Fulani herdsmen attack: Ẹ gbọ́ ọ̀rọ̀ láti ẹnu ọba ìlú tí ìṣẹ̀lẹ̀ náà ti wáyé

Àkọlé fídíò, Kò ju nǹkan bíi wákàtí mẹ̀ta tí a kúrò níbẹ̀ tí wọ́n tún pa èèyàn mẹ́ta - Alukoro ọlọ́pàá

Awọn janduku kan ti wọn funra si pe wọn jẹ darandaran ti ṣekupa eeyan mẹta o kere tan lagbegbe Agon-Ojodu, ni ijọba ibilẹ Ariwa Yewa, nipinlẹ Ogun.

Iṣẹlẹ naa waye lẹyin wakati diẹ ti awọn aṣoju ijọba ipinlẹ naa ṣabẹwo sagbegbe ọhun, paapaa afin ọba Olu Ilaro, Ọba Kehinde Olugbenle, lati jiroro lori eto abo to mẹhẹ.

Lara awọn awọn to ṣoju ijọba ipinlẹ Ogun lọ si agbegbe naa ni Kọmiṣọna ọlọpaa ipinlẹ ọhun, Edward Ajagun, kọmiṣọna fun eto iroyin, kọmiṣọna fun ọrọ oye jije, awọn oṣiṣẹ eleto abo ati ileeṣẹ ologun, atawọn eekan miran nipinlẹ Ogun.

Gẹgẹ bi ohun ti alukoro ileeṣẹ ọlọpaa ipinlẹ Ogun, Abimbola Ogunyemi, sọ fun BBC, o ni "ko ju nnkan bii wakati kan ti a kuro nibẹ ti a gbọ iroyin pe wọn tun ti pa awọn eeyan mẹta miran nibẹ."

Ogun

Oríṣun àwòrán, Dapo Abiodun - MFR

Abimbola sọ pe bo tilẹ jẹ pe ileeṣẹ ọlọpaa ko tii ri ẹnikẹni gbamu gẹgẹ bii afurasi lori isẹlẹ naa, o ni wọn ti ko awọn ọlọpaa kogberegbe lọ si ilu naa lati dabo bo awọn eeyan to wa nibẹ.

O ni iwadii wọn fi han pe inu igbo nla kan ni awọn aṣekupani ọhun ti n wa.

Àkọlé fídíò, Ondo Fulani Herdsmen: Àgbe mẹ́ta ní àwọn Fulani darandaran tún pa Ọ̀wọ̀, Ondo

Abimbola fi kun pe inu ileeṣẹ ọlọpaa ko dun si iṣẹlẹ iṣekupani to n waye ni ipinlẹ Ogun, ṣugbọn iṣẹ ti n lọwọ lati rẹ.

Nigba to n sọrọ lori iṣẹlẹ ọhun, Ọba ilu Iselu, Ọba Akintunde Akinyemi ṣalaye fun BBC pe yatọ si eeyan mẹta ti awọn darandaran naa pa, o ni wọn tun jo ẹnikan mọle.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Àkọlé fídíò, Ẹ̀yin olórin ẹ̀mí tó ń bóra, lo èékáná gígùn, oò yàtọ̀ sí aṣẹ́wó hòtẹ́ẹ̀lì tí wọ́n ń gbé bíi súùtì Pepper Menti - Bola Are

O ṣalaye pe"bi awọn aṣoju ijọba ṣe lọ tan bayii ni awọn Fulani lọ si Agbon Elere ti wọn si pa eeyan mẹta, wọn lọ si Asa, wọn jo ile gbogbo awọn agbẹ ati adele Asa, wọn tun jo eeyannkan mọle nibẹ."

Àkọlé fídíò, Lori iro: Ká ni àwọn Òbí mi gbà fún mí, èmi àti Sunny Ade á jọ máa 'Compete- Baba Lórí ir

Ọba Akintunde sọ pe ọdọdun ni awọn Fulani ọhun maa n pa awọn eeyan agbegbe oun bo tilẹ jẹ pe wọn ko ni dukia kankan nibẹ.

O pari ọrọ rẹ pe awọn ko tii ri ọwọ ileeṣẹ ọlọpaa lagbebe ọhun, lẹyin naa lo sọ pe awọn funra wọn yoo gbena woju awọn Fulani ọhun funra wọn lapẹ ti ijọba ko ba wa wọrọkọ fi ṣ'ada.