Rivers church stampede: Èèyàn 31 kú lẹ́yìn tí wọ́n tẹ wọ́n pa níbi tí ilé ìjọsìn ti ń pín oúnjẹ ọ̀fẹ́ ní Port Harcourt
Oríṣun àwòrán, @instablog9ja
Ileeṣẹ ọlọpaa ipinlẹ Rivers ti sọ pe eeyan mọkanlelọgbọn lo jade laye lasiko ti wọn tẹ wọ pa lẹyin wọdu-wọdu to waye nibi ti ijọ kan ti n ṣeto ita gbangba niluu Port Harcourt.
Ijọ naa, Kings Assembly, ke si awọn araalu lati yọju sibi eto na, nibi ti wọn yoo ti gba ounjẹ ọfẹ atawọn ẹbun mii.
Agbegbe GRA, ni Port Harcourt ni ile ijọsin naa wa, amọ gbọgan Port Harcourt Polo Club ni eto naa ti waye lati faye gba ọpọ ero ti yoo yọju sibẹ.
- "A ó pàdé níbi ìdájọ́ lọ́run" ni ọ̀rọ̀ tí obìnrin tó pa ara l'Eko fi sílẹ̀ fún ẹbí rẹ̀ - Ọlọ́pàá sọ ohun tí wọ́n mọ̀
- Ẹ má bínú pé mo dúnkokò mọ́ àwọn akẹgbẹ́ mi , àmọ́ èmi ni ''Headies Award'' tọ́ sí - Portable
- Wo bí Atiku Abubakar ṣe la Wike mọ́lẹ̀ tí Saraki náà sáré lọ kìí kú oríire
- Àwọn jàndùkú oníbọn gbé àpóti ìdìbò abẹ́lé lọ, ‘delegate’ fara gba ọta ìbọn ní Ondo
- Kò sóhun tó ń jẹ́ pẹ́lú dìbò ko sebẹ̀ láàrín àwọn aṣojú-dìbò wa -PDP
- Ìdí mẹ́rin rè é tí dọ́là ẹyọ̀kan ṣe di 600 naira ní Naijiria
- Èrò àwọn ọmọ Naijiria ṣọ̀tọ̀tọ̀ lórí àwọn tó pin gàrí, ṣúgà àti mílíkì níbi ayẹyẹ ìsọmọlórúkọ
- ''Àwọn adìyẹ tí mò ń sìn ni mo ń fún ní Indian Hemp mu ''
- Àrùn measles ṣekúpa ọmọdé mẹ́rìnlá ní ìpínlẹ̀ Anambra
- Mò ń rí ara mi bíi obìnrin tí kò pé nítorí mi ò lè bí ọmọ láyé - Nse Ikpe-Etim
Alukoro ileeṣẹ ọlọpaa ipinlẹ naa, Grace Iringe-Koko, sọ pe ṣe ni ṣọọṣi naa n gbiyanju lati bukun awọn alaini lawujọ ki iṣẹlẹ laabi naa to waye.
Iringe-Koko ni ''Eeyan mọkanlelọgbọn lo ba iṣẹlẹ naa lọ nigba ti wọn tẹ ara wọn mọlẹ nibi ti ijọ kan ti n fun awọn araalu ni ounjẹ ọfẹ.''
''Nnkan bii aago mẹsan an aarọ ni wọn fẹ bẹrẹ eto naa amọ awọn eeeyan fi wọdu-wọdu wọ gbọgan ọhun.''
''Eyii lo mu ki ọpọ ero sare wọ ibẹ lọ, ti wọn si tẹ awọn kan pa.''
Alukoro ọlọpaa naa tẹsiwaju pe ''Gẹgẹ bii ohun ti mọ, ṣe ni ijọ naa ṣeto ounjẹ atawọn ẹbun ọfẹ mii fun awọn ti ko rọwọ họri luwujọ.''
O fi kun pe awọn ti bẹrẹ iwadii lati mọ ohun gan pato to fa iṣẹlẹ laabi naa.''
