Mr Macaroni: Mo rọ àwọn ọ̀dọ́ láti múra síṣẹ́, kí wọn má sì tẹ́ńbẹ́lú ẹnikẹ́ni

Gbajugbaja oṣere ati apanilẹrin ti gbogbo eniyan mọ si Mr Macaroni, amọ ti orukọ abisọ rẹ n jẹ Debo Adebayo ti ni, igbe aye oun ti yatọ si ti tẹlẹ lati igba ti oun ti bẹrẹ si ni pa awọn eniyan lẹrin.

Mr Macaroni sọ eyi lasiko ti BBC se akanṣe ifọrọwerọ pẹlu rẹ lori bi o se bẹrẹ si ni sere ati bi o ṣe jẹ gbajugbaja loni lori oju opo ibanidọrẹ, Social Media.

Àwọn iròyin tì ẹ leè ní ìfẹ̀ síí:

Ifọrọwerọ BBC Yoruba ree pẹlu Mr Macaroni:

Apanilẹrin naa jẹ ẹni to ti n se ere tiata ni ẹka sinima Naijiria taa mọ si Nollywood, lati ọdun diẹ sẹyin.

Mr Macaroni ni ayé oun ti dára si láti ìgbà tí oun ti bẹ̀rẹ̀ si ni ṣe awọn ere apanilẹrin kekeke yii, ti o si ti ṣi ọpọlọpọ ilẹkun fun oun.

Ninu ọrọ rẹ, o ni awọn ibi nlanla ti oun ko le e wọ tẹlẹ, oun ti bẹrẹ si ni ni anfaani lati wọ ibẹ ti awọn eniyan si n mori oun wu ni gbogbo igba.

Bakan naa lo fikun pe, itara lati ka iwe lo mu oun lọ si ile iwe giga fasiti mẹrin ọtọọtọ lati ọdun 2009 si isinyii, ki oun sẹ̀sẹ to lọ fun agunbanirọ oun.

Mr Macaroni wa gba awọn ọdọ ni iyanju lati mura si iṣẹ ti wọn ba n se, ki wọn si mase tẹnbẹlu ẹnikẹni nitori ko si ẹni to mọ bi ọjọ ọla yoo ṣe ri.

Bakan naa ni o sọ fun awọn eniyan to ba nilo iranwọ le kan si wọn, amọ ki awọn naa mura si iṣẹ ki gbogbo wọn lapapọ le ṣe oriire papọ.

Lara awọn ere ti Mr Macaroni ti kopa ni ere apanilẹrin Jenifa's Diary, House 31, Royal Outlaw, SuperStory ati bẹẹ bẹẹ lọ.