Ọwọ́ ọlọ́pàá Osun tẹ ọ̀dọ́ mẹ̀ta pẹ̀lú ọkàn èèyàn níinú ẹrù wọn
Oríṣun àwòrán, PM News
Ọwọ ileeṣẹ ọlọpaa ipinlẹ Osun ti tẹ awọn ọdọkunrin mẹta kan lori ẹsun fifi eeyan ṣe oogun owo lẹyinn ti wọn ka ọkan eeyan mọ wọn lọwọ.
Ninu atẹjade ti alukjoro ileeṣẹ ọlọpaa ipinlẹ Osun, Yemisi Opalola fi ṣọwọ si BBC Yoruba, o ni ọjọ ori awọn afurasi naa ko ju ọdun mọkanlelogun si marundinlọgbọn lọ.
Gẹgẹ bii ohun to sọ, meji lara awọn eeyan naa jẹ ẹni ọdun mọkanlelogun, nigba ti ẹni kẹta wọn jẹ ẹni ọdun marundinlọgbọn.
- Wo àwọn ibi mẹ́rin tí ènìyàn kò le fi ẹsẹ̀ tẹ̀ láyé
- Wo gbajúmọ̀ amúlùúdùn mẹ́fà tó kú láàrin oṣù márùn-ún
- Ọmọdé mẹ́ta jẹ Bisikíìtì tí wọn fí igbó sí ní 'Daycare' , wàhálà dé
- Àwọn èèyàn Oyo ló ni mí, kìí ṣe Bàbá Ìsàlẹ̀ kankan - Seyi Makinde
- Ọlọ́pàá lahun lórí afurasí tó kó oku ẹranko 183 sínú 'freezer’
- Wo ibi tí ọ̀rọ̀ dé dúró nípa ìjíròrò láàrin ìjọba àtàwọn ajínigbé èrò rélùwéè Kaduna
- Ki ló mú bàbá fí ìbínú fọ orí ọmọ rẹ̀ oṣù kan mọlẹ?
- Ìjọba tú Dariye àti Nyame tí wọ́n tukọ̀ ìpínlẹ̀ Plateau àti Taraba rí sílẹ̀ kúrò lẹ́wọn
- Ènìyàn 150 farapa bí ìkọlù tuntun ṣe bẹ̀rẹ̀ ní mọ́ṣáláṣí al-Aqsa
- Àwọn ọlọ́pàá ti mú ọmọbìnrin tó parọ́ pé wọn jí òun gbé, fi ipá ba òun lòpọ̀
Atẹjajde naa ni "Ninu akitiyan ileeṣẹ ọlọpaa ipinlẹ Osun lati fọ ilu mọ lọwọ awọn ọdaran, a ti fi ṣikun ofin mu awọn ọdọ mẹta kan fun ẹsun igbenipa lati ṣẹṣo."
"Orukọ awọn afurasi naa ni Olayade Kehinde, Olufemi Oriyomi atu Raimi Sheriff."
"Ni nnkan bii aago mọkanla alẹ ni ọwọ tẹ awọn afurasi loju ọna Osogbo si fasiti OAU to wa ni Ile Ife."
Ọkan eeyan ninu ẹru awọn afurasi
Opalola sọ pe ori alupupu ni awọn ọdọ mẹta naa wa lasiko ti awọn ọlọpaa gbiyanju lati yẹ ẹru wọn wo, amọ kaka ki wọn jẹ ki awọn ọlọpaa ṣiṣẹ wọn, ni ṣe ni wọn fẹsẹ fẹ.
Lẹyinorẹyin, ọwọ tẹ awọn eeyan naa lagbegbe Safejo, ti wọn si ba ọkan eeyan ninu eru wọn, eyii ti wọn sọ pe o jẹ ti ọkan lara awọn ọrẹ wọn.
Alukoro ọlọpaa naa fi kun pe yatọ si ọkan eeyan yi, wọn tun ba oniruru oogun abẹnugọngọ lara wọn.
Opalola ṣalaye pe ọkan lara awọn afurasi ọhun dubulẹ aisan lasiko ti iwadi n lọ lọwọ, amọ o jade laye lẹyin ti wọn gbe lọ sile iwosan, awọn si ti gbe oku rẹ lọ si ile igbokupamọsi fun ayẹwo.
O pari ọrọ rẹ pe iwadii ṣi n lọ lọwọ, awọn afurasi meji to ku yoo si foju bale ni kete ti iwadii naa ba ti pari lori ọrọ wọn.
