Abba Kyari arrested: Iléeṣẹ́ ọlọ́pàá fa Kyari àtàwọn agbófinró mẹ́rin míì lé àjọ NDLEA lọ́wọ́
Oríṣun àwòrán, @Naija_PR
Ileeṣẹ ọlọpaa Naijiria ti fi ṣikun ofin mu ọga ọlọpaa, Abba Kyari atawọn mẹrin miran ti wọn jẹ agbofinro.
Awọn ọlọpaa naa ti wọn mu pẹlu Kyari ni ACP Sunday Ubuah, ASP Bawa James, Simon Agrigba, ati John Nuhu, nigba ti ẹnikarun un wọn, ASP John Umoru ti na papa bora.Iléeṣẹ́ ọlọ́pàá dárúkọ àwọn ọlọ́pàá mẹ́rin tó ń bá Abba Kyari ṣiṣẹ́ pẹ̀lú àwọn tó ń gbé oògùn olóró
Ninu atẹjade kan ti igbakeji alukoro ileṣẹ ọlọpaa, Muyiwa Adejobi fi lede niluu Abuja lo ti sọrọ to pọ.
O ni awọn mu awọn ọlọpaa naa nitori wọn lọwọ ninu iwa ọdaran to rọ mọ iditẹ, aṣilo ipo gẹgẹ bii ọlọpaa, iwa jẹgudujẹra ati pe wọn gbimọ pọ pẹlu awọn to n gbe oogun oloro.
- A ṣì lè yanjú ọ̀rọ̀ Ukraine ní ìtùbí-ìnùbí - Russia
- Barrister ló sọ mí di èèyàn ńlá - Ayinla Kollington
- Ki lo ṣokunfa ikọlu to n waye si ẹni to ba wọ aṣọ Sunday Igboho tabi Yoruba Nation n'Ibadan?
- Makinde buwọ́lu Sẹ́nẹ́tọ̀ Lekan Balogun gẹ́gẹ́ bí Olubadan tuntun
- Oríṣìíríṣìí aṣọ aláràǹbarà láwọn òṣèré tíátà fi ṣe àyájọ́ ọjọ́ olólùfẹ́
- "Ẹ̀yin obìnrin, ẹ fi òdòdó ṣe ẹ̀bùn ọjọ́ olólùfẹ́ fún ọkùnrin dípò kẹ gbà kó já òdòdó ara yín"
Adejobi sọ pe awọn ti fa awọn eeyan naa le NDLEA lọwọ fun iwadii to peye.
O ni "A mu awọn ọlọpaa ọhun lẹyin iroyin to tẹ wa lọwọ lati ọdọ awọn NDLEA lọjọ kẹwaa, oṣu Keji, ọdu 2022 yii."
"Gẹgẹ bii aṣa ileeṣẹ wa, ọga agba ọlọpaa paṣẹ iwadii abẹnu to peye lori ẹsun naa, a si ṣe bẹẹ."
O fi kun pe "Iwadii ti a kọkọ ṣe fi han pe ọwọ tẹ awọn eeyan meji kan ti wọn maa n gbe oogun oloro lati ilẹ okeere, iyẹn Chibunna Patrick Umeibe ati Emeka Alphonsus ni papakọ ofurufu ilu Enugu lasiko ti wọn n bọ lati ilu Addis Ababa lọjọ kinni, oṣu Kinni, ọdun 2022 yii."
Adejobi sọ siwaju si pe iwadii fi han pe awọn afurasi naa ni ibaṣepọ pẹlu awọn oṣiṣẹ NDLEA kan ni papakọ ofurufu naa, ti wọn n san owo oṣu fun.
Gẹgẹ bii ohun to sọ, akara ibaṣepọ Abba Kyari atawọn afurasi naa tu sepo lasiko ti wọn ni ko lọ rọọkun nile nitori ẹsun ti wọn fi kan lori ibaṣepọ rẹ pẹlu afurasi onijibiti ori ayelujara, Hushpuppi.
