Femi Adesina: Ààrẹ Buhari ti gbìyànjú tó, ẹ sinmi agbaja àti ìbàjẹ́ rẹ̀
Oríṣun àwòrán, Facebook/Femi Adesina
Oludamọran pataki fun aarẹ Buhari lori eto iroyin ati ikede, Femi Adesina, ti sọ oko ọrọ si awọn to n bu ẹnu ẹtẹ lu aarẹ, o ni ki wọn din ẹkun sisun wọn ku lọdun 2021.
Ninu ọrọ apilẹkọ rẹ to fi sita, Adesina sọ pe ẹlẹkun ni awọn to n bu aarẹ Buhari nitori pe wọn kudun lati ma a bu titi de ori nkan ti ko ni itumọ.
Femi Adesina sọ pe ọdun iṣẹ aṣekara ni 2021 jẹ, ki ijọba le ṣayeyọri lori awọn akaṣe iṣẹ to dawọ le.
Àwọn iròyin tì ẹ leè ní ìfẹ̀ síí:
- Wo ọ̀pọ̀ àsọtẹ́lẹ̀ táwọn òjíṣẹ́ Ọlọ́run sọ nípa ọdún 2021
- Sowore tún kó sí àhámọ́ agbófinró torí ìwọ́de àìṣùn ọdún
- Àwọn kókó tó jẹyọ nínú ọ̀rọ̀ ọdún tí Buhari bá ọmọ Naijiria sọ
- Gbogbo ọjọ́ kérésì ni ìyá Leah Sharibu ń sàìsàn, ó tún ti wà nílé ìwòsàn
- Gbàjarè! Ràkúnmí làwọn agbébọn ń lò láti gbé àdó ikú wọ òkè ọya - Arewa figbe ta
- Bí 2020 ṣe ń lọ sópin, Alapinni Oosa wúre ọdún fún ọmọ Yorùbá
- A ti yí orin ọdún ń lọ sópin sí èdè Igbo àti Hausa - Mama Fasoyin
- Àkójọpọ̀ àwọn ìṣẹ̀lẹ̀ tó dára àti èyí tó burú tó wáyé ní 2020
- Ẹ wo àwọn ìlúmọ̀ọ́ká ọmọ Nàíjíríà tó jáde láyé lọ́dún 2020
- Wo ọ̀pọ̀ mílíọ̀nù fóónù tí Whatsapp kò ní bá ṣiṣẹ́ mọ́ lọ́dún 2021
- Ẹ wo àwọn èèkàn eléré ìdárayá tó bá ọdún 2020 lọ
"Ọdun to yẹ lati sinmi agbaja ni, to yẹ ki awọn ẹlẹkun to n ṣe ibajẹ aarẹ wa iṣẹ ṣe, ki wọn o le fi aaye gba ijọba lati gbajumọ iṣẹ to wa lọwọ rẹ."
O tẹsiwaju pe ẹnikẹni to ba nifẹ orilẹ-ede Naijiria, gbọdọ pinnu lati mase di ijọba lọwọ lọdun yii.
O ni lootọ ni ipenija wa lori eto aabo, ọrọ aje, airiṣẹ ṣe, ati awọn nkan mii. Ṣugbọn o yẹ ki wọn ma a yin ijọba ni, ki wọn o si mu ori rẹ wu lati ṣe daadaa si.
"Ọpọlọpọ awọn ti ko mọ riri isẹ Buhari, lo n jẹ anfaani aṣeyọri ijọba rẹ, pẹlu bi awọn kan lara wọn sẹ n wọ ọkọ oju'rin ti iṣakoso rẹ filọlẹ."
Adesina ni kii ṣe pe oun ni ki wọn o ma bu ẹnu ẹtẹ lu aarẹ lọdun 2021, amọ ko gbọdọ jẹ koko iṣẹ ti wọn yan layo.
O ni bi nkan ṣe buru to fun Naijiria lori eto ọrọ aje, owo oṣu awọn oṣisẹ ati awọn to ti fẹhinti, to fi mọ ipese owo fun nkan amayedẹrun ati iṣẹ agbẹ ko dawọ duro, nitori aṣẹ ti Buhari pa fun minisita fun eto inawo.
"To ba jẹ awọn ijọba asiko kan ni, apo ara wọn ni wọn o da iwọnba owo to wa nilẹ si."
