Jumoke Oyeleke: Agbẹjọ́rò ẹbí olóògbé ní ₦1m kéré bíi owó gbà máa bínú fún ìyá lórí ikú ọmọ rẹ̀
Oríṣun àwòrán, Lagos State Government
Agbẹjọro fun ẹbi Jumoke Oyeleke to ku lasiko iwọde Yoruba Nation nilu Eko, Taiwo Oyeleke ti koro oju si bi ijọba ipinlẹ Eko ṣe fun mama rẹ, Ifeoluwa Oyeleke ni miliọnu kan naira, ti wọn si tun gba ile fun un.
Nigba ti o n ba BBC Yoruba sọrọ, agbẹjọro Taiwo Olawanle sọ pe ọgbọn alumọkọrọyi ni ijọba lo, to fi fun arabinrin naa lowo, ti o si tun sanwo ọdun mẹta sile merẹnti fun un.
Ọgbẹni Olawanle sọ pe ko tọna fun ijọba ipinlẹ Eko lati ṣe bẹẹ, niwọn igba to jẹ pe ẹjọ naa si wa nile ẹjọ.
Àwọn iròyin tì ẹ leè ní ìfẹ̀ síí:
- ''Ó burú jáì pé Ramon Adedoyin tí akẹ́kọ̀ọ́ kú sílé ìtura rẹ̀ tún ń sọ̀rọ̀ lákàtà ọlọ́pàá''
- Ìjọba Eko fi ẹ̀bùn ńlá tọrẹ fún ìyá ọmọ tó kú lásìkò ìwọ́de Yoruba Nation l‘Ojota
- "Davido kò ran èmi gbajúmọ̀ lọ́wọ́, ọmọ òrukàn ló fẹ́ kó ₦250 fún"
- Ìjọba fẹ́ pa mí torí àbọ̀ ìwádìí ìkú olùwọ́de EndSARS ní Lekki - Adegboruwa figbe ta
- "Àgbà Yorùbá dalẹ̀ Sunday Igboho, wọ́n fi sílẹ̀ bíi ọmọ òrukàn"
- Mo ti ṣetán láti pín ₦250m sí ilé àwọn ọmọ aláìníyàá káàkiri Naijiria - Davido
- Ìyàwó Adedoyin sọ̀rọ̀ nípa ìṣẹ̀lẹ̀ bí akẹ́kọ̀ọ́ ṣe kú sílé ìtura ọkọ rẹ̀ ní Ile Ife
- Àìsàn ‘Dementia’ ló ń bá ọkọ́ mi Olu Jacobs fínra láti ọdún díẹ̀ - Joke Silva
- Mọ̀ nípa àìsàn tó ń mú kí irun pọ̀ lára obìnrin láì ṣe ọkùnrin
- Kanpe ni òkú Timothy Adegoke wà, wọn kò gé ẹ̀yà ara rẹ̀ - Ọlọ́pàá Osun
''Fifi ọwọ ọla gba ni loju ni ohun ti ijọba ipinlẹ Eko ṣe fun mama Jumoke tumọ si.
Miliọnu kan naira ti wọn fun ati ile ti wọn gba fun un ko to ẹmi ọmọ rẹ to di oloogbe.
Ti a ba tun wo o lọna mii, awọn igbimọ oluwadii iwa ipa awọn ọlọpaa lori iṣẹlẹ EndSARS dajọ pe ki wọn fun awọn ẹbi eeyan to ku ni miliọnu marun un si mẹfa.
Ẹyin wa n lọ fun obinrin yii ni miliọnu kan naira ati ile merẹnti, ti owo ile naa ba tan, ta lo maa san omiran?
Awa o gba eleyii wọle, ati pe ẹjọ si wa nile ẹjọ, a ko ti mọ ẹni to ba Jumoke bayii tori awa gbagbọ pe ọlọpaa lo pa a, amọ awọn ni ọlọpaa kọ.
A ko tii ri idi gbogbo ọrọ to wa nilẹ yii, wọn wa gbẹyin wa lọ fun iya oloogbe lowo.
O digba ti a ba mọ ẹni to pa Jumoke ki a to le mọ ohun ti a maa beere lọwọ ijọba ipinlẹ Eko gẹgẹ bi owo gba ma binu.
Ijọba ko tun fi ọrọ naa to awa agbẹjọro ẹbi Jumoke leti nigba ti wọn fẹ gbe igbesẹ yii.
Ṣe miliọnu kan naira to lati ra ẹmi eeyan pada? Igba wo ni wọn maa to na miliọnu kan naira tan?"
Bakan naa ni Olawanle salaye pe adẹrinpoṣonu kan, Mr Macarona fun mama ọmọ yii ni ẹgbẹrun lọna ẹẹdẹgbẹrun naira.
O ni ti ẹnikan ba le ṣe iru nkan bayii fun mama ọmọ naa, meloo meloo wa ni ijọba ipinlẹ Eko?
Bakan naa lo fikun pe awọn ko ri miliọnu kan naira gẹgẹ bi owo gba ma binu to yẹ fun ẹni ti wọn yinbọn pa ọmọ rẹ.
Olawanle wa ni awọn tiẹ ni igbagbọ pe kii ṣe ijọba ipinlẹ Eko lo wa nidi igbesẹ yii.
Agbẹjọro naa tun fikun ọrọ rẹ pe, alaanu kan ti ṣeto ile gbigbe fun mama oloogbe yii, eyi to jẹ ki ile ti di meji bayii.
Amọ o ni o ku si ọwọ iya Jumoke lati yan ile ẹni to fẹ lọ gbe, boya ile ti ijọba ipinlẹ Eko rẹnti fun ni abi eyi ti alaanu kan gba fun.
Sugbọn Olawanle ni o di dandan ki owo ile ile kan sofo danu ninu ile mejeeji nitori obinrin naa atawọn ọmọ rẹ ko le gbe ile meji papọ.
