Grey Hair, Health: Wo àwọn ohun tó lè mú kí èèyàn tètè ní irun funfun lórí láì tíì di arúgbó
Oríṣun àwòrán, others
Pupọ èèyàn ló gbagbọ pe irun funfun jẹ ami pe agba ti n de, ṣugbọn awọn eeyan kan máa n ni irun funfun ki wọn tó dàgbà.
Awọn miran ẹwẹ máa n ni irun funfun lẹyìn tí wọn bá kọja ogun ọdun soke, ti wọn a sì máa woye idi tó ṣe rí bẹ fún wọn nigba ti ko ri bẹ fún àwọn ẹlòmíràn tó sún mọ wọn.
Laye isinyi, awọn miran a ma pa irun wọn laro funfun funra wọn laiṣe pe o jẹ amutọrunwa.
Àwọn iròyin tì ẹ leè ní ìfẹ̀ síí:
- Sapara-Williams: Ọmọ Oòduà tó kọ́kọ́ dábàá pé kí ilẹ̀ Yorùbá dúró lábẹ́ àkóso kan ṣoṣo
- Wo ìtàn ayé gbajúmọ̀ adigunjalè méje nílẹ̀ Yorùbá tí ìjọba dá sẹ̀ríà fún
- ₦50m ni mo pàdánù lórí sinimá tí mo ṣe kẹ́yìn tórí àwọn tó ń ṣe ayédèrú fíìmù - Olaiya Igwe
- Wo ohun tó ṣe kí àtọ̀ rẹ fi ní agbára láti di ọmọ
- Orí afárá ni mo sì ti ń wẹ̀ l'Ojuelegba, ilé àkọ́kù ni mò ń gbé tẹ́lẹ̀ - Whitemoney
- Wo ànfàní ‘Masturbation’, fífún ara rẹ̀ ní adùn ìbálòpọ̀
- Ẹ̀yin agbébọn, ajínigbé àti ikọ̀ afẹ̀jẹ̀wẹ̀, ìjọba mi yóò fimú yín dárin - Buhari
- Wo ìye owó tí lítà epo pẹtirólú kan yóò jẹ́ lẹ́yìn ìpàdé ẹgbẹ́ òṣìṣẹ́ àti ìjọba
- "Inú òjò ní mo sùn fún wákàtí 48 pẹ̀lú ebi ní àhámọ́ ajinigbé"
Ṣugbọn awọn onimọ ijinlẹ ti salaye awọn idi ti èèyàn fi lè máa ni irun funfun láì ṣe pé bóyá wọn ti dàgbà, lara èyítí wọn ni o le jẹ mọ ilera irufẹ ẹni bẹẹ tabi ajogunba.
Wo diẹ lara awọn ìdí tí èèyàn fi lè nirun funfun láì tíì dàgbà.
Arun ọkàn àwọn ọkùnrin
Ìwádìí kan ti iwe iroyin to n rí sì ìlera ọkan ṣe ni Egypt fi hàn pé ti tètè nirun funfun le ni nnkan ṣe pẹlu arun ọkan fún àwọn ọkùnrin.
Ìwádìí náà lo awọn ọkunrin 545, esi ìwádìí náà si fihan pe pupọ nínú àwọn tó ní àrùn ọkàn nínú àwọn ọkùnrin náà ni irun wọn funfun ju awọn ti ko ni àrùn ọkàn lo.
Faitamin ti ko to lara:
Ìwádìí ìmọ ijinlẹ ti fi hàn pé èèyàn lè tètè ni irun funfun ti ohun elo amaraji pẹpẹ Vitamin B12 ko ba to nnkan lara rẹ.
Gẹgẹ bí ìwádìí tí International Journal of Trichology ṣe ṣe ṣafihan rẹ, bi vitamin D3, serum calcium ati serum ferritin ko ba to lára, èèyàn yóò tètè máa ni irun funfun.
Wàhálà àṣejù:
Ìwádìí ijinlẹ lati fasiti Harvad ti fihan pe ti èèyàn bá n ṣe wàhálà púpọ ju, o le jẹ kí irufẹ ẹni bẹẹ tete ni irun funfun.
Èròjà tó n dabo bo ara:
Lara awọn ohun tó lè mú kí ọdọ l'angba tètè ni irun funfun ni ti aarẹ ba ti ba awọn sọja to n gbogun ti arun ninu agọ ara rẹ.
Àbínibí:
Awọn kan wà to jẹ pe àìsàn kankan ko se wọn ṣugbọn ti tètè nirun funfun jẹ abinibi fún wọn.
To n túmọ sí pé ti òbí eeyan ba tete ni irun funfun, o ṣeéṣe kí irufẹ ẹni bẹẹ náà tètè ni irun funfun nítorí inú ẹjẹ lo wà.
Siga mímu:
Ìwádìí kan ti Indian Dermatology Online Journal se fihan pe awọn tó máa n mu siga tàbí ẹni tó ti mu siga dáadáa tẹlẹ ri lè tètè ni ewu lórí ṣáájú ẹni tí kii mu siga rara.
Bakan naa ni iwadi ọhun tun fidi rẹ mulẹ pe siga mímu le mú kí èèyàn tètè di apari ọsan gangan.
