Nigeria Army recruitment 2021: Àlàkalẹ̀ rè é láti darapọ̀ mọ́ ìkọ̀ ọmọogun Nàìjíríà

16 Èrèlè 2021

Ileeṣẹ ọmọogun Naijiria ti ṣi oju ọpọ silẹ lati Ọjọ Karundinlogun, Oṣu Kini, ọdun 2021 fun ẹni to ba fẹ darapọ mọ wọn.

Awọn oṣiṣẹ karakata ati awọn eleyii ti kii ṣe karakata naa ni yoo le fi orukọ silẹ.

Ileeṣẹ ọmọogun ni oju opo Twitter wọn ni awọn ti wọn ba mu yoo kọkọ ṣe idanwo lori ẹrọ kọmputa wọn.

Ninu atẹjade naa ni ileeṣẹ ọmọogun fi lede ọna ti wọn yoo gba fi orukọ silẹ.

Bi o ṣe le fi orukọsilẹ re e:

Lọ si oju ọpọ https://recruitment.army.mil.ng
O nilo Username ati Password lati wọ oju opo naa
Lẹyin iforukọsilẹ naa, 'print' ẹ jade ki o si lọ fun awọn oniduro rẹ
Ri daju wi pe o mu lẹta iforukọsilẹ rẹ pẹlu ti awọn oniduro rẹ dani lọ si ojuko idanwo naa.

Awọn olukopa gbọdọ jẹ ọmọ orilẹede Naijria, o si gbọdọ ni paali idanimọ
Olukopa gbọdọ pe ni ara, ilera ati ọkan
Olukopa ko gbọdọ ni akọsilẹ gẹgẹ bi ọdaran.
Gbogbo awọn olukopa gbọdọ ni esi idanwo WASSCE/GCE/NECO/NABTEB, ti ko ju ijoko eemeji lọ pẹlu 'credit 4', lai yọ ẹkọ imọ Ede Gẹẹsi kuro.

Awọn to fẹ ṣiṣẹ gẹgẹ bi onibara gbọdọ ni sabuke ''Trades Test/City Guild'', pẹlu ọpọlọpọ alaye loju opo wọn.
Olukopa ko gbọdọ ju ọdun mejidinlogun si mejilelogun lọ, amọ awọn to fẹ ṣiṣẹ gẹgẹ bi awọn onibara gbọdọ jẹ laarin ọdun mejilelogun si ọdun mẹrindinlọgbọn lasiko ti igbaradi yoo bẹrẹ ni Ọjọ Kọkandinlọgbọn, Osu Karun un, ọdun 2021.
Olukopa ko gbọdọ kere ju iwọn ẹsẹ 1.68 metre ati 1.62 metre fun obinrin ati ọkunrin.

Ileeṣẹ ọmọogun Naijiria yoo fi orukọ awọn ti wọn ba mu lasiko iforukọsilẹ si oju opo Nigerian Army website.

Awọn ti wọn ba mu naa yoo lọ ṣe idanwo ni ipinlẹ wọn ni Ọjọ 12 to 26 April, 2021.

Ileeṣẹ Naijiria ni gbogbo sabuke ti awọn eniyan ba fi silẹ ni awọn yoo wo finifini, amọ ẹni to ba mu ayederu esi wa yoo foju wina ofin.