Oyo SSG Office Burgled: Ìjọba Oyo dúnkookò mọ́ iléeṣẹ́ tó bá gbé ìròyìn èké síta
Oríṣun àwòrán, @seyimakinde
Idaji ọjọ ọdun ni iroyin kan gbalẹ pe awọn adigunjale ti ja wọ ọọfisi akọwe ijọba ipinlẹ Oyọ, Arabinrin Olubamiwo Adeosun lọjọbọ, tii se ọjọ aisun ọdun tuntun.
Gẹgẹ bi iroyin naa ti wi, eyi ti awọn ileesẹ iroyin kan gbe sita ( BBC Yoruba ko gbe iroyin naa tori ko si ọna lati fidi rẹ mulẹ nigba naa), wọn ni igba keji ree ti isẹlẹ naa yoo waye.
Iroyin naa ni akọwe ijọba ko si ni orilẹede yii lasiko ti isẹlẹ naa waye, ti wọn ko si tii mu ẹnikẹni lori isẹlẹ ọhun bi o tilẹ jẹ pe awọn agbofinro yi ọọfisi naa ka.
Àwọn iròyin tì ẹ leè ní ìfẹ̀ síí:
- Adarí báǹkì FCMB wọ̀ gàù torí ẹ̀ṣùn àjọṣepọ̀ pẹ̀lú òṣìṣẹ́ àbilékọ
- Ṣé lóòtọ́ọ́ ni Ọba Rilwan Akiolu padà sí ààfin lọ́jọ́ ọdún?
- Ọ burú jáì kí ààrẹ orílẹ̀èdè kọ̀ láti bá aráàlú sọ̀rọ̀ lásìkò ìṣòro - Ibrahim Babangida
- Iléẹ̀kọ́ Deeper Life, ẹ san N100m owó gbà má bínú fún ọmọ mi, kẹ sì tọrọ àforíjìn - Òbí akẹ́kọ̀ọ́
- Àwọn òṣèré Yorùbá t'Élédùwà gbà fún àmọ́ tí wọn kìí ṣe ọmọ ilẹ̀ Yorùbá
- Dangote já mi kulẹ̀ lóri ọ̀rọ̀ ìfẹ́ àmọ́ ó kọ́ mi bá a ṣé lówó - Ọ̀rẹ́bìnrin Dangote lahùn
- Ẹ sunkún mọ níwọ̀n lórí àríwísí yín sí Buhari lọ́dún 2021 - Femi Adesina
- Mọ̀ si nípa Samuel Ajayi Crowther, bó ṣe pé àádóje ọdún tó jáye láyé
- Ọ̀lẹ adàrí, tí kò lóye, ló fìyà jẹ wá ní 2020 yàtọ̀ sí Coronavirus - Atiku Abubakar
Bakan naa ni iroyin ọhun sọ pe, awọn adigunjale yii tun fọ ọọfisi Akeem Ademola Ige, tii se oludamọran fun gomina Makinde lori eto ilera.
Ijọba Oyo sẹ lori iroyin to ni adigunjale fọ ọọfisi akọwe ijọba:
Amọ nibayii, ijọba ipinlẹ Oyo ti fesi pe iroyin eke gbaa ni iroyin naa nitori ko si ohun to jọ iru isẹlẹ bẹẹ rara.
Atẹjade kan ti akọwe feto iroyin fun gomina ijọba ipinlẹ Oyo, Taiwo Adisa fisita ni gbogbo awọn agbofinro to wa lọgba Secretariat lo fidi rẹ mulẹ pe ofuutu fẹẹtẹ, aasa ti ko ni kaun ni ọrọ naa.
"Awọn ileesẹ iroyin to gbe iroyin naa ni wọn ko se iwadii to yẹ nipa isẹlẹ naa, ki wọn to gbe sita, eyi to mu ki wọn kuna ninu ojuse wọn lati maa gbe iroyin ododo sita."
Bakan naa lo fikun pe awọn ileesẹ iroyin naa ko le sọ pato awọn dukia tawọn ole naa ji ko lọọfisi akọwe ijọba, eyi to fidi rẹ mulẹ pe omulomu ni wọn n mu.
Ijọba ipinlẹ Oyo wa dunkooko pe ileesẹ iroyin to ba gbe iroyin eke bii iru eyi yoo foju wina ofin nitori abala ofin wa nilẹ to de titẹ iroyin eke sita.
O ni ko si ileesẹ iroyin to dantọ ti yoo tẹ irufẹ iroyin ti ko fidi mulẹ bayii sita, eyi to le e ta ẹrẹ si asọ ala ijọba Oyo.
