Timothy Adegoke: Aya onílé ìtura sàlàyé ipò tí ọkọ rẹ̀ wà lórí ẹ̀sùn ìṣekúpani
Oríṣun àwòrán, Ramon Adedoyin/Facebook
Yoruba ni ọrọ okeere, bi ko ba din ọkan, yoo le ọkan ni.
Oniruuru iroyin si lo ti n jade sori ayelujara nipa iku akẹkọọ kan, Timothy Adegoke, to ku sile itura Hilton to wa nilu Ile Ife.
Koda, awọn ọlọpaa ti ko awọn afurasi kan si ahamọ lori isẹlẹ naa, to fi mọ ẹni to ni ile itura naa, Ọmọọba Rahmon Adedoyin.
Ọna lati tan imọlẹ sawọn ahesọ ọrọ naa lo mu ki iyawo Adedoyin kigbe sita lati sẹ ọpọ awọn iroyin ti ko fi ẹsẹ mulẹ, to n jade lori isẹlẹ naa.
Àwọn iròyin tì ẹ leè ní ìfẹ̀ síí:
- Mi ò pààyàn rí láyé, mi ò kí ń ṣe afini ṣòògùn owó, ẹ jọ̀wọ́ dúró dé ìwádìí Ọlọ́pàá - Rahmon Adedoyin tó ni hòtẹ́ẹ̀lì
- Kanpe ni òkú Timothy Adegoke wà, wọn kò gé ẹ̀yà ara rẹ̀ - Ọlọ́pàá Osun
- Ilééṣé ọlọ́pàá Osun tí mú Olùdarí ilé ìtura tí Akẹ́kòó fásìtì OAU ti dédé pòórá
- Ìjọba Eko fi ẹ̀bùn ńlá tọrẹ fún ìyá ọmọ tó kú lásìkò ìwọ́de Yoruba Nation l‘Ojota
- Mọ̀ nípa àìsàn tó ń mú kí irun pọ̀ lára obìnrin láì ṣe ọkùnrin
- Àìsàn ‘Dementia’ ló ń bá ọkọ́ mi Olu Jacobs fínra láti ọdún díẹ̀ - Joke Silva
- Àlàyé rèé lórí ohun tó fa ìkúnsínú nínú ẹgbẹ́ Ìlana Omo Oodua
- Ìrìn-àjò ìfẹ́ wa kò tíì bẹ̀rẹ̀ nígbà tí mó ní Lateef Adedimeji kìí ṣe ọ̀rẹ́kùnrin mi- Mo’Bimpe
- Ìjọba ìpínlẹ̀ Eko rún alùpùpù 482 tí wọ́n gbà lọ́wọ́ àwọn ọlọ́kadà jégé-jégé
- Mo ti ṣetán láti pín ₦250m sí ilé àwọn ọmọ aláìníyàá káàkiri Naijiria - Davido
- Wọ́n lù mí bíi ẹní máa kú, wọ́n ya aṣọ mọ́ mi lọ́rùn nílé Princess kí n tó dé àgọ́ ọlọ́pàá - Baba Ijesha
Bakan naa lo sọrọ lori awọn ẹsun ti ko fifi eniyan se etutu ọla eyi ti wọn n fi kan ọkọ rẹ lori ayelujara, eyi to ni ko ri bẹẹ.
Nigba to n ba iwe iroyin Premium Times sọrọ, aya Adedoyin ni ọmọ Naijiria rere ni ọkọ oun, bẹẹ ni kii lọwọ ninu isẹ ibi rara.
"Ọkọ mi ko mọ ohunkohun nipa isẹlẹ isekupani naa, lootọ ni ọkunrin naa ku sile wa, ti awọn ọlọpaa si ti bẹrẹ iwadii nipa rẹ.
Ọpọ eeyan lo n kigbe kiri pe ọkọ mi ti salọ, eyi ko ri bẹẹ rara, ọkọ mi ko sa lọ sibikibi, awọn ohun to n sẹlẹ yii wa lati dan igbagbọ wa wo lasan ni.
Ohun gbogbo to pamọ, kedere lo han si Ọlọrun ọba amọ mo kọkọ daro pẹlu awọn mọlẹbi oloogbe, mo si mọ pe ọpọ awọn to n tan ayederu iroyin naa ka ni iku alaisi ka lara.
Amọ ju gbogbo rẹ lọ, mo n ba awọn idile ti isẹlẹ naa sẹlẹ si kẹdun iku eeyan wọn to lọ, paapaa iyawo oloogbe."
Bẹẹ ba gbagbe, Timothy Adegoke lo jẹ akẹkọọ to n gboye-koye ni fasiti Obafemi Awolowo nilu Ile Ife, to si duro sile itura Hilton fun idanwo to fẹ se ni Ife.
Amọ se ni ọkunrin naa di awati, ti wọn si ri oku rẹ lẹyin o rẹyin nibi ti wọn sin si lẹba ile itura ọhun.
