Biodun Fatoyinbo COZA: Kò sí ààyè fún àíléso nínú isẹ́ Olúwa

Oludasile ijọ Commonwealth of Zion Assembly, Pasito Biodun Fatoyinbo naa ti da si ọrọ to sẹlẹ ninu ijọ David Oyedepo.

Saaju ni Bisoobu David Oyedepo ti ni ki awọn pasitọ kan ninu ijọ Living Faith lọ rọọ kun nile.

Oyedepo ni wọn ko gbe wọn to lẹnu isẹ wọn ninu ijọ Winners Chapel ni.

Fatoynbo fi esi rẹ yii lede loju opo instagram rẹ nibi to ti ni pe: Ko si aaye fun ọlẹ ati alaileso.

Ibeere: ti wan ba le osisẹ banki nitori pe ko sisẹ to bi o ti yẹ, se o maa lọ si ori ayelujara lọ maa pariwo ni?....

Bibeli safiwe ọkunrin kan to ni igi ọpọtọ kan ninu iwe Luuku ori ketala, ẹsẹ kẹfa titi de ẹsẹ kẹsan an ni Fatoyinbo fi gbe ẹsẹ ọrọ rẹ lẹyin.

O ni siso eso se pataki ju ki igi ọpọtọ naa kan gbilẹ lasan lọ.

Ati pe Bibeli ni pe gige ni ki a ge igikigi ti ko ba so eso.

Saaju ni Bisoobu Davis Oyedepo ti fesi fun awọ́n to n sọ̀rọ̀ lori bi o se da awọ́n Pasitọ́ kan duro.

Ìjọ́ mi kìí ṣe alágbé, kìí ṣe owó ló mú ká lé pásítọ̀ mọ́kànlélógójì - Oyedepo

David Oyedepo: Ìjọ́ mi gba ọ̀pọ̀ òṣìṣẹ́ síṣẹ́ ju ìjọba ìpínlẹ̀ míràn lọ

Asaaju ijọ Winners Chapel, David Oyedepo ti fesi lori awuyewuye to n waye pe ijọ rẹ le pasitọ mọkanlelogoji tori pe wọn ko pawọ wọle.

Oludasilẹ ileesẹ iransẹ Living Faith, ta mọ si Winners Chapel, Bisọọbu David Oyedepo, ti sọrọ sita nipa pasitọ mọkanlegoji, ti ijọ rẹ da duro laipẹ yii.

Bẹẹ ba gbagbe, a ti kọkọ mu iroyin wa fun yin nipa bi ijọ Winners' Chapel se gba isẹ lọwọ awọn pasitọ naa tori wọn ko mu ki ijọ wọn kun si.

Nigba to n salaye bi isẹlẹ naa se waye, Bisọọbu Oyedepo ni awọn olusọ aguntan naa lo ya "alaileso ati olukuna patapata,"

Àwọn iròyin tì ẹ leè ní ìfẹ̀ síí:

Oyedepo ni "ọrọ akoso ijọ wa ko ye awọn eeyan ni. Mo gbọ pe awọn eeyan kan n ni a da awọn pasitọ naa duro tori pe wọn ko pa owo to towo wọle ni.

Nigba ta gba eeyan bii ẹgbẹrun meje sẹnu isẹ lẹkan soso, se ko si ori ayelujara nigba naa ni abi o ti ku?

A ni awọn osisẹ pupọ nileesẹ iransẹ yii ju ijọba ibilẹ miran lọ, ti a ko si jẹ wọn lowo osu, bẹẹ ni a ko ya owo kankan lati san owo osu wọn.

Awa kii se agbe tabi gba owoya nile ifowopamọ ki a to le san owo osu awọn osisẹ wa, ẹ le bi awọn manija ile ifowopamọ ta n lo leere."

Oyedepo ni ọmọ majẹmu ni awọn ni ijọ Winners, ti awọn si n rin ninu imọlẹ ọrọ Ọlọrun, bẹẹ ni awọn n gbadun ferese ọrun to si silẹ le ijs naa lori.

O wa yan pe bi wọn se da awọn pasitọ naa duro ko ni ohunkohun se pẹlu ọrs owo pipa wọle nitori ijọ naa ko se alaini rara.

Ojisẹ Ọlọrun naa fikun pe ijọ oun kan n gbọran si asẹ Ọlọrun ni, to si n se atilẹyin fun ohunkohun ti awọn ba beere nitori Ọlọrun to dara ni.

Ṣé lóòtọ́ ni ìjọ Winners' Chapel dá pásítọ̀ 41 dúró tórí ọ̀rọ̀ owó?

Ọkunrin kan, to pe ara rẹ ni pasitọ ijọ Living Faith Church, Winners Chapel, Peter Godwin, sọ pe awọn alaṣẹ ijọ naa da oun duro lẹnu iṣẹ nitori pe ẹka ijọ ti oun wa ko pa owo wọle daadaa.

Opin ọsẹ to kọja ni iroyin naa kọkọ jade si ori ayelujara, pẹlu fidio kan nibi ti ọkunrin naa ti n ke ibosi pe ki awọn ọmọ Naijiria gba oun.

Ọgbẹni Godwin, ti iwadii fidi rẹ mulẹ pe ẹka ijọ Winners kan to wa nilu Ikere-Ekiti, nipinlẹ Ekiti, lo ti n ṣiṣẹ, sọ ninu fidio naa pe oun ati pasitọ bi ogoji ni Pasitọ Agba fun ijọ naa nipinlẹ Ekiti pe si ipade.