O pari atẹjade naa pe ileeṣẹ ọlọpaa ko ni faye gba iwa ibajẹ oṣiṣẹ rẹ kankan ati pe awọn yoo tẹle agbekalẹ ofin lori iṣẹlẹ naa.
Ki lo ti ṣẹlẹ sẹyin?
Àjọ NDLEA ń wá ọ̀gá ọlọ́pàá Abba Kyari lórí ẹ̀sùn gbígbé òògùn olóró ''cocaine''
Oríṣun àwòrán, Other
Ajọ to n gbogun ti oogun oloro ni Naijiria, NDLEA ti sọ pe awọn n wa ọga ọlọpaa, DCP Abba Kyari lori ẹsun pe o n bawọn to n gbe oogun oloro ṣe papọ.
Ileeṣẹ ọlọpaa ti kọkọ da Kyari duro lori ẹsun igbimọpọ pẹlu Ramon Abbas tawọn eeyan mọ si Hushpuppi lati jọ lu jibiti ori ayelujara.
Ajọ NDLEA sọ nibi apero awọn akọroyin lọjọ Aje pe ọmọ ẹgbẹ oloogun oloro kan to fi Brazil, Ethiopia ati Niajiria ṣe ibujoko ni Kyari jẹ
- Olùkọ́ lu akẹ́kọ̀ọ́ rẹ ọmọ ọdún kan àti oṣù méje pa ní ìpínlẹ̀ Delta, O bọ́ sí gbaga ọlọ́pàá
- Ìjà ni tọkọtaya ní àwọn fẹ́ bá àbúrò mi àti ọ̀rẹ́kùnrin rẹ̀ parí kí wọ́n tó dá ẹ̀mí rẹ̀ légbodò - ẹ̀gbọ́n olóògbé
- Àgbáríjọpọ̀ èèyàn sẹkúpa ọkùnrin kan lórí ẹ̀sùn pé ó dáná sun Kurani
- Ará àdúgbò dáná sun afurasí méji tí wọ́n bá orí èèyàn lọ́wọ́ wọn ní àgọ́ ọlapàá ní Abeokuta
- Wọ́n ti rí òkú eèyàn mẹ́ta yọ kúrò lábẹ́ ilé tó dàwó ní Yaba
- Mubarak, tó bá ìṣẹ̀lẹ̀ ìdigunjalè Ibadan lọ ti sọ àsọtẹ́lẹ̀ ikú rẹ̀ - àwọn ọ̀rẹ́ kọrin arò lẹ́yìn rẹ̀
Ọrọ ti ajọ NDLEA sọ nipa Abba Kyari
Ajọ NDLEA ṣalaye pe awọn gbe ọrọ naa sita nitori ko fẹ fọwọ so ọwọ pọ pẹlu ajọ naa lori iṣẹ iwadii wọn.
NDLEA ni o ṣenu laanu pe ọkan lara awọn ọlọpaa to yẹ ki wọn maa gbe ofin ro ni wọn n ṣiṣẹ pọ pẹlu awọn to n ṣe fayawọ oogun oloro.
Ajọ naa ni Kyari gbọdọ sọ tẹnu rẹ lori ẹjọ oogun oloro kan to n lọ lọwọ eleyii ti wọn ti darukọ rẹ.
NDLEA ni ọrọ naa bẹrẹ lọjọ kọkanlelogun oṣu kinni ọdun 2022 nigba ti DCP pe ọfiisi NDLA ni bi ago meji kọja iṣẹju mejila.
Content is not available
View content on FacebookBBC kò mọ̀ nípa àwọn ohun tí ó wà ní àwọn ojú òpó tí ó wà ní ìta.End of Facebook post
Lẹyin naa ni Kyari sọ pe oun n bọ ni ọfiisi NDLEA lẹyin irun Jimọh lati yanju ọrọ kan.
NDLEA ni awọn ni ẹri fọta ati fidio lori ẹsun ti awọn fi kan DCP Kyari.
