Sunday Igboho: Oba Ogunwusi rọ Igboho láti máṣe dá òfin ṣe lọ́wọ́ ara rẹ̀
Oríṣun àwòrán, Facebook/Oba Adeyeye Enitan Ogunwusi
Ooni tilu Ile Ifẹ, Oba Adeyeye Enitan Ogunwusi naa ti da si ọrọ Sunday Igboho atibo se lọ fun awọn afurasi ọdaran Fulani ni gbedeke lati ko aasa wọn kuro lagbegbe Ibarapa.
Oba Ogunwusi gbe imọran yii kalẹ lasiko to n kopa lori eto ori mohunmaworan kan nilu Eko laarọ Ọjọbọ.
Ooni, ẹni to rọ Sunday Igboho lati mase da ofin se lọwọ ara rẹ, tun salaye pe ajijagbara naa ni ẹtọ labẹ ofin lati sọrọ sita lorukọ awọn eeyan ti iya n jẹ.
- Wo ìgbẹ̀yìn àwọn ọlọ̀tẹ̀ Yorùbá tó ran Fulani lọ́wọ́ láti kógun ja ìlú Osogbo
- Ẹ múra mi sílẹ̀ ẹ̀yin apààyàn Fulani ní Ogun, mò ń bọ̀ kánkán - Sunday Igboho
- Àwọn olóṣèlú ti ń fowó bẹ̀ mí kí n má bá Fulani jà torí ìbò 2023, àmọ́ o ti bọ́ - Sunday Igboho
- Sunday Igboho kò lẹ́tọ̀ọ́ láti lé Fulani nílùú, wọ́n sì le pè é lẹ́jọ́ - Femi Falana
- Wò ó bí Afọnja ṣe finú wénú pẹ̀lú Fulani ní Ilọrin títí tó fi jẹ iwọ
- Seyi Makinde lo ṣí ilé mi tó jóná pẹ̀lú ‘transformer 500kva’ - Sunday Igboho
Amọ ọba alaye naa gba Igboho niyanju lati jẹ ki gomina ipinlẹ Oyo atawọn alasẹ yoku se ojuse wọn nidi kikoju ipenija eto aabo to n ba ipinlẹ naa finra.
"Ẹ jẹ ka sọ tootọ, Igboho lo n gba ẹnu awọn mẹkunnu sọrọ. O jade sita, gbogbo eeyan si n gbọ ọrọ to sọ amọ imọran mi si gẹgẹ bi ọba alaye ni pe ko sọra se.
Awọn oloselu le gba ijijagbara yii mọ lọwọ, eyi to le mu ewu dani fun."
Ooni tun fikun pe Sunday Igboho ti se daadaa, ti gbogbo eeyan si n kan saara si fun iwa akọni to hu amọ ko gbọdọ maa da ofin se laaye ara rẹ.
"A ni gomina nipinlẹ naa, ẹni ti ipese eto aabo to peye gberu julọ, bẹẹ ni aarẹ Buhari ti ransẹ si lati wa foju kan oun.
Nitori naa, o yẹ ki Igboho gba awọn eeyan ti wọn yan sipo asẹ laaye lati se ohun to tọ nitori iwọntunwọnsi ni ohun gbogbo yẹ.
Buhari ṣèpàdé pẹ̀lú Ọọni, Makinde, Akeredolu lórí àwọn darandaran nílẹ̀ Yorùbá
Oríṣun àwòrán, Punch
Aarẹ Muhammadu Buhari ṣe ipade pọ pẹlu Ooni Ile Ife, Oba Enitan Ogunwusi lori aawọ to n ṣẹlẹ laarin awọn eeyan ilẹ Yoruba at'awọn darandaran.
Oluranlọwọ Ooni ṣalaye fawọn akọroyin pe Kabiyesi ṣalaye fun Aarẹ Buhari iha ti awọn lọbalọba ilẹ Yoruba kọ sí ọrọ naa.
Gẹgẹ bi amugbalẹgbẹ Oba Ogunwusi ti ṣalaye fáwọn akọroyin, Ooni sọ fun Buhari nipa ijamba tawon darandaran n ṣe nilẹ Yoruba.
Oríṣun àwòrán, Punch
Bakan naa ni Kabiyesi tun sọ fun Buhari igbesẹ ti awọn lọbalọba ti gbe lati ri pe alaafia jọba.
Ipade miiran yoo tun waye laarin Ọọni ati Aarẹ Buhari.
Ẹwẹ, Aarẹ Buhari tun ṣepade pọ pẹlu Gomina Seyi Makinde ipinlẹ Oyo ati Gomina ipinlẹ Ondo, Rotimi Akeredolu lori ọrọ kan naa.
Laipẹ yii ni ajijagbara ilẹ Yoruba, Sunday Adeyemo ti ọpọ mọ si Sunday Igboho sọ fawọn Fulani to wa lagbegbe Ibarapa nipinlẹ Oyo pe ki wọn kuro lori ilẹ Oyo lori ẹsun ijinigbe ati ipaniyan.
Lẹyin naa ni Igboho toun tero lẹyin rẹ lọ yabo ibugbe awọn Fulani gẹgẹ bi o ṣe sọ eleyi to da rogbodiyan silẹ.
Lẹyin aawọ yii lawọn janduku kan lọ fi ina Si ile Igboho to wa lagbegbe Soka n'Ibadan.
Bakan naa, Gomina ipinlẹ Ondo ti fawọn darandaran to wa ninu Igbo ijọba pe ẹnikẹni ti ko ba forukọsilẹ pẹlu ijọba gbọdọ fi igbó naa silẹ laarin ọjọ méje.
Ọrọ yii lo mu ki ẹgbẹ awọn Fulani darandaran, Miyetti Allah ṣepade pọ pẹlu awọn gomina ilẹ Yoruba lọjọ Iṣẹgun.
Ẹwẹ, Aarẹ Buhari tun ṣe ìpàdé pẹlu awọn olori awọn ileeṣẹ ologun mẹrẹrin to ṣẹṣẹ yan sipo.
Olori ologun, Maj-Gen Leo Irabor, olori ọmogun oriilẹ, Maj-Gen Ibrahim Attahiru, olori ọm'ogun oju omi, R.Admiral A.Z Gambo ati olori ọm'ogun ori afẹfẹ, Air-Vice Marshal I.O Amao, gbogbo wọn lo peju síbi ipade ọhun.