Ọjọ kinni, oṣu Keje, ọdun 2021 lo ni pasitọ agba naa pe awọn si ipade ọhun, to si da wọn duro lẹnu iṣẹ nitori pe ile ijọsin wọn ko pawo wọle daadaa.

Kilo wa ninu lẹta naa?

Peter Godwin ni "nipa oore-ọfẹ Ọlọrun, baba wa ninu ile ijọsin yii gba aṣẹ lọdọ Ọlọrun, lati da ẹgbẹrun mẹwaa ijọ silẹ ni Naijiria, mo si jẹ ẹnikan lara awọn pasitọ ti wọn gba si iṣẹ lọjọ kejidinlọgbọn, oṣu Kẹjọ, ọdun 2020.

"Lẹyin eto igbani siṣẹ mi, mo bẹrẹ iṣẹ, mo si fi ara mi n ṣiṣẹ Oluwa. Mo gbiyanju agbara mi, lati ri i pe mo jere ọkan fun Kristi, ṣugbọn o ṣe ni laanu pe mo gba ipe ni ọjọ kinni, osu Keje, pe pasitọ agba nipinlẹ yii fẹ ẹ ri mi.

"Mo kọkọ ro pe emi nikan ni, a fi bi mo ṣe debẹ, ti mo ba awọn pasitọ miran to le ni ogoji. Ko pẹ, ko jina, ni wọn pin lẹta fun gbogbo wa. Ṣiṣi ti mo ṣi lẹta naa lati wo nkan ti wọn kọ si i, iwe idaduro ni mo ba nibẹ."

Ọgbẹni Godwin tẹsiwaju ninu ọrọ rẹ pe, wọn kọ sinu lẹta naa pe "lẹyin agbeyẹwo iṣẹ ti a ṣe laipẹ yii, a ri i pe idagbasoke ijọ rẹ ko ri bi a ṣe nireti.

"A fẹ ẹ fi to ọ leti pe iṣẹ rẹ, gẹgẹ bi pasitọ ko wulo mọ ninu iṣẹ iranṣẹ yii, lati akoko yii lọ. O si gbọdọ fi gbogbo dukia ijọ, ile gbigbe, to fi mọ kaadi idanimọ rẹ, fun pasitọ to n dari agbegbe rẹ, ki o to o lọ."

Àwọn iròyin tì ẹ leè ní ìfẹ̀ síí:

Ninu lẹta naa to n lọ kaakiri ori ayelujara, to jẹ eyi ti wọn kọ si ara awọn pasitọ ti iroyin sọ pe wọn da duro, Saave Normor, to jẹ pasitọ ijọ naa kan nipinlẹ Benue.

Akọwe Agba fun ijọ Winners, Adebisi O. Aboluwade, lo buwọlu lẹta idaduro naa sita lorukọ awọn alaṣẹ.

O sọ pe oun pe awọn alamojuto ijọ ni ọjọ keji, lati beere alaye lori iwe idaduro naa, nitori pe "oun ko hu iwa buruku kankan".

Nibẹ lo ni wọn ti sọ fun oun pe ṣọọṣi naa kii ṣowo, ko má jere.

"Wọn tun sọ fun mi pe owo ti ṣọọṣi ti mo n dari n pa wọle, gbọdọ le gbọ bukaata mi ati ile gbigbe.

"Ṣugbọn nitori pe owo ko wọle daadaa, a da ọ duro."

Bakan naa lo sọ pe wọn ko fun awọn ni ẹbun kankan gẹgẹ bi ẹbun gba mabinu.

O ni igbesẹ naa n mu itiju ba agbo Kristi.

Kini ijọ Winners' Chapel sọ lori ẹsun ti Peter Godwin fi kan an?

Awọn alaṣẹ ijọ Living Faith Chapel ko ti sọ nkankan lori ẹsun naa, boya irọ ni, tabi otitọ.

Ileeṣẹ iroyin BBC, nigba to kan si ẹnikan lara awọn oṣiṣẹ ile ijọsin naa lori nọmba to wa loju opo ayelujara, wọn sọ pe oun ko ni ẹtọ lati ba akọroyin wa sọrọ.

Igba akọkọ kọ re e ti ẹnu yoo kun ijọ Winners' Chapel

Ọpọlọpọ igba ni awuyewuye ti waye lori oludasilẹ ijọ Living Faith Church, Biṣọọbu David Oyedepo.

Nigba miran, o le jẹ nitori ọrọ to sọ nipa ijọba Naijiria, arun Covid-19, idamẹwa tabi ọrẹ.

Ni awọn asiko miran, awọn ọmọ Naijiria ma n bu ẹnu atẹ lu igbe aye ọlọla ti Bisọọbu naa n gbe, paapaa nitori pe o ni awọn baalu aladani to fi n rinrinajo, ati fasiti nla meji.

Ọpọ lo gbagbọ pe Bisọọbu Oyedepo kii fi owo ṣe itọrẹ aanu, to si mọ bo ṣe n gba idamẹwa ati ọrẹ lọwọ awọn ọmọ ijọ rẹ.

Lọdun 2020 si 2021, awuyewuye tun waye nipa Oyedepo, nitori bo sẹ sọ pe oun ko gbagbọ pe Covid-19 wa, ti ko si jẹ ki ile ijọsin rẹ ma a tẹle awọn ilana kan ti ijọba fi silẹ nipa Covid-19.