Aisha Lawal àti Dejo Tunfulu ṣe ọjọ́ ìbí; Ogogo, Dele Odule, Adebayo Salmai àti Jide Kosokọ gba àmì ẹ̀yẹ kú iṣẹ́!

Oriṣiriṣi nkan lo ṣẹlẹ lagbo oṣere tiata Yoruba laarin ọsẹ yii, bi awọn kan ṣe n ṣe ọjọ ibi lawọn mii n jẹ igbadun eto "Waa gbayi" ti ileeṣẹ kan to n po ọti ṣeto rẹ.

Lara awọn to ṣe ọjọ ibi lagbo oṣere laarin ọsẹ yii ni agbaọjẹ apanilẹrin Kunle Adetokunbo ti ọpọ mọ si Dejo Tunfulu.

Dejo Tunfulu

Gẹgẹ bii ohunn ti a mọ, wọn bi Dejo ninu oṣu Karun un ọdun 1972.

Ọpọ awọn ololufẹ rẹ lori ayelujara atawọn akẹgbẹ rẹ nidi iṣẹ tiata lo n ki ni mẹsan-mẹwaa layajọ ọjọ ibi rẹ ọhun.

Muyiwa Ademola atawọn agba oṣere mii lo fi ọrọ wuri ati adura ranṣẹ si Dejo lọjọ naa.

Aisha Lawal

Ọpọ awọn ololufẹ Aisha Lawal atawọn oṣere ẹgbẹ rẹ lo ba yọ ni ayajọ ọjọ ibi rẹ naa to ṣe larin ọsẹ yii.

Ninu atẹjade kan to kọ loju opo Instagram rẹ lọjọ naa lo ti ṣọpe fun laafia to si tun n gbadura fun ẹmi gigun.

Aisha sọ pe "Mo le ma tii de ibi ti mo lero lọkan ṣugbọn mo moore ibi ti mo ti de. Ninu gbogbo nnkan, o yẹ ki a maa dupe."

Ogogo, Yinka Quadri, Dele Odule, Adebayo Salami ati Prince Jide Kosoko

Laarin ọsẹ yii naa ni ileeṣẹ International Breweries Plc to n po ọti Trophy ṣe ayẹsi fun awọn agbaọjẹ oṣere tiata lori eto wọn kan ti wọn pe ni "Wa a gbayi."

Lara awọn agba oṣẹre naa ni Ogogo, Yinka Quadri, Dele Odule, Adebayo Salami ati Prince Jide Kosoko