Ondo killing: Ta ló pa ẹbí olùrànlọ́wọ́ Gómìnà Rotinmi Akeredolu sórí oko rẹ̀ l'Ondo?
Oríṣun àwòrán, Facebook/Rotimi Akeredolu Aketi
Iroyin kan ti n ja rain-rain lori ayelujara pe awọn afurasi Fulani darandaran ti ṣekupa ẹbi oluranlọwọ Gomina Rotinmi Akeredolu ipinlẹ Ondo lori ọrọ iroyin, Gani Muhammed Ajowa sori oko rẹ.
Ọgbẹni Dayo Ibiye ni oluranlọwọ Akeredolu sọ loju opo Facebook pe awọn afurasi Fulani ti pa ninu oko rẹ to wa ni Ajowa.
O sọ loju opo rẹ bayii pe ''Dayo Ibiye, ọkunrin niọ, ṣugbọn bi wọn ṣe ri ọ mu lo ya mi lẹnu.''
- Dúkìá mi tó tó N500m ni mo pàdánú, àmọ́ ó wù mí láti padà sí Igangan- Seriki Fulani
- Kábíyèsí Ooni ti forí jin Sunday Igboho lẹ́yìn tó túúbá- Ààfin Ile Ife
- Ìyanṣẹ́lódì àwọn òṣìṣẹ́ fásítì ń ṣe àkọ́bá tó pọ̀ fún àwa akẹ́kọ̀ọ́- Àwọn ọmọ UI yarí
- '' Ìrọ ní ò, N51.8million kọ́ ní àwọn Naijiria dá fún Sunday Igboho, N4milion ní''
- Kábíyèsí Ooni ti forí jin Sunday Igboho lẹ́yìn tó túúbá- Ààfin Ile Ife
- Ìdí rèé tí Ibadan ṣe ja ogun Kiriji pẹ̀lú Ekiti àti Ijesha f'ọ́dún mẹ́rìndínlógún
Ṣugbọn Kọmiṣọnna ọlọpaa ipinlẹ Ondo, Bolaji Salami sọ fun BBC Yoruba pe ko si ẹni to le sọ bo ya awọn Fulani darandaran lo pa Ibiye bayii.
Ọgbẹni Salami ṣalaye pe apa wa lara oku oloogbe naa ṣugbọn iwadii n lọ lọwọ lati mọ ohun to ṣe okunfa iku Ọgbẹni Abiye gan an.
''O le jẹ pe ija lo ṣẹlẹ laarin ọkunrin atawọn agbẹ mii, amọ iwadii si lọ lọwọ lori ohun to ṣe okunfa iku ọkunrin gan an,'' ọga ọlọpaa lo sọ bẹẹ.
Ọgbẹni Salami fikun ọrọ rẹ pe iyawo oloogbe naa lo fi to awọn ọlọpaa leti lẹyin ti wọn o ri Abiye ko pada wale lati oko.
Ọga ọlọpaa Ondo sọ pe awọn agbofinro ti wa ni agbegbe oko ti iṣẹlẹ ọhun ti ṣẹlẹ, wọn si ti gbe oku ọkunrin naa lọ si ile igboku si.
