Party Foods: Èrò àwọn ọmọ Naijiria ṣọ̀tọ̀tọ̀ lórí àwọn tó pin gàrí, ṣúgà àti mílíkì níbi ayẹyẹ ìsọmọlórúkọ

Lara awọn ounjẹ ti wọn maa n pin, paapaa nilẹ Yoruba lasiko awọn ayẹyẹ bii ọjọ ibi, iṣile, isọmọlorukọ atawọn ariya mii ni; irẹsi, iyan ati ọbe ẹfọ, amala ati gbẹgiri, ati bẹẹ bẹẹ lọ.

Amọ kayeefi lo jẹ niluu Eko nigba ti idile kan pin gari, miliki ati ṣuga nibi inawo ti wọn ṣe.

Ninu fidio kan lori ikanni Instablog Naija loju opo Instagram ni awọn kan ti n pin gari, ṣuga ati miliki fun awọn eeyan to wa ba wọn ṣe ayẹyẹ.

Bo tilẹ jẹ pe a ko le fidi rẹ mulẹ agbegbe ti ayẹyẹ naa ti waye, a gbọ pe ilu Eko ni.

Bẹẹ si ni a gbọ pe ayẹyẹ isọmọlorukọ ni wọn n ṣe lọjọ naa pẹlu.

Iha wo ni awọn eeyan kọ si igbesẹ yii?

Ọpọ awọn to ri fidio naa lo ti bẹrẹ si n fi erongba wọn lede nipa rẹ.

Pupọ ninu awọn to n sọrọ nipa fidio ọhun lo n sọ pe igbese awọn to n ṣe ayẹyẹ naa ko buru.

Lara awọn to sọrọ ni Ayo Olorun Tomiwa to sọ loju opo Instagram pe "Awọn lo n ṣe ayẹyẹ, ohun to ba wu wọn ni wọn si le pin nibi ayẹyẹ naa, ki ẹni ti ko ba tẹ lọrun gba iule rẹ lọ."

Ẹlomiran to da si ọrọ naa ni "Wọn gbiyanju gidi, nitori ko rọrun lati ri gari ati miliki gan laye ode oni."

Bẹẹ lawọn mii ẹwẹ n sọ pe, bisikiti ati ẹlẹrindodo san j ugari ati ṣuga toun ti miliki lọ nibi isọmọlorukọ.