Baba Ijesha ṣì wà l'ẹ́wọ̀n, ìgbèsẹ̀ tuntun tí Yomi Fabiyi gbé nípa rẹ̀ rèé
Oríṣun àwòrán, Yomi Fabiyi/Ripples Nigeria
Oṣere Yomi Fabiyi to tun n ja fun ẹtọ akẹgbẹ rẹ Olanrewaju ti ọpọ mọ si Baba Ijesha ti ni oun ko ni yi ipinu oun pada tori oun mọ ofin.
Yomi ni bibọwọ fun ẹtọ ọmọniyan ṣe koko iru ipokipo tabi iṣẹlẹ ti ko baa jẹ.
"Gbogbo ẹni to ba ni laakaye gbudọ ni imọ pe ẹtọ ọmọniyan ṣe pataki". O ni bibọwọ fun ẹtọ bo ti wu ki ipo ti ẹni naa wa ṣe ri ṣe koko.
- Mo ti padà sí ẹ̀sìn òwúrọ̀ mi o! Ẹ̀ gbé Ọlọ́run tóbi - Yomi Fabiyi
- Eré orí ìtàgé kọ́ ni pé Baba Ijesha ń tẹ ọmọ lára, ẹ yé gbè sẹ́yìn mi lọ́nà àìtọ́ - Yomi Fabiyi
- Aá ṣe ìwọ́de tako ọlọ́pàá láàrin ọjọ́ méje lórí ọ̀rọ̀ Baba Ijesha - Yomi Fabiyi
- Ọjọ́ àkọ́kọ́ tí Baba Ijesha bá ọmọ mi lòpọ̀ ní mo ti mọ̀ àmọ́ kò sí ẹ̀rí - Princess
- À ń ṣe ìwádìí lọ́wọ́ bí ''candle'' ṣe pa Kayode Badru ní ìpínlẹ̀ Eko - Ọlọ́pàá
"Ko tii daju pe ẹri kan wa pe Baba Ijesha ṣe ọmọ naa baṣubaṣu sibẹ sibẹ, ọrọ Oludari ajọ to n ri si ifiyajẹ ọdaran jade, wọ́n tun kọ ọ sinu rẹ pe o ba ọmọ lajọṣepọ ki wọn kan ṣaa le ri nkan fi ti i mọle lai gba beeli ni".
Yomi Fabiyi n ja fun pe ko yẹ ki Baba Ijesha dede wa latimọle ọlọpaa titi di igba ti awọn ile ẹjọ to gun le iyanṣẹlodi yoo wọle iṣẹ pada.
Ẹwẹ, Yomi Fabiyi ti fi lẹta sita eyi ti o kọ si ọ̀gá agba ọlọ́pàá l'Abuja lorukọ ẹgbẹ ijafẹtọ ọmọniyan rẹ "Break the silence foundation" lori ifẹhonuhan to fẹ ṣe lọla Ọjọru nilu Eko kọ ranṣẹ si ọga agba awọn ọlọpaa l'Abuja ti ẹka ileeṣẹ wọn ni Eko si ti buwọ lu u.
Oríṣun àwòrán, Yomi Fabiyi
O kọ lẹta yii bii ẹni n fẹjọ awọn ẹka agbofinro ilu Eko sun pe wọn ti akẹgbẹ rẹ Baba Ijesha mọle fun ọjọ gbọọrọ lai tii gba idajọ to si ni ko ba ofin mu.
Yomi ni oun ko tan ina wa ki eeyan fẹran oun, "ṣaa ti ri i daju pe o n ṣe ohun to tọ".
