Sunday Igboho: Lady K sọ ohun tó ojú rẹ̀ rí ní àtìmọ́lé àjọ DSS nílùú Abuja lẹ́yìn tí wọ́n gbe nílé Sunday Igboho

Obinrin kan ṣoṣo to wa lara awọn mejila ti ajọ DSS ji ko lọ si Abuja nile Sunday Igboho, Ifeoluwa Amudat Babatunde ti ọpọ mọ si Lady K ti sọ nipa iriri rẹ loru ọjọ tawọn DSS kọlu ile Igboho lagbegbe Soka niluu Ibadan.

Iroyin ko to amojuba lọrọ ti Lady B sọ ninu fidio kan to fi si ori ayelujara laipẹ yii.

Lady K ni ori lo ko oun yọ lọjọ naa nigba tawọn DSS yabo ile Sunday Igboho ti wọn si da ibọn bolẹ.

''Ẹmi meji lo bọ sọnu lọjọ naa nigba ti ọpọ eeyan fara pa yana yana, emi gan an ti mo n sọrọ yii, Ọlọrun lo ko mi yọ.

Awọn sọja atawọn DSS kan ṣa deedee bẹrẹ si ni yinbọn ninu ile yii lai ṣẹ lai ṣe ohun kan kan.

Gẹgẹ bi sọrọ sọrọ, idi niyii ti mo fi bẹrẹ si ni ṣe afihan fidio bi wọn ṣe yinbọn nile Sunday Igboho loro ganjọ naa.

Mo wa gbee sori afẹfẹ ki gbogbo aye le mọ nkan to n ṣẹlẹ.

Mo fẹ ki awọn eeyan pe awọn ologun ti ṣe ikọlu sile Sunday Igboho, ibọn ti ba awọn ẹlomiran lapa, o ti ba awọn mii lẹsẹ.

Ọkọ mi ti ń sọ tẹ́lẹ̀ pé òun yóò pa ara òun, àmọ́ ẹbí kò ka ọ̀rọ̀ rẹ̀ sí - Ìyàwó ọkùnrin tó bẹ́ sí odò ọ̀sà

Àjò kò lè dùn títí... Mò ń padà sí oko lẹ́yìn sáà ìjọba mi - Buhari

Ta ló kán gbajúmọ̀ òṣèré, Nkechi Blessing Sunday lẹ́sẹ̀?

Omidan tó ń wọ Hijab gba adé arẹwà Miss Nigeria fún ìgbà àkọ́kọ́

Ni ago meji ku iṣẹju mẹwaa loru ti gbogbo eeyan ti sun tan lawọn ologun yii de ti wọn si ṣina bolẹ.

Nigba ti mo gbe sori afẹfẹ tan, ẹmi mi ko gbe mọ pẹlu iro ibọn to n dun lakọ lakọ, aya temi gan an n ja.

Mo bẹru pe ki ọta ibọn maa lọ wọ ile wa ba mi tori ṣe ni ọta ibọn n fo kaakiri inu ile naa.

Wọn le ni ọgọrun ti wọn wa sile Igboho, nibi ti mi sa pamọ si ni wọn ti wa ba mi pe awọn ti mu mi.

Mo tẹ le wọn jade kuro ninu yara ti mo wa, bi mo ṣe jade sita bayii ni wọn bẹrẹ si ni lu mi bi aṣọ ofi.

Wọn gba foonu mejeeji, wọn tun fi igi lu mi ki wọn to mu mi lọ si ibi ti wọn ko awọn yoku ti wọn ti mu sii.

Nibẹ naa ni wọn ti n wọ oku awọn eeyan nilẹ, wọn lu mi debi pe mo fi ẹsẹ ṣeṣe, mi o tii gbadun ẹsẹ naa di oni lẹyin ọpọ itọju ti mo ti gba.

Ọjọ 114 ni mo lo ni atimọle nigba ti wọn ko wa de Abuja.

Wọn sọ fun mi pe awọn ko ni fi mi silẹ maa lọ si ile nitori emi ni mo jẹ ki gbogbo eeyan mọ pe awọn lo ṣe ikọlu si ile Igboho lẹyin ti mo gbe sori afẹfẹ.

Wọn sọ fun mi pọnbele pe ninu ki awọn pa mi tabi ki awọn ran mi ni ẹwọn, mo gbọdọ mu ọkan nibẹ.

Pẹlu bi mo ti bẹ wọn to, wọn fiya jẹmi, wọn fun mi ni omi kẹmika mu, ẹwa ati raisi ti ko jina.

Wọn ti emi nikan mọ inu yara kan fun ọjọ 114 ninu ooru buruku.

Awọn DSS ni iya ẹṣẹ fidio ti mo ṣe ni mo n jẹ, iya to jẹ mi lọgba DSS, mi o ri iru rẹ ri.

Ṣugbọn awọn ọmọ kaarọ oo jiire ṣe atilẹyin fun mi, wọn gba agbẹjọro fun mi eleyii to ṣiṣẹ takun takun ti mo fi kuro latimọle.

Amọ, lati igba ti mo ti gba ominira, mi o gbadun pẹlu omi kẹmika tawọn DSS fun mi mu.

Mo ti nawo nawo lati tọju ara mi ṣugbọn n ko ti gbadun naa.

Mo tiẹ tun n gba oriṣiiriṣii ipe lori ago ti wọn n dunkoko mọ mi, mi o le rin ladugbo mọ.

Babatunde Abibat ti ọpọ mọ si Lady K to jẹ obinrin kan ṣoṣo ti ajọ DSS ko pọ mọ awọn ti wọn ko nilee ajijagbara Yoruba Nation, Sunday Adeyemọ ti gba itusilẹ bayii pẹlu ọkunrin kan ti wọn jọ wa lahamọ, Jamiu Noah Oyetunji.