Afurasí tó kó òkú ajá, ejò, olóngìnní 183 sínú 'freezer' kó sí pańpẹ́ ọlọ́pàá

Ileeṣẹ ọlọpaa ni ilu Arizona ti mu arakunrin kan ti wọn ba oku awọn ẹranko ninu ẹrọ amunkan tutu taa mọ si freezer ni ile rẹ.

Ninu awọn ẹranko yi la ti ri aja, olongini ati awọn ẹyẹ naa.

Ni meni meji ti wọn ka iye awọn ẹranko wọnyi, ọlọpaa ni mẹtalelọgọsan lawọn ẹranko wọnyi jẹ.

Àwọn iròyin tì ẹ leè ní ìfẹ̀ síí:

Arakunrin Michael Patrick Turland, ẹni ọdun mẹtalelogoji jẹwọ pe awọn kan ninu ẹranko yi wa laaye nigba toun sọ wọn sinu freezer.

Ileeṣẹ ọlọpaa ẹka to wa ni Mohave ni awọn ti fi ẹsun iṣekafẹranko onigun mẹrinlelaadọrun kan an.

Agbẹnusọ ileeṣẹ ọlọpaa Anita Mortensen sọ pe niṣe ni awọn aworan tawọn ri nibi iṣẹlẹ yi fọwọkan ni lẹmi.

O sọ fun BBC pe ''gẹgẹ bi ẹni to nifẹ si ẹranko,mo kan n sunkun ni bi mo ṣe n ri aworan naa''

O fikun pe awọn aworan yi buru pupọ debi pe awọn ko le ṣafihan rẹ faraalu.

O ni lọwọ bayii, awọn alaṣẹ n wa iyawo arakunrin Turland, arabinrin Brooklyn Beck.

Bawo ni ọwọ ọlọpaa ṣe tẹ afurasi yi?

Yoruba bọ, wọn ni ko si ohun to pamọ labẹ ọrun.

Ọna ti ọwọ ṣe tẹ afurasi naa ni pe araadugbo kan lo ta ọlọpaa lolobo pe oun fi awọn ejo kan sọd arakunrin Turland ko ba oun si wn.

Amọ niṣe lo poora lẹyin oṣu meloo kan ti ko ri awọn ejo naa gba pada.

Arabinrin ti o kesi awọn ọlọpaa yi ni oun gba ipe lati ọdọ baba onile ti Turland ati iyawo rẹ n gbe pe wọn ti ko kuro ninu ile ti wọn n gbe ni Golden Valley.

O ni nigba ti onile wa lati wa tun ile naa ṣe lo ba oku awọn ẹranko ninu gareeji to fi mọ awọn ejo rẹ to ko fun Turland.

Nigba tawọn ọlọpaa de, wọn ba oku aja, ijapa,alangba,ejo ,ekute ati ehoro ninu awọn ẹranko to ti di pa sinu freezer.

Lẹyin ọjọ mẹwa, awọn ọlọpaa gburo pe arakunrin Turland ti pada si ile rẹ ti wn si wa lati mu.

Titi di akoko ta fi n ko iroyin yi jọ, awọn ọlọpaa ni awọn ko mọ ohun to mu ki arakunrin naa ko oku awọnẹranko yi si inu freezer.