Nse Ikpe-Etim sọ̀rọ̀ lórí ìpènijà rẹ̀ lẹ́yìn tó pàdánù ilé ọmọ rẹ̀

Mò ń rí ara mi bíi obìnrin tí kò pé nítorí mi ò lè bí ọmọ láyé - Nse Ikpe-Etim

Nse, to jẹ ẹni ọdun mẹtadinlaadọta, lo sọ ọrọ naa lasiko to n sọrọ nipa igbeyawo rẹ ninu ifọrọwerọ lori eto kan, #WithChude.

Oṣere naa ṣe igbeyawo pẹlu ololufẹ rẹ, Cliford Sule, to jẹ oniṣowo, ati olukọ agba ni fasiti Midlesex, to wa niluu London lọdun 2013.

Ninu ifọrọwerọ naa, Nse sọ pe oju ko ti oun lẹyin to han gbangba pe oun ko ni le bimọ nile aye, amọ o dabi pe oun ko pe gẹgẹ bi i obinrin.

O ni "Oju ko ti mi, amọ mo ri ara mi bi ẹni ti ko pe ni gbogbo igba ti mo ba ti n ranti."

"Ohun ti mo dupẹ fun ni bi mo ṣe dagba, nitori a ki n so itiju mọ ọrun ni idile wa, niṣe ni a n gbe igbe aye wa bii ẹni to ni ohun gbogbo to n fẹ."

Iha ti ọkọ mi kọ si ipo ti mo wa

Ni ti iha ti ọkọ rẹ kọ si, oṣere naa ni digbi ni ọkọ oun ti o un lẹyin, ko si pada lẹyin oun, oun si dupẹ fun atilẹyin rẹ.

O ni "Ọkọ mi wa lẹyin mi ninu ipo ti mo wa nitori bo ṣe yẹ ko ri naa niyẹn."

Nse sọ pe ohun to n ba oun finra naa lo n ba ọkọ oun finra, idi ree ti atilẹyin rẹ ko ṣe yẹ.

O ṣeeṣe ka gba ọmọ tọ, amọ aja ni a ṣi n tọju lọwọ

Ni ti boya o ṣeeṣe ki tọkọtaya naa gba ọmọ tọ, Nse ni ko si ohun ti ko le ṣẹlẹ.

O ni "O ṣeeṣe ki a gba ọmọ tọ, o si ṣeeṣe ki a ma gba ọmọ tọ, amọ a ko tii le sọ ohun to le ṣẹlẹ ni iha yẹn, lọwọ yii, aja ni a ṣi n tọju lọwọ."

Ọdun 2019 ni Nse kede ni gbangba pe wọn ti yọ ile ọmọ oun lẹyin ti oun ni arun 'adenomyosis.'