David Oyedepo pe Biodun Fatoyinbo si ìsìn Shiloh, ọmọ Nìíjíríà fárígá
Oríṣun àwòrán, @biodunfatoyinbo
Lẹyin ọdun kan, awọn ọmọ orilẹ-ede Naijiria tun ti hu ọrọ ẹsun ifipabanilopọ ti wọn fikan gbajugbaja pasitọ ijọ COZA, Biodun Fatoyinbo, sita.
Eyi ko ṣẹyin bi iroyin ṣe jade sori ayelujara pe Fatoyinbo yoo ṣe iṣẹ iranṣẹ ninu eto Shiloh to n lọ lọwọ ninu ijọ Living Faith 'Winners Chapel', to jẹ ti Pasitọ David Oyedepo.
Ọdọọdun ni akanṣe isin Shiloh ma n waye ninu ijọ Winners, oriṣiriṣi awọn pasitọ ati akọrin si lo ma n ṣe iṣẹ iranṣẹ nibẹ.
- Ìdí rèé tí mi ò fi yọjú sí ìgbìmọ̀ àjọ PFN- Fatoyinbo
- ‘Ilé ẹjọ́ kò gbé ẹ̀sùn ìfipánílòpọ̀ yẹ̀wò, à ń lọ sí ilé ẹjọ́ - Busola Dakolo
- CAN kò rán ẹnikẹ́ni lọ ṣọ́ọ̀ṣì COZA, iṣẹ́ ara wọn ní wọ́n lọ jẹ́ -Samson Ayokunle
- Agbejọ́rò Dakolo:Mílíọ́nù mẹ́wàá náírà tí a béèrè kì í ṣe owó gbà má-bínú
- PFN: Fatoyinbo kọ̀ láti yọjú ni ìwádìí wa kò ṣe parí
- Biodun Fatoyinbo fi ipò sílẹ̀ lorí ẹ̀sùn ìfipábánilòpọ̀
Iroyin sọ pe Pasitọ Oyedepo lo kede lasiko eto isin kan ni Ọjọbọ, pe Biodun Fatoyinbo yoo farahan ninu isin Shiloh, gẹgẹ bi alejo pataki.
Ikede yii si ni ko ba awọn ọmọ Naijiria kan lara mu loju opo Twitter.
Eyi si mu ki wọn o tun bẹrẹ si ni ṣọ ọrọ nipa ẹsun ifipabanilopọ ti ayaworan, to tun jẹ iyawo gbajugbaja akọrin, Timi Dakolo, Busola, fikan Fatoyinbo.
Ọdun 2019 ni Busola Dakolo jade si gbangba pẹlu ẹsun pe Pasitọ Biodun fi ipa ba oun lopọ ninu ile awọn obi oun nilu Ilorin, ni ọdun diẹ sẹyin.
Ọrọ naa da awuyewuye silẹ. Koda, ọpọ eeyan lo ṣe iwọde lọ si awọn ẹka ile ijọsin COZA nilu Abuja, Eko, ati Port Harcourt.
Wọn n fẹ ki Fatoyinbo fi ipo rẹ silẹ gẹgẹ bi Pasitọ Agba ijọ naa.
Ṣugbọn, Fatoyinbo kọ lati ṣe bẹ ẹ.
O sọ pe irọ ni ẹsun ti Busola fi kan oun. Ọrọ naa ṣi wa nile ẹjọ bayii nilu Abuja.
Lọtẹ yii, ohun ti ọpọ eeyan n sọ lori Twitter ni pe Fatoyinbo ti wọn fi ẹsun ifipabanilopọ, ko yẹ ni ẹni to yẹ ki wọn o pe si iru isin bi i Shiloh.
- Daddy Freeze túbá! Wo ìdí tó fi tọrọ àforíjì fún ọ̀rọ̀ ẹ̀gbin tó sọ sí Pásítọ̀ David Oyedepo
- N kò gba owó rí lọ́wọ́ olùdíje kó tó dé ipò - Oyedepo
- Ejò lọ́wọ́ nínú lórí ìdájọ́ ẹ̀wọ̀n gbére tí wọ́n dá fún Wòlíì Sotitobire, àwọn ọmọ ìjọ rẹ̀ yarí
- Sotitobire: Ojú àwọn Wòlí tó tí lọ sẹ́wọ̀n lórí ẹ̀sùn ọdaràn tẹ́lẹ̀ rèé
Nibo ni orisun iroyin naa ti wa?
Ẹni to ṣe e ṣe ko pilẹ ọrọ naa lori Twitter, Bowale @Son_of_a_O, sọ pe oun n wo isin Shiloh lori ayelujara ni alẹ Ọjọru.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 1
Ṣugbọn, o ya oun lẹnu nigba ti Pasitọ Oyedepo pe Biodun Fatoyinbo sori pẹpẹ, lati ba ijọ sọrọ.
Igbesẹ yii lo mu ki oun fi opin si wiwo isin naa.
Ẹlomii, @MrLewinOkotie, sọ pe "Biodun Fatoyinbo mura daadaa, to si joko si aaye ti wọn ya sọtọ fun awọn pasitọ ni Shiloh.
Koda, Biṣọọpu Abioye tun kede rẹ gẹgẹ bi ara awọn pasitọ to wa fun isin naa."
O ni ko si ẹṣẹ ti Ọlọrun kii dariji, abi?
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 2
@Hermosa_Reinaa ni tiẹ sọ pe bi Fatoyinbo ṣe jẹ alejo pataki ni Shiloh jẹ ara idi ti oun ko ṣe fẹ ẹ ni nkankan ṣe pẹlu ẹsin Kristiẹni ni Naijiria.
Ṣugbọn, eero awọn eeyan kan yatọ.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 3
Fun Ogbe Enhakkore @MyNameIsOgbe, o ni oun mọ pe bi wọn ṣe yẹ Fatoyinbo si, ni shiloh, bi ọpọ eeyan ninu.
O ni amọ, ibinu naa tumọ si pe wọn ko ni oye bi ẹsin Kristiẹni ṣe ri ni.
O lo apejuwe iṣẹlẹ obinrin oni pansaga kan, ti Jesu doola ninu Bibeli, lọwọ awọn to fẹ sọ ọ ni okuta pa.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 4
O ni idariji ẹṣẹ ni koko pataki ẹsin Christiẹni.
"Bi a ṣe n ba Fatoyinbo wi, ẹ jẹ ko a yẹ ara wa naa wo, boya a ko ni ẹṣẹ kankan."
