Sim Swap registration: Ìjọba àpapọ̀ fọwọ́ sí ìforúkọsílẹ̀ síìmù ní ìjọba ìbílẹ̀ 774 káàkiri Naijiria
Oríṣun àwòrán, @Nairametrics
Ijọba apapọ ti fun awọn ileeṣẹ ẹrọ ibaraẹnisọrọ laṣẹ lati ṣe agbekalẹ awọn ọọfisi ti wọn ti le maa paarọ siimu fun awọn eeyan ni gbogbo ijọba ibilẹ to wa ni Naijiria.
Bẹẹ ni ijọba apapọ tun ṣe afikun iye akoko ti awọn to n fi orukọ siimu silẹ ni aṣẹ lati maa ṣi iṣẹ naa lati ọdun kan si ọdun marun un.
Afikun yii ni igbimọ amuṣẹya to n ri si ọrọ iforukọsilẹ siimu buwọlu niluu Abuja.
- Wo ohun tí Ńo-Fly Zone' túmọ̀ sí
- Ewú ńbẹ! tí ìjọba ìpínlẹ̀ bá sàkóso gbèndéke owó oṣù òṣìṣẹ́,wọ́n ò ní san N30,000, N10,000 ní wọ́n má á san -NLC
- Nǹkan dé, Igboho ní káwọn ọ̀dọ́ ilẹ̀ Yorùbá lọ múra ògùn jọ nítorí ohun tó ń bọ̀ lọ́nà
- Ọlọrun má jẹ́ kí a jẹ́ gbèsè lókù báyìí tí a kò kó ọjá lọ sílẹ̀ Yorùbá mọ́- Hausa Oníṣòwò
Alaga igbimọ naa, minisita eto ibaraẹnisọrọ, Ọmọwe Isa Ali Ibrahim Pantami sọ pe ijọba apapọ gbe igbesẹ ọhun lọna ati mu aye dẹrun fun awọn eeyan ilu.
Pantami ṣalaye pe ojuṣe igbimọ ọhun ni lati gbe ilana tuntun kalẹ fun iforukọsilẹ siimu.
Oríṣun àwòrán, @Conti_radio
O ni awọn ko ni gba ki irufẹ ohunn to ṣẹlẹ ṣaaju waye, ninu eyii ti awọn ileeṣẹ to n ṣe iforukọsilẹ siimu ti kọkọ da eto naa ru.
Minisita ọhun gboriyi fun awọn ọmọ Naijiria fun suuru wọn lẹyin ti ijọba apapọ paṣẹ tuntun lori siso siimu pọ mọ nọmba idanimọ NIN.
Lẹyin naa lo fi da awọn eeyan ilu loju pe gbogbo igbesẹ ijọpa apapọ lati akoko yii lọ yoo jẹ eyii ti yoo mu aye dẹrun fun wọn.
Ṣaaju n i ijọba apapọ ti kọkọ kede pe ki gbogbo awọn ọmọ Naijiria atawọn ajoji to n fi Naijiria ṣe ibugbe lọ ṣe iforukọsile siimu wọn, ki wọn si so simu naa mọ pọnọmba idanimọ NIN.
Ṣugbọn ikede naa ko dun mọ ọpọ ọmọ Naijiria ninu nitori osiriṣiriṣi iṣoro ti wọn dojukọ ninu akitiyan wọn lati ga nọmba idanimọ NIN.
Awọn miran ẹwẹ tun bu ẹnu ẹtẹ lu ijọba apapọ lẹyin to gbẹsẹle iforukọ siimu tuntun, eyii to mu ko ṣoro fun ọpọ eeyan lati paarọ siimu wọn lẹyi ti ẹrọ ilewọ wọn kọṣẹ tabi sọnu.
