Johnson Sulemann sọ̀rọ̀ sókè lórí ẹ̀sùn tí Stephanie Otobo fi kàn án
Oríṣun àwòrán, @Others
Alufaa agba ijọ Omega Fire Ministries, Apostle Johnson Suleman ti sọrọ lẹyin ti olorin takasufe to n fi ilu Canada ṣe ibugbe, Stehanie Otobo, halẹ mọ loju opo Twitter pe oun yoo fi fidio ibalopọ awọn mejeji lede.
Ṣaaju ni Otobo ti kọkọ fẹsun kan alufaa naa pe awọn n ni ibalopọ fun ọdun mẹrin gbako ki aarin awọn mejeji to daru.
Ẹnu ọjọ mẹta yii Otobo tun fi aworan ihoho kan lede loju opo Twitter rẹ, to si n sọ pe aworan ihoho ti Suleman fi sọwọ si oun ni, ati pe ko wa sọ boya awọn aworan naa kii ṣe tirẹ.
- Báwo ni ọ̀rọ̀ ilé ṣe fa Gbas-gbos láàrín Mercy Aigbe, ìyáále rẹ̀ àti ọkọ rẹ̀?
- Human Rights Watch fẹ̀sùn àìbìkítà kan ìjọba Naijiria lẹ́yìn ikú awọn olùwọ́de lásìkò ìwọ́de EndSARS
- Sọ̀rọ̀sọ̀rọ̀ Uche Igwe di èrò iléẹjọ́ lórí ẹ̀sùn pínpín fídíò ìbálòpọ̀ ọmọdé
- Kọ́ńdọ̀ọ̀mù méjìlá lá rí ní iyàrá ilé ìtura tí wọ́n ti fípa bá arábìnrin Ulochi lòpọ̀- Olọ́pàá
- Èmi ò gbé'ṣẹ́ rán ẹnikẹ́ni láti ra fọ́ọ̀mù ìdíje ààrẹ fún mi o, ẹ máà kóbá mi -Ààrẹ tẹ́lẹ̀ Goodluck Jonathan fún Miyetti Allah lésì
- Wo àwọn òjé tí àwọn olóṣèlú máa fi ń jẹ àwọn ènìyàn bí ètò ìdìbò bá ti ń súnmọ́lé
- Ìpapòda Aláàfin kò ní dá ètò ìfinijoyè Gbajabiamila dúró- Ọyọmesi
- Ó pé ọdún 35 tí Obafemi Awolowo kú, wo àwọn nkan mánigbàgbé tí o kò gbọ́ rí nípa rẹ̀
Ọdun 2017 ni iroyin ibaṣepọ Otobo ati Suleman kọkọ gbode, lẹyin ti Otobo pe Suleman lẹjọ lori ẹsun fifi ọwọ kan oun lọna aitọ.
Lara awọn aworan ti Otobo fi lede loju opo Twitter ṣafihan bi okunrin kan ṣe di nnkan ọmọkunri rẹ mu, eyii to pe ni ti Suleman amọ a ko le fidi rẹ mulẹ boya ti Suleman ni tabi bẹẹ kọ.
Aworan mii ṣafihan ibi ti Otobo ti gbe ọmu rẹ jade lori ipe ori fidio, eyii to ni oun ati Suleman lo n sọrọ lasiko naa.
Otobo ni "To ba parọ pe nnkan ọmọkunrin naa kii ṣe ti oun, ki ni yoo sọ nipa apa to wa ni itan apa osi rẹ? Iyawo rẹ gan ko le sẹ pe ko ni apa ni itan rẹ."
"Ti n ko ba ni nnkan ṣe pẹlu rẹ, bawo ni mo ṣe mọ pe o ni apa ni itan rẹ?"
Obinrin naa ni Alufaa Suleman ti dukoko mọ oun lọpọ igba, koda o gbiyanju lati gbẹmi oun pẹlu.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Johnson Suleman fesi
Ẹwẹ, lasiko to n fesi si ọrọ naa loju opo Twitter, alufaa Johnson Suleman sọ pe awọn ọta oun lo n lo Otobo lodi si oun lẹyin ti oun sọrọ tako ijọba Naijiria lori iyanṣẹlodi ẹgbẹ awọn olukọ fasiti, ASUU.
O ni "Ni kete ti mo sọ pe ki ijọba fopin si iyanṣẹlodi ASUU lana ọjọ Aiku ati oni ọjọ Aje, ni ọrọ mi gbode loju opo Twitter."
"Odaa o, amọ iba daa ki ẹ fi akoko diẹ si aarin ọrọ ti mo sọ ki ẹ to maa jẹ ọrọ mi lẹnu lori Twitter ko le sọro lati mọ pe ọrọ ti mo sọ lo jẹ ki ẹ maa jẹ ọrọ mi lẹnu. Ẹ fi opin si iyanṣẹlodi ASUU!"
