Omoyele Sowore: Ẹyin ọ̀dọ́, ẹ jáde wá ṣe ìwọ́de àìṣùn ọdún láti tako ìjọba burúkú

Iroyin kan to gba ori ayelujara kan lo n wipe awọn agbofinro tun ti mu asiwaju ẹgbẹ ajafẹtọ ẹni Revolution Now, Omoyele Sowore si ahamọ.

Sowore atawọn ọmọ ẹgbẹ ajafẹtọ ẹni naa ni wọn se iwọde kan to pe akori rẹ ni 'Resolute 2021', bẹrẹ ni alẹ aisun ọdun titi wọnu ọdun tuntun.

Bakan naa tun ni irufẹ iwọde naa tun waye lawọn ipinlẹ kan lorilẹede yii bii Ondo, Kaduna ati Osun mọjumọ ọjọ ọdun tuntun 2021.

Saaju ni alẹ ọjọ aisun ọdun tuntun ni Sowore ti kede loju opo Twitter rẹ pe ki ẹnikẹni to ba nifẹ lati kopa ninu aisun iwọde naa, jade sita .

O ni ki awọn oluwọde ọhun mu abẹla ati paali ikede lọwọ, eyi to n sọ awọn ohun ti wọn n fi ehonu han le lori nipa ijọba Muhammadu Buhari.

Bakan naa lo n rọ wọn pe ki wọn pin awọn aworan ati fidio ti wọn ba ya lasiko iwọde naa soju opo ayelujara wọn.

Àwọn iròyin tì ẹ leè ní ìfẹ̀ síí:

Gẹgẹ ba se gbọ, awọn agbofinro ko jẹ ki iwọde naa tutu, ti wọn fi sẹburu adari iwọde naa nilu Abuja atawọn oluwọde miran, ti wọn si gbe wọn lọ sibi ti ẹnikẹni ko mọ.

Nibayi ọmọ Naijiria lo ti wa n kesi aarẹ Muhammadu Buhari lori ayelujara pe ko tu Omoyele Sowore silẹ ni ahamọ, ko si ye lo ọlọpaa lati dunkoo mọ araalu.