Viral Diarrhea: Òjò ló lè mú kí ìtànkálẹ̀ àrun ìgbẹ́ ọ̀rìn má tètè dópin ni Eko- Iléeṣẹ́ ìlera

Ileeṣẹ ijọba ipinlẹ Eko to n mojuto eto ilera ni ẹni mọkanla lo ti ba arun igbẹ ọrin to n tankale yii rin.

Arun itankalẹ igbẹ ọrin yii lo waye lataari inu didaru fawọn eeyan ni ipinlẹ Eko ni guusu Naijiria.

Ileeṣẹ ilera ni ipinle Eko ṣalaye fun BBC pe o le ni iṣẹlẹ aadọrin le ni ọọdunrun to ti ṣẹlẹ bayii.

Tunbosun Ogunbanwo to jẹ adari ẹka imọsilara awọn ara ilu ni ileeṣẹ ijọba to n mojuto ilera ni Eko fidiẹ mulẹ pe eniyan mọkanla lo ti doloogbe lataari arun yii.

Tunbosun salaye pe, agbara ijọba ti n ka itankalẹ arun yii ati pe ki awọn eniyan ipinlẹ Eko lọ fọkan balẹ.

Arun igbẹ ọrin yii maa n pa eniyan ti ko ba tete ri itọju to peye lẹyin ti inu rẹ ba ti n daru.

Ileeṣẹ ijọba yii ni arọọrọda ojo to n rọ ati wahala omiyale to n ṣẹlẹ ni ipinlẹ Eko lo tun jẹ ki arun naa tete tankalẹ sii.

Tunbọsun mẹnuba iwa ibajẹ ki awọn eniyan maa ya igbẹ tabi ṣe igbọnsẹ sinu odo ati inu agbara ni eyi to n ran itankalẹ arun lọwọ bayii.

Agbẹnusọ ẹka eto ilera ni ipinlẹ Eko tun mẹnuba awọn ile kan ti ko si ile igbọnsẹ nibẹ tabi ti awọn eniyan kii lo lawọn adugbo kan ni ipinlẹ Eko ni eyi to n jẹ ki arun naa tan sii paapaa ojo to ṣi n rọ bayii.

Bayii, ikilọ pataki ni ileeṣẹ eto ilera ti ipinlẹ Eko n kilọ bayii ni pe oju ni alakan fi n ṣọri.

Imọtoto lo le ṣegun awọn arun gbogbo ati pe ki onikaluku tọju ayika rẹ.

Wọn tun kilọ pe kawọn olugbe ipinle Eko sa fun omi mimu ati ohun jijẹ koda eso ti ko ba mọ nitori pe ilera ni ọrọ.

Ọdun 1985 ni iṣẹlẹ arun gastroeniteritis to n tankalẹ nipinlẹ Eko yii kọkọ ṣẹlẹ ni orilẹ-ede Naijiria.

Diẹ lara awọn ami arun igbẹ ọrin to n tankalẹ yii ni igbẹ gbuuru, inu rirun, eebi bibi ati iba ti ara ko gbona pupọju.

Itọju nile iwosan ni kete too ba ti kẹfin pe o fẹ ni arun yii ṣe pataki pupọ ni ayika rẹ.