Ọwọ́ ọlọ́pàá tẹ Páṣítọ̀ tó lu ìyàwó rẹ̀ pa, tó tún sin òkú rẹ̀ sílé wọn
Oríṣun àwòrán, Akwa Ibom Police Command
Awọn ọdọ ìlú Ikot Ataku, nijọba ibilẹ Okon-Edet, nipinlẹ Akwa - Ibom kọlu ìjọ Omega World Global Ministry, lẹyin ti iroyin jade pe oludasilẹ ìjọ naa lo pa iyawo rẹ.
Ọwọ́ ileesẹ ọlọpaa ipinlẹ Akwa Ibom tẹ pasitọ naa, Ukachukwu Enoch Christopher, lẹyin ti wọn fi ẹsun kan pe o pa iyawo rẹ, to si tun sin oku rẹ sinu ọgbà ile ti wọn n gbe.
Ninu atẹjade to fi sita, agbenusọ ileesẹ ọlọpaa nipinlẹ naa, Odiko Macdon sọ pe ọjọ kẹrindinlogun, oṣu Kẹfa, ọdun 2021, ni ọwọ tẹ pasitọ, ẹni ọdun mọkandinlaadọta ọhun.
O ni bo tilẹ jẹ pe ọsẹ kan ṣaaju ọjọ naa ni iṣẹlẹ naa waye.
Àwọn iròyin tì ẹ leè ní ìfẹ̀ síí:
- Sunday Igboho ní agbébọn tí kò bá kúrò nínú igbó Yorùbá láti ọjọ́ Aje rugi oyin
- Iyabo Ojo bẹ̀rẹ̀ ìjà rọ̀fọ̀rọ́fọ̀ pẹ̀lú máníjà rẹ̀ tẹ́lẹ̀ lórí ẹ̀sùn olè jíjà
- Wo ikú tó pa Kenneth Kaunda, Ajìjàgbara fún òmìnira Áfíríkà tó gbẹ̀yìn
- Wo ikọ̀ aláàbò tuntun tí yóò gba iṣẹ́ ọlọ́pàá SARS ṣe l'Eko
- N5M ni a pàdánù lásìkò tí ìjọba ìpínlẹ̀ Oyo lé wa kùró ní Sabo - Àwọn oníbárà
- Àwọn agbébọn ti jí àwọn akẹ́kọ̀ọ́ míì gbé lọ ní Kebbi
- Àjinigbé pa ọmọ méjì wọ́n ji méjì gbé lọ tí wọ́n jẹ́ ọmọ òbí kan ni Ondo
- Ṣé Princess lè sọ fáráyé iye ìgbà tó ti bọ́ aṣọ sí ìhòhò níwájú Baba Ijẹsha? -Mọlẹbi baba Ijẹsha gbarata
Awọn ọlọpaa sọ pe, èdè aiyede lo waye laarin afurasi naa ati iyawo rẹ, Arabinrin Patience Christopher, lẹyin to fi ẹsun kan obìnrin naa pe o n yan àlè, ati pe oun ni orísun ogun to n ja oun.
Ẹni ogoji ọdun ni Arabinrin Patience, to si bi ọmọ márùn-ún fun pasitọ naa.
Pasitọ naa jewọ pe fun awọn ọlọpaa pe oun lu obìnrin naa pa ni.
Alamojuto ile ti pasitọ naa n gbe, to tun ni sọọsi si, sọ fun BBC pe ọmọ rẹ ọkùnrin keji lo ke gbajare sita pe iya awọn ti di awati.
Nigba ti ẹni naa bẹrẹ iwadii lo ri iboji kekere naa ninu ọgbà ile naa.
Awọn ọlọpaa ti wu oku Patience jade, wọn si ti gbe lọ si mọsuari fun iwadii nkan to pa.
