Ronke Odusanya sọ̀rọ̀ lórí ìròyìn tó ní ó ti jẹ bàbá ọmọ rẹ̀, Jago run

Gbajugbaja oṣerebinrin, Ronke Odusanya 'Flakky Ididowo', ti sọ pe didakẹ ti oun dakẹ kii ṣe ti ojo.

O sọ ọrọ yii lẹyin ti iroyin kan jade sori ayelujara pe wahala wa laarin oun ati baba ọmọ rẹ, Olanrewaju saheed 'Jago'.

Ọdun to lọ ni Ronke bi ọmọ rẹ akọbi, Fife.

Asiko to bimọ ọhun si ni ọpọ eeyan to o mọ ẹni ti ololufẹ rẹ jẹ, nitori pe o fi aworan ọkunrin naa ati ọmọ rẹ si ori ayelujara.

BBC Yoruba ko le fidirẹ mulẹ boya igbeyawo waye laarin awọn mejeeji.

Ninu iroyin to jade bayii, akọroyin naa sọ pe Ronke 'Flakky', gbe Jago lọ sile ẹjọ, lati pẹlu iranlọwọ gbajugbaja agbẹjọro, to tun jẹ Minisita Naijiria keji fun ọrọ awọn oṣiṣẹ, ati igbanisiṣẹ, ki ọmọ le wa lọdọ rẹ.

Iroyin naa tẹsiwaju pe Flakky fẹ ki ile ẹjọ fi ofin de Jago, lati ma ni anfaani si ọmọ naa mọ.

Kini iroyin sọ pe o fa wahala?

Akọroyin Gistloverszone lori Instagram sọ pe Ronke mu ki Jago ta mẹta lara ọkọ ayọkẹlẹ mẹrin to ni.

O ni Ronke beere fun ọpọlọpọ miliọnu Naira lọwọ Jago, lati ṣe ayẹyẹ ọjọ ibi ọdun kan ọmọ wọn.

Nitori idi eyi si ni Arakunrin Jago ṣe ta ọkọ ayọkẹlẹ kan ti owo rẹ to miliọnu mejila, ṣugbọn to ta ni miliọnu mẹrin Naira.

"O ko owo naa fun Ronke lati ṣe ayẹyẹ ọjọ ibi ọmọ naa, amọ Ronke ko pada ṣe ayẹyẹ kankan."

Iroyin naa tẹsiwaju pe wahala bẹrẹ nigba ti Flakky gba Jago ni imọran lati ta ile rẹ, ti owo rẹ to miliọnu lọna aadọrun (90 million) Naira.

"Jago gba lati ṣe bẹ lootọ, ṣugbọn iya rẹ ti iwe ile naa wa lọwọ rẹ kọ lati ko silẹ.

"Iya naa sọ pe gbogbo dukia rẹ lo ti ta tan.

Gbogbo nkan ti mo ni, ni ma a fi dena rẹ pe ko ta ẹyọkan ṣoṣo to ku."

Ẹsun naa ko ti i pari o.

Gistloverszone tun sọ pe Ronke ni oun nilo miliọnu marundinlaadọrin (65million) Naira, lati ni awọn irin'ṣẹ fun sinima yiya gẹgẹ bi awọn akẹẹgbẹ oun.

O tun ni Ọgbẹni Jago lo gbọ bukaata bi Ronke ṣe ṣe idi nla, lẹyin ti wọn bẹrẹ si ni fẹ ara wọn.

Ati pe o tun ra ọkọ ayọkẹlẹ fun iya ati arakunrin Ronke, to si tun ya a lowo.

Ṣaaju awọn ẹsun yii, ni Gistlover ti kọkọ kọ iroyin lọjọ karun-un, oṣu Kọkanla, pe aarin Ronke ati Jago ti daru.

To si bẹ Ronke lati pada lọ.

Kinni Ronke Odusanya 'Flakky Ididowo' sọ?

Ninu ọrọ to kọ si oju opo Instagram rẹ, Ronke sọ pe oun yoo ṣe suuru lori ọrọ naa, nitori pe otitọ yoo pada farahan.

O ni "mo le gbeja ara mi, ṣugbọn mi o fẹ ki ọmọ mi dagba tan, ko ma a ka iru iroyin radarada, ti ko ni ootọ kankan ninu.

"Ranti pe, iwọ kọ lo sọ mi di eeyan, nitori naa o o le ba temi jẹ."

O ṣalaye pe akọsilẹ ni banki le ṣafihan ẹni to n gba owo lọwọ ara wọn, ati nkan to fi ṣe.

Kinni Jago sọ lori ọrọ naa?

A ko ri arigbamu ohunkohun lori ayelujara Instagram rẹ.

Ṣugbọn, o n fi owe sọ awọn ọrọ kan pe: O ṣoro lati gbagbe ẹdun ọkan yii, ṣugbọn ohun to nira ju ni iranti adun.

Eyi waye lẹyin ti iroyin naa jade sita.

"A ko ni àpá lati fi idunnu han, ẹkọ diẹ lasi ri kọ lara alaafia."

BBC ko ti i fidi awọn ẹsun yii mulẹ.

Awọn akiyesi ti a si ṣe ni pe Ronke ki Jago ku ayẹyẹ ọjọ ibi rẹ, lọjọ keji, oṣu Kọkanla.

Ọrọ iwuri, ifẹ, ati adura lo fi ki ku ọjọ ibi.

Koda, o pe e ni 'baba to dara julọ ni agbaye'.

Ninu oṣu Kẹjọ bakan naa, awọn mejeeji jọ ya fọto fun ayẹyẹ ọjọ ibi ọdun kan ọmọ wọn ni.