Shasa market Ibadan: Wo nkan tí a mọ̀ nípa wàhálà tó mú ẹ̀mí ẹnìkan lọ ní Shasa nílùú Ibadan
Oríṣun àwòrán, Twitter/@Ifemosu Michael Adewale
Ìjọba ìpínlẹ̀ Ọyọ ti ti ọjà Ṣaṣa nítorí rògbòdìyàn tó n wáyé níbẹ̀ láti ọjọ́ Ẹtì
Eeyan kan gbẹmi mi ninu ija to waye ni ọja Shasa nilu Ibadan lọjọ Ẹti.
Agbẹnusọ ileeṣẹ ọlọpaa nipinlẹ, sọ fun BBC Yoruba pe ẹni naa ku lasiko ti awọn janduku kọju ija si ara wọn.
Oríṣun àwòrán, Police
Ṣugbọn ṣa, iroyin to n lọ ni pe ija n waye laarin awọn eeyan to jẹ ẹya Yoruba ati Hausa ninu ọja naa.
BBC Yoruba gbọ wi pe ija naa bẹrẹ laarin ọkunrin sobata kan to jẹ Hausa, ati ọkunrin kan to jẹ ẹya Yoruba, eyi to pada yọri si iku ẹni to jẹ Hausa.
- Sunday Igboho ṣọ́ra ṣe, jẹ́ kí Seyi Makinde ṣiṣẹ́ tí òfin gbé le lọ́wọ́ - Ooni Ife
- Igboho vs Fulani: Báyìí ni nǹkan ṣé ń lọ nílé Sunday Igboho lónìí
- Aáwọ̀ ọ̀dọ́ Yorùbá àti Hausa ló dá wàhálà sílẹ̀ ní Ṣásá, Ibadan - Ṣeriki Hausa
- Ta ni Ahmed Murtala àti Funkẹ Salami ti Makinde yan sipò?
- Wo àwọn gbajúgbajà ojú ti EFCC máa ba ṣe ẹjọ́ ní 2021
- Ìdí tí wọn kii fi jẹ́ kí obìnrin jẹ Ọ̀ọ̀ni ni Ile Ife
Bakan naa ni awọn fidio to n lọ lori ayelujara n sọ pe awọn eeyan ẹya Hausa ti n kọju ija si awọn to n gbe ni agbegbe Shasa lati ọjọ Ẹti ti ọrọ naa ti waye.
Ti wọn si n ba dukia, ile ati ọkọ wọn jẹ.
Amọ ninu ọrọ rẹ, Agbẹnusọ ọlọpaa sọ pe kii sẹ ija ẹlẹyamẹya.
O ni "ija naa kii sẹ ti ẹlẹyamẹya, laarin awọn ọmọ janduku to n wa ọna atijẹ ni.
"Eeyan kan si kú nipaṣẹ bẹẹ."
O fikun pe awọn ọlọpaa ati eleto aabo miran ti wa ni agbegbe naa, ti alaafia si ti n jọba diẹdiẹ.
Lori iṣẹlẹ yii bakan naa, gomina ipinlẹ ọyọ, Seyi Makinde ti kede pe ki ọja Shasa p di titi pa.
Isede yoo si ma a waye laarin aago mẹfa irọlẹ si meje owurọ titi di asiko ti ijọba ba gbẹsẹ kuro lori ofin naa.
