹ lai fi iya jẹ ẹ labẹ ofin, eyi yoo sọ Naijiria di orilẹ-ede ti ko si ibọwọ fun ofin rara, nibi ti ọdaran oriṣiriṣiri yoo ti ma a hu iwakiwa, ti wọn o si ran awọn adari ẹya wọn lati ba wọn bẹbẹ."
Bẹẹ ba gbagbe, awọn agbaagba to jẹ ẹya Igbo, eyi ti Mbazulike Amaechi lewaju wọn, lo lọ se abẹwo si ọdọ aarẹ Buhari lọjọ Ẹti to kọja, lati bẹbẹ fun itusilẹ asaaju ẹgbẹ IPOB, Nnamdi Kanu to wa ni ahamọ DSS lọwọ lọwọ.
