Afolake Abiola: Obìnrin ẹni ọdún 47 tí kò ni ọkọ tàbí ọmọ gbẹ̀mí ara rẹ̀ l'Eko
Oríṣun àwòrán, @NwaAdaIgbo1
"Obìnrin ẹni ọdún 47 tí kò ni ọkọ tàbí ọmọ gbé oògùn apakòkòrò Sniper mu ni".
Obinrin ẹni ọdun mẹtadinlaadọta yii to gbẹmi ara rẹ niluu Eko ni wọn ni nitori iporuru ọkan lo ṣe pa ara rẹ.
Iroyin ni obinrin ọhun, Afolake Abiola ti n ba iporuru ọkan finra tẹlẹ ṣaaju iṣẹlẹ ọhun.
Gẹgẹ bii ohun ti a gbọ, ọjọ Ẹti ni oloogbe naa gbe oogun apakokoro Snipper jẹ ninu ile rẹ ti awọn mọlẹbi, ọrẹ ati ileeṣẹ ọlọpaa si ba oku rẹ ninu ile.
- Irọ́ ni pé ẹ̀rọ ayàwòrán CCTV kò ṣiṣẹ́ lọ́jọ́ tí Timothy Adegoke kú - òṣìṣẹ́ ilé ìtura Hilton
- Shina Peller àti Teslim Folarin tahùn síra wọn lórí ẹ̀sùn ìpànìyàn, wàhálà ṣẹlẹ̀ n'ídìbò abẹ́nú Oyo
- 'Ìdí rèé tí mo fi ń sin ẹkùn méjì nínú ilé mí'
- Kunle Adeyanju tí ó gun alùpùpù láti London ti balẹ̀ bìbà sí Nàìjíríà
- Ṣé ní ìgbà ẹlẹ́ẹ̀kẹfà yìí ni ọwọ́ Atiku Abubakar yóò tẹ èku idà ààrẹ Nàìjíríà?
- Ìdí tí a fi gbà kí APC sún ìdìbò abẹ́lé síwájú rèé - INEC
- Wo bí Atiku Abubakar ṣe la Wike mọ́lẹ̀ tí Saraki náà sáré lọ kìí kú oríire
- Ẹ má bínú pé mo dúnkokò mọ́ àwọn akẹgbẹ́ mi , àmọ́ èmi ni ''Headies Award'' tọ́ sí - Portable
- Èèyàn 31 kú lẹ́yìn tí wọ́n tẹ wọ́n pa níbi tí ilé ìjọsìn ti ń pín oúnjẹ ọ̀fẹ́ ní Port Harcourt
- Ẹ má bínú pé mo dúnkokò mọ́ àwọn akẹgbẹ́ mi , àmọ́ èmi ni ''Headies Award'' tọ́ sí - Portable
Ṣaaju ni awọn iroyin kan ti ọkọ sọ pe oloogbe ọhun pa ara rẹ lẹyin iporuru ọkan to n ba finra nitori ko ni ọkọ tabi ọmọ pẹlu ọjọ ori rẹ.
Awọn mọlẹbi rẹ ko gba ki ọlọpaa ṣe iwadii iku rẹ
Alukoro ileeṣẹ ọlọpaa ipinlẹ Eko, Benjamin Hundeyin sọ fun BBC Yoruba pe obinriun naa fi atẹjiṣẹ ṣọwọ si awọn mọlẹbi rẹ ko to gbẹmi ara rẹ.
O ni "Orukọ obinrin naa ni Afolake Abiola, ẹni ọdun mẹtadinlaadọta si ni pẹlu."
"O ti n ba iporuru ọkan finra tẹlẹ ko to gbe oogun apakokoro Sniper mu."
"A ba ike oogun naa nilẹ ninu ile rẹ, a si ri Sniper naa ninu ẹnu rẹ amọ awọn mọlẹbi rẹ ko gba ki a ṣe ayẹwo oku rẹ fun iwadii, wọn si fun wa ni iwe aṣẹ lati ile ẹjọ to ṣafihan pe awọn ko fẹ ṣe iwadii kankan."
Hundeyin tẹsiwaju pe "Lootọ ni pe oloogbe naa ko ni ọkọ tabi ọmọ kankan, bẹẹ oun nikan naa lo n da gbe ninu ile oniraya mẹta kan to wa ni Osapa London, lagbegbe Lekki, niluu Eko."
"Ko to gbẹmi ara rẹ, o fi atẹjiṣẹ ṣọwọ si awọn mọlẹbi rẹ to si sọ ninu atẹjisṣẹ naa pe wọn yoo pade lọjọ idajọ."
"Atẹjiṣẹ naa lo mu ki awọn mọlẹbi sare tete lọ sile rẹ, amọ oku rẹ ni wọn ba, ki wọn to ke pe ileeṣẹ ọlọpaa."
Kii ṣe ọrọ ọkọ tabi ololufẹ lo mu ko pa ara rẹ - Ọrẹ oloogbe
Ẹnikan to sun mọ oloogbe naa, amọ ti ko fẹ fi orukọ rẹ lede sọ fun ileeṣẹ iroyin abẹle Punch pe kii ṣe ọrọ ọkọ tabi ololufẹ lo mu ki oloogbe naa pa ara rẹ, amọ o n ba iporuru ọkan finra.
Ẹni naa ni "Ọjọ ti pẹ to ti n ba iporuru ọkan finra amọ iṣẹlẹ naa ko ni nnkan ṣe pẹlu ọrọ ọkọ tabi aini ibalopọ rara."
"Laarin ọdun meje sẹyin mo mọ pe o ti fẹ awọn eeyan kan."
"Oun funra rẹ lo maa n fopin si awọn ibasẹpọ pẹlu awọn ọrẹkunrin rẹ naa nitori iporuru ọkan to n ba finra."
"O maa n sọ pe oun ko fẹ gba ẹlomiran laye ninu aye oun nigba ti oun funra oun gan ko tii mọ ibi ti igbesi aye oun n dorikọ."
